25 Vaʼun, li Jeue xi laj yalbe li Bidkar ti jaʼ bankilal yajkoltaobbae: «Lokʼeso, te xbat ajip li ta yosil Nabot ti likem ta Jesreele.+ Vuleso ta ajol ti xi onoʼox laj yal Jeova+ li kʼusi chkʼot ta stojolal kʼalal jaʼo te ta jbeiltas batel jkaʼtik ta spat Akab ti jaʼ stote: 26 ‹Xi chal li Jeovae: «Jamal chkal ti te chkakʼ atoj+ li ta jsep osil liʼe ta skoj ti liʼ laj kilbe volje xchʼichʼel li Nabot+ xchiʼuk xchʼichʼel li xnichʼnabtake», xi chal li Jeovae›. Jaʼ yuʼun, lokʼeso, te xajip li ta jsep osile, yuʼun jech onoʼox yaloj li Jeovae».+

7 Kʼalal kʼot ta skʼobik li kartae, ta anil noʼox la stsakik li xnichʼnabtak ajvalile, la xtuchʼbeik sjol li 70 ta voʼ viniketike.+ La stikʼik ta mochetik, laje la stakbeik batel Jeu ta Jesreel.

11 Jech xtok, li Jeue la smilbe skotol li yutsʼ yalal Akab ti te to oyik ta Jesreele, la smilbe xtok li sviniktak ti lek ichʼbilik ta mukʼ yuʼune, li yamigotake xchiʼuk li yajpaletake,+ mu xa junuk buchʼu kuxul laj yiktabe.+