• Isaias 40:9
    Xchʼul Kʼop Dios sventa Achʼ Balumil

    •  9 Ants ti avichʼoj talel lekil aʼyej ta sventa li Sione,+

      muyan ta jun tayal vits.

      Ants ti avichʼoj talel lekil aʼyej ta sventa li Jerusalene,

      tsots xa-avan.

      Mu xaxiʼ, tsots xa-avan.

      Xi xavalbe li jteklumetik ta Judae: «Liʼ oy li Adiosike».+

  • Jeremias 31:12
    Xchʼul Kʼop Dios sventa Achʼ Balumil

    • 12 X-avetik noʼox ta muyubajel chtalik li ta Sion ti ta toyol oye+

      xchiʼuk xkuxet noʼox yoʼontonik ta skoj li slekil yoʼonton* Jeovae,

      ta skoj li sat tsʼunobile, li achʼ vinoe,+ li aseitee

      xchiʼuk ta skoj li yalab xchijik xchiʼuk xvakaxike.+

      Ta xkʼotik kʼuchaʼal jun nichimaltik ti lek atʼesbile*+

      xchiʼuk muʼyuk xa chkʼunibik yan velta».+

  • Jeremias 33:10, 11
    Xchʼul Kʼop Dios sventa Achʼ Balumil

    • 10 «Xi chal li Jeovae: ‹Ti chavalik ti jecheʼ xokol li jteklume, ti chʼabal krixchanoetik xchiʼuk ti chʼabal tsʼunbal chonbolometike, li ta jteklumetik ta Juda xchiʼuk ta skayealtak Jerusalen ti jecheʼ xokole, ti bu chʼabal krixchanoetik, jnaklejetik mi jaʼuk tsʼunbal chonbolometike, chichʼ aʼiel yan velta 11 ti xkuxet yoʼontonike xchiʼuk ti xmuyubajike,+ li yechʼomal ye jnupunel kereme xchiʼuk li yechʼomal ye jnupunel tsebe xchiʼuk li yechʼomal ye li buchʼutik xi chalike: «¡Tojbeik ta vokol li Jeova ti jaʼ bankilal yuʼun soltaroetike,* yuʼun toj lek yoʼonton li Jeovae;+ te oy-o sbatel osil li tukʼil kʼanelal yuʼune!»›.+

      »‹Chichʼik tal chikʼbil matanal ta sna Jeova kʼalal tstojik ta vokole,+ yuʼun chkikʼik sutel tal ta jteklum li buchʼutik chukbilik batel jech kʼuchaʼal onoʼox ta slikebale›, xi li Jeovae».