6 Tsotsuk avoʼontonik+ xchiʼuk mu me xachibajik. Mu xaxiʼik xchiʼuk mu xnik avoʼontonik yuʼun,+ yuʼun te xchiʼukoxuk ta xanbal li Jeova Dios avuʼunike. Muʼyuk chiktaoxuk xchiʼuk muʼyuk tstenoxuk komel».+

8 Jaʼ jbabe chbat avuʼun li Jeovae xchiʼuk te chchiʼinot-o.+ Muʼyuk chiktaot xchiʼuk muʼyuk tstenot komel. Mu xaxiʼ xchiʼuk mu xnik avoʼonton».+

6 Tsotsuk me avoʼonton xchiʼuk mu me xachibaj,+ yuʼun voʼot chavikʼ batel li jteklum li ta osil ti laj kakʼ ke ta stojolal smoltotakik chkakʼbeike.+

9 ¿Mi mu lajuk kalbot mantal ti skʼan tsotsuk avoʼonton xchiʼuk ti mu xachibaje? Mu me xnik avoʼonton xchiʼuk mu me xaxiʼ, yuʼun li Jeova Dios avuʼune te chchiʼinot ti buyuk noʼox chabate».+

16 Pe xi takʼbate: «¡Mu xaxiʼ!,+ yuʼun jaʼ mas ep li buchʼutik liʼ jchiʼuktike, jaʼ mu sta li stukike».+ 17 Vaʼun xi lik spas orasion li Eliseoe: «Kajval Jeova, jambo sat avokoluk sventa xil».+ Li Jeovae ta anil noʼox la sjambe sat, vaʼun laj yil ti noj ta kaʼetik li vitstike xchiʼuk ta karetaetik ti xtiltun* skʼakʼal+ ti te joyol ta spat xokon li Eliseoe.+

15 Xi laj yale: «¡Chikintao avaʼi akotolik ti likemoxuk ta Juda xchiʼuk ta Jerusalene. Chikintao avaʼi ek, ajvalil Jeosafat! Xi chalboxuk li Jeovae: ‹Mu xaxiʼik xchiʼuk mu xnik avoʼontonik yuʼun li epal krixchanoetike, yuʼun maʼuk avuʼunik li paskʼope, jaʼ yuʼun li Diose.+