24 Li Josue xchiʼuk skotol j-israeletike laj yikʼik batel li Akane,+ li xnichʼon Serae. Laj yichʼik batel xtok li platae, li kʼuʼil pokʼil ti toyol stojole xchiʼuk li jtel oroe,+ laj yikʼbeik batel li skeremtake, li stsebetake, li stot xvakaxtake, li svurotake, li xchijtake, li skarpanae xchiʼuk skotol li kʼusi oy yuʼune. Laj yikʼik muyel ta stenlejaltik Akor.+

26 Kʼalal chamem xa oxe, la slatsbeik epal ton ta sba ti te oy-o kʼalal to avie. Jaʼ jech yoch skʼakʼal yoʼonton li Jeovae.+ Jaʼ yuʼun, li osil taje stenlejaltik Akor* sbi kʼalal to avie.

29 Jech xtok, la sjokʼan ta jtel teʼ* li ajvalil ta Aie, te jokʼol-o kʼalal chchʼay xa ox batel kʼakʼale. Pe kʼalal mu to chchʼay batel kʼakʼale, li Josuee laj yal mantal ti akʼo syalesbeik li sbekʼtale.+ Te bat sjipik ta yochebal stiʼ jteklum xchiʼuk la slatsbeik epal ton ta sba ti te oy-o kʼalal to avie.

23 Jaʼ yuʼun, la slokʼesik talel li voʼob ajvalil te tikʼajtik ta chʼene, jaʼ li ajvalil ta Jerusalene, li ajvalil ta Ebrone, li ajvalil ta Jarmute, li ajvalil ta Lakise xchiʼuk li ajvalil ta Eglone.+

27 Kʼalal chʼayem xa ox batel kʼakʼale, li Josuee laj yal mantal ti akʼo syalesbeik li sbekʼtalike+ xchiʼuk ti akʼo sjipik ochel li ta chʼen ti bu toʼox la snakʼ* sbaike. Laje, laj yakʼbeik mukʼtik tonetik ta stiʼ li chʼene, te oy-o kʼalal to avie.