• Job 4:18-20
    Xchʼul Kʼop Dios sventa Achʼ Balumil

    • 18 ¡Kʼelavil! Muʼyuk spatoj yoʼonton ta stojolal li yajtuneltake,

      tstabe spaltail* xtok li yaj-anjeltake.*

      19 ¡Buuk xa noʼox li buchʼutik nakalik ta jpʼej na ti pasbil ta achʼele,

      ti ta pukuk*+ likem tal li snaklebe,

      ti toj kʼunik ta milel kʼuchaʼal jkot pepene!*

      20 Li krixchanoetike kuxulik li ta sobe, pe chchamik ta bat kʼakʼal;

      muʼyuk buchʼu chakʼ venta ti chlajik sbatel osile.

  • Job 22:2, 3
    Xchʼul Kʼop Dios sventa Achʼ Balumil

    •  2 «¿Mi jtunel yuʼun Dios li jun vinike?

      ¿Mi oy van kʼusi xtun-o yuʼun Dios li buchʼu oy spʼijile?+

       3 ¿Mi tsots van skʼoplal chil* li Buchʼu skotol xuʼ yuʼun ti tukʼ avakʼoj abae,

      o mi tstabe van sbalil jutebuk ti jech-o tukʼ avoʼonton avakʼoj aba tale?+

  • Job 42:8
    Xchʼul Kʼop Dios sventa Achʼ Balumil

    • 8 Li avi une, saʼik vukot tot vakax xchiʼuk vukot tot chij, vaʼun batanik ta stojolal li kajtunel Jobe xchiʼuk akʼik chikʼbil matanal ta sventa li apaltailike.* Vaʼun, tspas orasion ta atojolalik li kajtunel Jobe.+ Ta sjunul koʼonton ta jchikinta li kʼusi tskʼanbun* sventa mu jechuk jpasboxuk ti kʼu yelan xataik-o ta skoj li abolilike, yuʼun mu meleluk kʼusi laj avalik ta jtojolal, mu jechuk la apasik kʼuchaʼal li kajtunel Jobe».