23 Kʼalal jal xa ox tajek echʼe,* cham li ajvalil ta Ejiptoe,+ pe li j-israeletike jech-o tajek chil svokolik ta skoj ti mosoinbilike. Jech xtok, x-avlajetik ta skʼanel koltael, kʼot kʼalal to ta stojolal melel Dios ti tskʼanik koltael ta skoj ti mosoinbilike.+ 24 Laj une, la sta yorail ti laj yaʼi Dios ti x-avlajetik ta skoj svokolike,+ vul ta sjol Dios li trato la spas xchiʼuk Abraan, Isaak xchiʼuk Jakobe.+ 25 Li Diose la skʼel li j-israeletike; vaʼun li Diose jech lik yakʼ ta yoʼonton.

7 Xi albat yuʼun li Jeova xtoke: «Ta batsʼi melel, kiloj ti chlaj ta ilbajinel li jteklumal te oy ta Ejiptoe, laj xa kaʼi ti x-avlajetik tskʼanik koltael ta skoj li buchʼutik tsujatik ta abtele; kiloj ti bu to kʼalal kʼux chaʼiike.+