26 Li ajvalil Salomon xtoke la spas varkoetik li ta Esion-Gueber+ ti te oy ta stsʼel Elote, te xkom ta stiʼil Tsajal nab ta yosilal Edom.+

35 Ta tsʼakal li ajvalil Jeosafat ta Judae la spas ta koʼol yoʼontonik xchiʼuk li ajvalil Okosias ta Israel ti toj chopol kʼusi la spase.+ 36 Jech oxal, la spas stratoik ti jmoj tspasik varkoetik sventa xbat ta Tarsise.+ Te bat spasik ta Esion-Gueber+ li varkoetike. 37 Pe li Elieser ti jaʼ xnichʼon li Dodavau ta Maresae xi onoʼox jamal laj yal li kʼusi chkʼot ta stojolal li Jeosafate: «Ta skoj ti la apas ta koʼol avoʼonton xchiʼuk li Okosiase, tslilinbot Jeova li kʼusi la apase».+ Jech lilij li varkoetike,+ jaʼ yuʼun muʼyuk xa xbat ta Tarsis.