21 12 jabil yichʼoj kʼalal och ta ajvalil li Manasese,+ 55 jabil ajvalilaj li ta Jerusalene.+ Li smeʼe Efsiba sbi.

3 La xchaʼvaʼan li tayal kʼopojebaletik* ti laj toʼox sjines+ li stot ti jaʼ li Esekiase xchiʼuk la svaʼanbe skajlebtak smoton li Baale xchiʼuk la spas jun chʼul poste,*+ jech la spas jech kʼuchaʼal la spas li Akab+ ti jaʼ ajvalil ta Israele. La snijan sba xchiʼuk tun ta stojolal li soltaroetik ta vinajele.+

6 La xchikʼ ta kʼokʼ li skereme; la spas majia xchiʼuk la xchanbe smelol li kʼusi chkʼot ta pasel ta jelavele.+ La svaʼan j-espiritistaetik xchiʼuk jtʼunoletik.*+ Ep tajek kʼusitik chopol la spas ta sat Jeova ti chopol laj yaʼi-o sba yuʼune.

28 Yichʼoj 20 jabil kʼalal och ta ajvalil li Akase,+ 16 jabil ajvalilaj ta Jerusalen. Muʼyuk la spas li kʼusi tukʼ chil ta sat Jeovae, mu jechuk la spas jech kʼuchaʼal li David ti jaʼ smoltote.+

3 Laj yakʼ matanal xtok ti xtomet muyel xchʼailal* li ta stenlejaltik Inone* xchiʼuk la xchikʼ ta kʼokʼ li xnichʼnabtake,+ ibal sba* kʼusitik la spas jech kʼuchaʼal li jyanlumetik+ ti nutsatik lokʼel yuʼun Jeova ta sat li j-israeletike.