10 Xi laj yalanbe mantal li Moisese: «Li ta vukvuk jabil kʼalal jaʼo yorail li sjabilal kolebale,+ kʼalal jaʼo Skʼinal Axibalnaetike,*+ 11 kʼalal jaʼo chtal skotol Israel ta yeloval li Jeova Dios avuʼun+ ti bu stʼujoje, skʼan te xavapta li Mantal liʼe sventa xaʼi skotol li Israele.+ 12 Tsobo li jteklume,+ li viniketike, li antsetike, li ololetike xchiʼuk li jyanlumetik ti te nakal ta ateklumale sventa xchikintaik, sventa xaʼibeik smelolal xchiʼuk xiʼtaik* li Jeova Dios avuʼunike xchiʼuk akʼo skʼelik lek sventa xakʼ ta xkuxlejalik skotol li kʼusitik chal li Mantal liʼe.