• 1 Kronikas 16:28-33
    Xchʼul Kʼop Dios sventa Achʼ Balumil

    • 28 Akʼbeik Jeova li kʼusi sta-oe, voʼoxuk li ta jujuchop nitilulal ta jteklumetike,

      akʼbeik Jeova li kʼusi sta-o ta skoj li smukʼulale xchiʼuk li yipe.+

      29 Kʼupil kʼoptaik Jeova ta skoj li sbie;+

      ichʼbeik batel smoton xchiʼuk ochanik batel ti bu oye.+

      Alapojuk achʼul kʼuʼik* xakejan abaik ta stojolal* Jeova.+

      30 ¡Spʼejel balumil, ichʼik lek ta mukʼ!

      Lek nakanbil li balumile,* mu stakʼ bakʼesel.*+

      31 Muyubajuk li vinajele xchiʼuk kuxetuk yoʼonton li balumile;+

      xi xavalik batel ta stojolal mukʼtik lumetike: ‹¡Kʼot xa ta Ajvalil li Jeovae!›.+

      32 Xvoʼoʼetuk ta muyubajel li nabe xchiʼuk skotol li kʼusitik te oye;

      muyubajuk li osiltik xchiʼuk skotol li kʼusitik te oye.

      33 Jech xtok, jaʼo akʼo avanikuk ta muyubajel ta yeloval Jeova li teʼetik ta toyolaltike,

      yuʼun chtal* xchapan li balumile.