9 Li ajvalil Tou ta Amate laj yaʼi ti laj xa stsalbe skotol yajsoltarotak ajvalil Adadeser+ ta Soba+ li Davide. 10 Jaʼ yuʼun, ta ora noʼox la stak batel ta stojolal ajvalil David li xnichʼon ti Adoram sbie sventa xbat sjakʼbe kʼu yelan oy xchiʼuk sventa skʼupil kʼopta li Davide, yuʼun la stsal li Adadesere (yuʼun li Toue tsaʼat onoʼox ta kʼop yuʼun li Adadesere), jech xtok, la stakbe batel li kʼusitik pasbil ta oro, ta plata xchiʼuk ta kovree. 11 Li ajvalil Davide la xchʼultajes sventa Jeova li kʼusitik taje+ jech kʼuchaʼal la xchʼultajes li plata xchiʼuk oro ti la spojbe talel li jyanlumetike: jaʼ li j-edometik, jmoabetik, j-ammonetik,+ jfilisteaetik+ xchiʼuk li j-amaleketike.+