• Jeremias 31:8, 9
    Xchʼul Kʼop Dios sventa Achʼ Balumil

    •  8 Ta xkikʼik lokʼel tal li ta yosilal nortee.+

      Ta jtsobik sutel tal ta namal balumil.+

      Te kapal chtalik ek li maʼsate, li koxoe,+

      li ants ti xchiʼuk yole xchiʼuk li buchʼu poʼot xa xvokʼ yole koʼol chtal skotolik.

      Solel ep stsobetik sutel tal.+

       9 X-okʼolet tsutik tal.+

      Kʼalal yakal xvokolet tskʼanik koltaele, ta jbeiltasik.

      Ta xkikʼik batel ti bu oy beoʼetike,*+

      ta jun be ti lek parejo sventa mu smak* yakanike.

      Yuʼun kʼotemun ta Stot li Israele xchiʼuk jaʼ sba jnichʼon li Efraine».+