VIVLIOTEKA TA INTERNET yuʼun Watchtower

2 Kronikas 32:21, 22

Xchʼul Kʼop Dios sventa Achʼ Balumil
- 21 Li Jeovae la stak tal jun anjel sventa smil ta j-echʼel skotol li soltaroetik ti lek xuʼ yuʼunik paskʼope,+ li jnitvanejetike xchiʼuk li bankilaletik ti bu spasoj skarpana li ajvalil ta Asiriae. Jaʼ yuʼun, ta kʼexlal xa sut batel ta slumal li ajvalile. Ta tsʼakale, och ta sna* sdios, vaʼun te milat ta espada yuʼun jayvoʼuk xnichʼnab.+ 22 Jaʼ jech koltaatik lokʼel yuʼun Jeova li Esekias xchiʼuk li jnaklejetik ta Jerusalen ta skʼob li ajvalil Senakerib ta Asiria xchiʼuk ta skʼob li yantik ti tal tsakatikuk ta kʼope, muʼyuk xa xtal tsakatikuk ta kʼop yuʼun li yajkontratakik te oy ta sjoylejalike.

Isaias 30:31

Xchʼul Kʼop Dios sventa Achʼ Balumil
- 31 Yuʼun ta skoj li yechʼomal ye Jeovae, li Asiriae ta xnik yoʼonton ta xiʼel;+
  ta smaj ta vachʼ.+

Isaias 31:8

Xchʼul Kʼop Dios sventa Achʼ Balumil
- 8 Li j-asiriaetike chyalik ta lum ta espada, maʼuk ta s-espada jun vinik;
  chlajik ta espada, maʼuk ta s-espada jun krixchano.+
  
  Chjatavik batel ta skoj li espadae
  xchiʼuk li keremetik yuʼunike ta sujatik ta spasel tsatsal abtelal.

Isaias 37:36, 37

Xchʼul Kʼop Dios sventa Achʼ Balumil
- 36 Vaʼun, lokʼ tal li yaj-anjel Jeovae xchiʼuk la smil 185 mil j-asiriaetik ti bu spasoj skarpanaike. Kʼalal sob tajek likik li krixchanoetike, laj yilik ti te telajtik li animaetike.+ 37 Jaʼ yuʼun, lokʼ batel li Senakerib ti jaʼ ajvalil ta Asiriae xchiʼuk sut batel ta Ninive,+ vaʼun te kom.+