12 Laj yakʼbe li splanoal yamakʼil*+ sna Jeova jech kʼuchaʼal akʼbat yil ta s-espiritu Diose, li splanoal skotol li veʼebaletik ti oy ta sjoyobale, li snail kʼulejal ta sna melel Diose xchiʼuk li yavil kʼusitik chʼultajesbile;*+

15 laj yal xtok kʼu yalal li oro ti jaʼ chichʼ-o pasel li kandeleroetik+ xchiʼuk li skantilaltake, jaʼ ti kʼu yalal skʼan sventa li jujun kandelero xchiʼuk li skantilaltake; jech xtok, laj yal kʼu yalal li plata ti jaʼ chichʼ-o pasel li kandeleroetike, jaʼ ti kʼu yalal sventa li jujun kandelero xchiʼuk li skantilaltak chichʼ tunesele;