37 Vaʼun, li Eliakim ti jaʼ xnichʼon Ilkias, ti jaʼ oy ta sba skʼelel li nae,* li Sebna ti jaʼ sekretarioe xchiʼuk li buchʼu jaʼ yabtel tstsʼiba skotol li kʼusitik chkʼot ta pasel ti jaʼ li Joa xnichʼon Asafe bat skʼelik li Esekiase. Bat yalbeik kʼusi laj yal li rabsakee xchiʼuk sliʼoj xa ta jatel skʼuʼ spokʼik kʼalal kʼotik tee.

2 Vaʼun, la stak batel li Eliakim ti jaʼ oy ta sba skʼelel li nae,* li Sebna ti jaʼ sekretarioe xchiʼuk li moletik yuʼun paleetike, slapojik batel chʼixal kʼuʼil sventa xbat skʼelik li j-alkʼop Isaias+ ti jaʼ xnichʼon Amose.