36 Jech xtok, te oy li chaʼvoʼ xnichʼnabike: li Aimaas+ xnichʼon Sadoke xchiʼuk li Jonatan+ xnichʼon Abiatare. Jaʼ akʼo tal yalbeikun skotol li kʼusi chavaʼiike».

16 Jaʼ yuʼun, batanik ta anil ti bu oy li Davide, xi xavalbeike: ‹Mu me liʼuk xakomik ta ukʼumaltik ta takixokol balumil* li avi akʼobale. Jelavanik batel ta jot ukʼum, yuʼun mi moʼoje, yikʼal me xichʼ milel*+ li ajvalil xchiʼuk skotol li buchʼutik te xchiʼuke›».

21 Kʼalal sutik xa ox batel li viniketike, lokʼik ta poso li Aimaas xchiʼuk Jonatane, xi bat yalbeik li ajvalil Davide: «Li Aitofele laj yal ti oy kʼusi xavichʼik pasbele,+ jaʼ yuʼun likanik, tuchʼik jelavel ta anil li ukʼume».