18 Akʼo mi kʼox kerem to li Samuele, te chtun ta stojolal Jeova+ xchiʼuk tstunes* jlik mokankʼuʼil ti pasbil ta linoe.+ 19 Jech xtok, li smeʼe tspasbe jlik uni natil kʼuʼil pokʼil ti muʼyuk skʼobe, jaʼo chichʼbe batel kʼalal chmuy batel jujun jabil xchiʼuk smalal sventa xbat yakʼik li milbil matanal ti chichʼ akʼel jujun jabile.+

3 Jech xtok, chʼuluk me stalelal li antsetik ti oy xa sjabilalike, skʼan mu saʼik mulil, mu me mosoinbilikuk yuʼun epal vino, jchanubtasvanejikuk ta sventa li kʼusi leke 4 sventa xuʼ stojobtasik* li tsebal antsetik ti skʼan li smalalike, li yalabike, 5 ti oyuk lek xchʼulelike, ti lekuk stalelalike, ti j-abtel antsetikuk ta snaike,* ti lekikuke, ti xakʼ sbaik ta ventainel yuʼun smalalik+ sventa mu xichʼ chopol kʼoptael li skʼop Diose.