Voʼon chimilvan xchiʼuk voʼon chkakʼ kuxlejal yan velta.+

32 Kʼalal och ta yut na li Eliseoe, te puchʼul ta stem* xchiʼuk chamem li kereme.+

34 Jech xtok, muy li ta teme* xchiʼuk la spatan sba ta sba li kereme, snupoj sba kom yeik, sbekʼ satik xchiʼuk snupoj sba kom li xpachʼomal skʼobike, jech te lik kʼixnajuk sbekʼtal li kereme.+

21 Kʼalal yakal tsmukik jun animae, laj yilik ti te xtal jtsop j-elekʼetike, jaʼ yuʼun ta anil xa la sjipik komel ta smukinal Eliseo li animae xchiʼuk jatavik batel. Li animae te napʼal kʼot ta sbakil li Eliseoe, vaʼun kuxi+ xchiʼuk vaʼi likel.

15 Te une, chaʼkuxi li kereme, choti xchiʼuk lik kʼopojuk, vaʼun li Jesuse laj yakʼbe skerem li meʼile.+

54 Pe la stsakbe skʼob li tsebe xchiʼuk xi laj yalbee: «Tseb, ¡likan!».+ 55 Vaʼun, chaʼkuxi*+ li tsebe, ta anil noʼox lik+ xchiʼuk laj yal mantal Jesus ti akʼo smakʼlinike.

28 Mu me chʼayaluk to avoʼontonik xkʼot yuʼun taje, yuʼun chkʼot yorail ti skotol li buchʼutik oy ta smukinalike* chaʼibeik yechʼomal ye,+ 29 vaʼun chlokʼik tal, chchaʼkuxiik sventa kuxlejal li buchʼutik lek kʼusitik la spasike xchiʼuk chchaʼkuxiik sventa chapanel li buchʼutik toj chopol kʼusitik la spasike.+

44 Li vinik ti chamem toʼoxe tsʼotol ta pokʼ yok skʼob lokʼ tal xchiʼuk pixbil ta jlik pokʼ li sate. Xi laj yal li Jesuse. «Titunik, akʼo batuk».

40 Pe takatik lokʼel skotolik yuʼun li Pedroe,+ vaʼun la skejan sba, la spas orasion, laje joypʼij, la skʼel xchiʼuk xi laj yalbee: «Tabita, ¡likan!». Vaʼun, la svikʼ sat, la sta ta ilel li Pedroe, laje choti.+ 41 La stsakbe skʼob, la snit likel, laje la stak ta ikʼel li buchʼutik chʼule xchiʼuk li antsetik ti chamem smalalike, vaʼun kuxul xa akʼbat yilik.+

9 Te chotol ta ventana jun kerem ti Eutiko sbie, och tajek svayel kʼalal yakal chkʼopoj li Pabloe, vaʼun pʼaj* yalel ta yoxibal piso ta skoj ti solel ochem svayele, jaʼ yuʼun chamem xa la stoyik. 10 Vaʼun, yal talel li Pabloe, la spatan sba ta stojolal, la smey+ xchiʼuk xi laj yale: «Iktao abaik ta vochlajetel,* yuʼun kuxul».+

9 Yuʼun jaʼ sventa ti cham xchiʼuk ti kuxi yan velta li Kristoe sventa xkʼot ta Kajvaltik yuʼunik li buchʼutik chamemik xchiʼuk li buchʼutik kuxulike.+

17 Kʼalal akʼat ta preva li Abraane,+ ta skoj xchʼunel yoʼonton laj yakʼ xkaltik li Isaake, li buchʼu ta sjunul yoʼonton la xchʼam li kʼusitik albil onoʼox skʼoplale oy ta yoʼonton laj yakʼ li jun noʼox xnichʼone+

19 Pe la snop ti xuʼ chchaʼkuxes li Diose, kʼalal jech kʼot ta pasele, kʼot jech kʼuchaʼal jun skʼelobil.+