14 Sventa stakʼ kuchel batel li Kaxae, li steʼeltake te xaxoj ochel li ta xotbil oro ti te napʼajtik ta xokon Kaxae.

15 »Kʼalal tstotsik xa batel xchiʼuk skarpanaik li j-israeletike, li Aaron xchiʼuk xnichʼnabtake skʼan xpixik skotol li kʼusitik te oy ti bu chʼule+ xchiʼuk li kʼusitik te chtun ti bu chʼule. Mi laj xa ox xpixike, jaʼ to xuʼ x-ochik batel li xnichʼnabtak Koat sventa xkuchik batel li kʼusi oy ta sbaike,+ pe mu me stakʼ spikik li kʼusitik oy ti bu chʼule, yuʼun chchamik mi jech la spasike.+ Taje jaʼ li kʼusi oy ta sbaik* li xnichʼnabtak Koat te ta karpana sventa tsobobbaile.

3 Jaʼ yuʼun, talik skotol li moletik ta Israele. Vaʼun, li paleetike lik stotsik li Kaxae.+ 4 Laj yichʼik muyel li Xkaxa Jeovae, li karpana sventa tsobobbaile+ xchiʼuk skotol li chʼul abtejebaletik ti te oy ta karpanae. Jaʼ laj yichʼik muyel li paleetik xchiʼuk li jlevietike. 5 Li ajvalil Salomone te la svaʼan sba ta yeloval li Kaxae, te xchiʼuk sjunul li jteklum Israel ti la stakan ta ikʼele. Lik yakʼik ta milbil matanal epal chijetik xchiʼuk vakaxetik+ ti mu xa noʼox stakʼ chapele.

2 Vaʼun, xi laj yal li Davide: «Muʼyuk buchʼu yan xuʼ xichʼ batel li Xkaxa melel Diose, jaʼ noʼox li jlevietike, yuʼun jaʼ tʼujbilik yuʼun Jeova sventa xichʼik batel li Xkaxa Jeovae xchiʼuk jaʼ tʼujbilik sventa spasbeik yabtel sbatel osil».+

15 Vaʼun, li jlevietike la skajan batel ta snekebik li Xkaxa melel Diose, jaʼ la xkuchik-o batel li ta steʼeltak+ jech onoʼox kʼuchaʼal yaloj mantal Moises ti jech albil yuʼun Jeovae.