3 Li ajvalile te la svaʼan sba ta stsʼel oy, vaʼun la spas jun trato* xchiʼuk Jeova+ ti te tsakal skʼoplal li stuke xchiʼuk li jteklume, li trato la spase jaʼ ti ta sjunul yoʼonton xchiʼuk ta sjunul xkuxlejal* tstsʼakli li Jeovae, ti chchʼunbe li smantaltake xchiʼuk li tojobtaseletik yuʼune, ti tspas li kʼusi chal li trato te tsʼibabil ta livroe. Vaʼun, sjunul li jteklume lek laj yaʼiik li trato laj yichʼ pasele.+