3 Albeik kolaval li Bankilal Jpasmantal yuʼunik li jpasmantaletike,

yuʼun te oy-o sbatel osil li tukʼil kʼanelal yuʼune.

 5 Ta spʼijil la smeltsan li vinajele,+

yuʼun te oy-o sbatel osil li tukʼil kʼanelal yuʼune.

22 Oy buchʼu ti te nakal ta yakʼol li balumil ti volvole,+

li jnaklejetik tee xkoʼolajik kʼuchaʼal pʼilixetik.*

Li Diose ta xlichʼan batel kʼuchaʼal jayal pokʼ li vinajele

xchiʼuk jech ta skʼi batel kʼuchaʼal spokʼal karpana ti stakʼ naklebinele.+

15 Jaʼ la spas ta sjuʼel li balumile,

jaʼ la snakan ta spʼijil li balumil ti bu lek xchʼi kʼusitike+

xchiʼuk jaʼ la xlichʼan batel ta spʼijil* li vinajele.+

16 Kʼalal chakʼ ta aʼiel li yechʼomal yee,

solel xvoʼoʼet li voʼ te ta vinajele

xchiʼuk jaʼ chakʼ toyuk muyel li tok* ti te oy ta spajeb balumile.

Xjaplajet* noʼox yuʼun saksevul* kʼalal* chakʼ voʼe

xchiʼuk tslokʼes tal ta snail li ikʼe.+