5 Xi takʼbatike: «Sutanik to batel, xasutik tal ta yoxibal kʼakʼal». Jech sutik batel li krixchanoetike.+ 6 Li ajvalil Reoboame la sjakʼbe li moletik* ti tunik ta stojolal Salomon kʼalal kuxul toʼoxe ti jaʼ stote, xi laj yale: «¿Kʼusi ta jtakʼbe xanaʼik li jteklum liʼe?». 7 Xi takʼbate: «Mi chatun ta stojolal li jteklum liʼe, mi chapas li kʼusi tskʼanboxuke xchiʼuk mi lek noʼox chatakʼbee, jaʼ chkomik-o ta avajtuneltak».