• Isaias 38:3
    Xchʼul Kʼop Dios sventa Achʼ Balumil

    • 3 «Kajval Jeova, ta jkʼanbot vokol, avokoluk, vuleso ta ajol+ ti kʼu yelan tukʼ kakʼoj jba tal ta atojolale xchiʼuk ti ta sjunul koʼonton laj kakʼ jba ta atojolale,+ jech xtok, jaʼ jpasoj li kʼusi lek chavile». Vaʼun, lik smil sba ta okʼel li Esekiase.

  • Isaias 38:5
    Xchʼul Kʼop Dios sventa Achʼ Balumil

    • 5 «Sutan batel xchiʼuk xi xbat avalbe li Esekiase:+ ‹Xi chalbot li Jeova ti jaʼ Sdios li David ti jaʼ amoltote: «Laj kaʼi li a-orasione.+ Laj kil ti la amal li yaʼlel asate.+ Kʼelavil, ta to jnatubtasbot 15 jabil li akuxlejale,*+

  • Joel 2:13, 14
    Xchʼul Kʼop Dios sventa Achʼ Balumil

    • 13 Jaʼ xaliʼ ta jatel li avoʼontonike,+ maʼuk xaliʼ ta jatel li akʼuʼ apokʼike,+

      sutanik tal ta stojolal li Jeova Dios avuʼunike,

      yuʼun oy slekil yoʼonton xchiʼuk chkʼuxubinvan, mu ta aniluk chlik skʼakʼal yoʼonton+ xchiʼuk ep tukʼil kʼanelal yuʼun+

      xchiʼuk chchaʼnop to lek* mi chakʼ tal li vokolile.

      14 Xuʼ van mu xa xtal skʼakʼal yoʼonton xchiʼuk xuʼ van xchaʼnop to* li kʼusi tspase,+

      xuʼ van xakʼboxuk bendision,

      xuʼ van xakʼboxuk matanal sat tsʼunobiletik xchiʼuk matanal vino sventa xavakʼbeik li Jeova Dios avuʼunike.

  • Amos 5:15
    Xchʼul Kʼop Dios sventa Achʼ Balumil

    • 15 Pʼajik li kʼusi chopole, jaʼ kʼanik li kʼusi leke,+

      jaʼ akʼo spas kanal ta yochebal jteklum li tukʼilale.+

      Li Jeova Dios ti jaʼ bankilal yuʼun soltaroetike

      xuʼ van xkʼuxubin li skomenal* snitilulal Josee›.+

  • Jonas 3:8, 9
    Xchʼul Kʼop Dios sventa Achʼ Balumil

    • 8 Kʼalal ta krixchano xchiʼuk kʼalal ta chonbolom lapik chʼixal kʼuʼil. Tsots kʼanbeik vokol li Diose xchiʼuk iktaik komel li chopol be atamojike. Jech, iktaik skotol li tsatsal utsʼintael chapasike. 9 ¡Yikʼaluk chchaʼnop to* li kʼusi snopoj tspas li melel Diose xchiʼuk tskʼunibtas li skʼakʼal yoʼonton sventa mu xijchame!».