17 Xi laj yal li Eliseoe: «Jamo li ventana ti skʼeloj batel slokʼeb kʼakʼale». Jaʼ yuʼun, la sjam li ventanae. Xi laj yal li Eliseoe: «¡Tʼileso batel li flechae!». Jaʼ yuʼun, la stʼiles batel li flechae. Vaʼun xi laj yal li Eliseoe: «¡Li flecha liʼe jaʼ skʼelobil ti chkuch yuʼun paskʼop li Jeovae, li flecha liʼe jaʼ skʼelobil ti chkuch avuʼun paskʼop ta stojolal li Siriae! Te chatsal ta Afek+ li Siriae jaʼ to ti kʼuxi xlaj skʼoplal avuʼune».