26 Li Moisese te vaʼi li ta yochebal karpanaetike, xi laj yale: «¡Akʼo taluk ta jtojolal+ li buchʼu koʼol yoʼonton xchiʼuk li Jeovae!». Jech te la stsob sbaik ta stojolal Moises skotol li jlevietike. 27 Xi laj yalanbee: «Xi yaloj Jeova ti jaʼ Dios yuʼun li Israele: ‹Chukino a-espadaik ta jujuntal xchiʼuk xanik ta sjunul li karpanaetike, te xa-echʼik li ta jujun stiʼe, vaʼun milik komel li achiʼilik ta vokʼele, li alakʼnaike xchiʼuk li buchʼu lek xakʼopon aba achiʼukike›».+

6 »Mi oy junuk achiʼil ta vokʼel ti jaʼ skerem ameʼ, o mi oy junuk akerem, o atseb, o avajnil ti akʼuxubinoje o li buchʼu lek xavil aba achiʼuk ti xi mukul tsloʼlaote: ‹Batik, bat tunkutik yuʼun yan diosetik›,+ jaʼ li diosetik ti mu xavojtikin xchiʼuk ti muʼyuk laj yojtikin li amoltotake, 7 li sdios jteklumetik ti te oy ta apat axokone akʼo mi nopol o mi nom oy ta atojolal, buyuk noʼox ta jujujot xchikin li lume, 8 mu me xachʼunbe li kʼusi chale, mu xachikintabe,+ mu xkʼuxubaj ta avoʼonton, mu aboluk sba xavil xchiʼuk mi jaʼuk xapoj. 9 Ti kʼusi skʼan xapase, jaʼ ti persa skʼan xamile.+ Voʼot baʼyel skʼan xavakʼ akʼob ta stojolal sventa xichʼ milel, jaʼ tsʼakal to chakʼ skʼob li jteklume.+

5 Jech xtok, laj kaʼi ti xi laj yalbe li yantike: «Batanik ta sjunul li jteklume, tijlanik batel ta spat li vinike xchiʼuk milik li krixchanoetike. Mu chopoluk xavaʼi abaik ta stojolalik xchiʼuk mu xkʼuxubaj ta avoʼontonik.+