29 Akʼo komuk ta sba Joab+ xchiʼuk komuk ta sba skotol li yutsʼ yalal stote. ¡Li ta yutsʼ yalal Joabe jechuk-o komuk ti oy jun vinik ti oy kʼusi chlokʼ ta sbekʼtale+ o ti tstsakat ta leprae*+ o ti mu xtun yakan o skʼobe* o ti xmilat ta espadae o ti xlaj ta viʼnale!».+

31 Xi albat yuʼun li ajvalile: «Paso jech kʼuchaʼal chale; milo xchiʼuk muko komel, mu xavakʼ jmulinkutik xchiʼuk yutsʼ yalal jtot li xchʼichʼel li buchʼutik muʼyuk smul ti la smil Joabe.+ 32 Akʼo akʼbatuk kastigo yuʼun Jeova li Joabe, yuʼun la smalbe xchʼichʼel chaʼvoʼ viniketik ti mas to tukʼik xchiʼuk ti mas to x-echʼ slekilik ti jaʼ mu sta li stuke, ti muʼyuk laj yaʼi jtot David kʼalal la smil li Abner+ xnichʼon Ner ti jaʼ bankilal yuʼun soltaroetik ta Israele+ xchiʼuk li Amasa+ xnichʼon Jeter ti jaʼ bankilal yuʼun soltaroetik ta Judae.+ 33 Li xchʼichʼel viniketike chkom ta sba Joab xchiʼuk ta sba snitilulal ta sbatel osil;+ pe jaʼ akʼo akʼbatuk jun oʼontonal yuʼun Jeova sbatel osil li Davide, li snitilulale, li yutsʼ yalale xchiʼuk ti kʼu yelan tspas mantale». 34 Jaʼ yuʼun, muy batel li Benaya xnichʼon Jeoiadae, la smil li Joabe. Li Joabe te laj yichʼ mukel ta stsʼel sna te ta takixokol balumil.