31 Pe li Jeue muʼyuk la xchʼun ta sjunul yoʼonton li Smantal Jeova ti jaʼ Dios yuʼun Israele.+ Jaʼ la spas-o li mulil la spas Jeroboan ti jaʼ la sta-o smul yuʼun li Israele.+

21 La snuts lokʼel ta yutsʼ yalal David li Israele, vaʼun li j-israeletike jaʼ la stikʼik ta ajvalil li Jeroboan ti jaʼ xnichʼon Nebate.+ Pe li Jeroboane namaj yuʼun ta stojolal Jeova li Israele xchiʼuk jaʼ ta smul ti la sta tsots smulike. 22 Li jteklum Israele jaʼ la spasik-o li muliletik la spas Jeroboane.+ Muʼyuk laj yikta sbaik ta spasel, 23 jaʼ to la xkechanik kʼalal nutsatik lokʼel yuʼun li Jeovae jech kʼuchaʼal yaloj xa onoʼox ta stojolal li yajtuneltak ti jaʼ j-alkʼopetike.+ Jaʼ yuʼun, li Israele laj yichʼ chukel batel ta Asiria+ xchiʼuk te oy-o kʼalal to avie.