• 1 Reyes 8:25
    Xchʼul Kʼop Dios sventa Achʼ Balumil

    • 25 Li avie, Kajval Jeova, Dios yuʼun Israel, kʼotuk ta pasel avuʼun li kʼusi xi jamal laj avalbe li avajtunel David ti jaʼ jtote: ‹Mi jech-o tukʼ chakʼ sbaik ta jtojolal li anichʼnabtak jech kʼuchaʼal la apase,+ jaʼ ch-ajvalilajik-o li ta Israele›.

  • Salmo 89:3, 4
    Xchʼul Kʼop Dios sventa Achʼ Balumil

    •  3 Xi laj avale: «Jpasoj jun trato xchiʼuk li buchʼu tʼujbil kuʼune;+

      kakʼoj ke ta stojolal li kajtunel Davide:+

       4 ‹Ta jnakan lek ta sbatel osil li anitilulale+

      xchiʼuk ta jvaʼan lek li achotleb sventa ajvalil ta skotol li jaykʼol kuxlejale›».+ (Sela).

  • Isaias 9:7
    Xchʼul Kʼop Dios sventa Achʼ Balumil

    •  7 Solel muʼyuk spajeb ti bu to chkʼot li ajvalilal yuʼune*

      xchiʼuk muʼyuk spajeb li jun oʼontonale,+

      jaʼ chlik chotiuk li ta xchotleb ajvalil Davide+ xchiʼuk jaʼ ch-och ta skʼob li ajvalilale,

      lek nakal chkom+ xchiʼuk ta xichʼ tsatsubtasel

      ta skoj tukʼilal+

      li avie xchiʼuk kʼalal to ta sbatel osil.

      Li Jeova ti jaʼ bankilal yuʼun soltaroetike* ta sjunul yoʼonton tspas taje.

  • Jeremias 33:20, 21
    Xchʼul Kʼop Dios sventa Achʼ Balumil

    • 20 «Xi chal li Jeovae: ‹Ti xtuchʼuk avuʼunik li trato la jpas ta sventa li kʼakʼaltike xchiʼuk li trato la jpas ta sventa li akʼobaltik sventa mu xvul ta yorail li kʼakʼaltik xchiʼuk akʼobaltike,+ 21 vaʼun bi, chtuchʼ jechuk li trato jpasoj xchiʼuk kajtunel David+ sventa muʼyukuk xa junuk xnichʼon ti xchoti li ta xchotleb sventa ajvalile+ xchiʼuk chtuchʼ jechuk xtok li trato jpasoj xchiʼuk li paleetik ti jaʼik jlevietike, li kajtuneltake.+

  • Echos 2:30, 31
    Xchʼul Kʼop Dios sventa Achʼ Balumil

    • 30 Yuʼun jaʼ toʼox jun j-alkʼop xchiʼuk snaʼoj ti jamal yaloj ta melel Dios ti jaʼ chchoti junuk snitilulal li ta chotlebal sventa ajvalile,+ 31 laj yil xchiʼuk laj xa onoʼox yal ta sventa li xchaʼkuxesel Kristoe, ti muʼyuk bu laj yichʼ iktabel sbekʼtal li ta Mukinale* xchiʼuk ti muʼyuk bu te kʼaʼe.+

  • Echos 13:22, 23
    Xchʼul Kʼop Dios sventa Achʼ Balumil

    • 22 Kʼalal laj xa ox slokʼese, jaʼ vaʼanbatik ta ajvalil li Davide,+ jaʼ ti buchʼu xi xa onoʼox jamal laj yalbe skʼoplale: ‹Laj xa jta li David xnichʼon Jesee,+ jun vinik ti kʼu yelan tskʼan koʼontone,+ ti tspas skotol li kʼusi oy ta koʼontone›. 23 Jech onoʼox kʼuchaʼal albil skʼoplale, li Diose laj yakʼ jun jkoltavanej ta Israel, jaʼ li Jesus ti te lik tal ta snitilulal li vinik taje.+