51 Li ajvalil Salomone tsuts yuʼun skotol li abtelal ta sna Jeovae. Laj yichʼ ochel skotol li kʼusi xchʼultajesoj li David ti jaʼ stote.+ Jech xtok, li plata, li oro xchiʼuk li kʼusitik pasbile te laj yakʼ li ta yavil kʼulejal ta sna Jeovae.+

18 Jech oxal, li Asae laj yichʼ batel skotol li plata xchiʼuk li oro ti te to komem ta yavil kʼulejal ta sna Jeovae xchiʼuk li ta sna* ajvalile, laj yakʼbe ta skʼob li yajtuneltake. Vaʼun, li ajvalil Asae la stak batel ta Siria li yajtuneltak ta stojolal li ajvalil Ben-Adad+ ti te nakal ta Damaskoe, ti jaʼ xnichʼon li Tabrimone xchiʼuk ti jaʼ smom li Esione, xi laj yalbe batele:

12 Li ajvalil Joakin ta Judae bat yakʼ sba ta skʼob li ajvalil ta Babiloniae,+ te yikʼoj batel li smeʼe, li yajtuneltake, li bankilaletik ta spasob mantale* xchiʼuk li bankilal j-abteletik yuʼune;+ vaʼun chukatik batel yuʼun li ajvalil ta Babilonia kʼalal vaxakib xa ox jabil yochel ta ajvalil li Nabukodonosore.+ 13 Li ajvalil ta Babiloniae laj yichʼ batel li kʼulejal te oy ta sna Jeovae xchiʼuk li kʼulejal te oy ta sna* ajvalile.+ Jech xtok, bikʼitik la slilin skotol li kʼusitik spasoj ta oro li ajvalil Salomon ta Israel ti te oy ta stemplo Jeovae,+ jech kʼot ta pasel jech kʼuchaʼal yaloj xa onoʼox li Jeovae.

13 Jech xtok, li jkaldeaetike la slilinik li oyetik pasbil ta kovre+ ti te oy ta sna Jeovae, la slilinik li karetiyaetike+ xchiʼuk li Nab ta kovre+ ti te oy ta sna Jeovae. Laj yichʼik batel ta Babilonia li kovree.+ 14 Laj yichʼik batel xtok li xchʼamobiltak kʼusitike, li palaetike, li stupʼobiltak mechae, li kopaetike xchiʼuk skotol li kʼusitik pasbil ta kovre ti tstunesik kʼalal tspasik abtelal ta temploe. 15 Li bankilal yuʼun jchabivanejetike laj yichʼ batel li yavtak akʼale xchiʼuk li mukʼta bochetik ti pasbilik ta batsʼi oro+ xchiʼuk ta batsʼi platae.+

9 Jaʼ yuʼun, li ajvalil Sisak ta Ejiptoe muy stsak ta kʼop li Jerusalene. Laj yichʼ batel li kʼulejal te oy ta sna Jeovae+ xchiʼuk li kʼulejal te oy ta sna* ajvalile. Laj yichʼ batel skotol, laj yichʼ batel xtok li eskudoetik* ta oro ti jaʼ spasoj li Salomone.+