VIVLIOTEKA TA INTERNET yuʼun Watchtower

Deuteronomio 1:16, 17

Xchʼul Kʼop Dios sventa Achʼ Balumil
- 16 »Xi laj kalbe mantal li jchapanvanejetik avuʼunik li vaʼ kʼakʼale: ‹Kʼalal chtal yakʼ sba ta chapanel junuk avermanoike, tukʼ me xachapanik+ li vinik xchiʼuk li yermanoe o mi jaʼ li jyanlum+ ti te nakal xchiʼuke. 17 Mu me tʼujbiluk yajval avuʼunik kʼalal oy buchʼu chachapanike.+ Skʼan parejo xavaʼibeik skʼop li buchʼu mu tsotsuk skʼoplale xchiʼuk li buchʼu tsots skʼoplale.+ Mu xa xiʼik yuʼun junuk vinik,+ yuʼun jaʼ chchapanvan li Diose;+ li kʼusi toj vokol ta chapanel chavaʼiike tal albeikun, voʼon chkaʼibe skʼop›.+

2 Samuel 8:15

Xchʼul Kʼop Dios sventa Achʼ Balumil
- 15 Li Davide jech-o la spas mantal ta sjunul li Israele+ xchiʼuk tukʼ chchapan+ skotol li krixchanoetike.+

Salmo 72:1, 2

Xchʼul Kʼop Dios sventa Achʼ Balumil
- 72 Dios kuʼun, chanubtaso ta sventa amantaltak li ajvalile
  xchiʼuk akʼbo atukʼilal li ajvalile.*+
  
  2 Tukʼuk akʼo spakbe skʼoplal li ateklumale
  xchiʼuk tukʼuk akʼo spakbe skʼoplal li buchʼutik abol sbaike.+

Isaias 11:4

Xchʼul Kʼop Dios sventa Achʼ Balumil
- 4 Tukʼ ta xchapan* li buchʼutik abol sbaike
  xchiʼuk lek ta stukʼibtas li manxoetik ta balumile.
  
  Li vachʼ chlokʼ ta yee ta smaj-o li balumile+
  xchiʼuk ta skoj li yikʼal yee,+ chakʼbe-o slajeb li buchʼutik toj chopolike.