15 »Pe mi muʼyuk chachikintabe li kʼusi chal Jeova Dios avuʼune, mi muʼyuk chakʼel lek ti xavakʼ ta akuxlejal skotol li tojobtaseletik xchiʼuk li smantaltak yakal chkalbot avie, chtal ta atojolal skotol li chopol kʼoptaeletik liʼe xchiʼuk chtal snupot ta be:+

36 Tsnutsot lokʼel li Jeovae xchiʼuk tsnuts lokʼel li ajvalil atʼujoje, chikʼot batel ta yan lum ti mu xavojtikine xchiʼuk ti muʼyuk laj yojtikinik li amoltotake.+ Te chlik tunan ta stojolal yan diosetik ti pasbil ta teʼ xchiʼuk ta tone.+

15 Jech la xchuk batel ta Babilonia+ li Joakine,+ laj yikʼbe batel li smeʼe, li yajniltake, li bankilal j-abteletik yuʼune xchiʼuk li viniketik ti lek ojtikinbilik ta slumalike. Jech chukbil lokʼik ta Jerusalen kʼalal to ta Babilonia.

7 Te skʼeloj Sedekias kʼalal milbat li xnichʼnabtake; laje li Nabukodonosore la stupʼbe xchaʼpʼejal sbekʼ sat li Sedekiase, la xchuk ta kadena ti pasbil ta kovree xchiʼuk laj yikʼ batel ta Babilonia.+

13 Ta jipbe batel syakobil, vaʼun yakbil chkʼot ta petsʼ.+ Mi laje, chkikʼ batel ta Babilonia, li ta yosilal jkaldeaetike, pe muʼyuk ta xil xchiʼuk te ta xcham.+

3 Li ajvalile laj yalbe mantal Aspenas ti jaʼ bankilal yaj-abtel ta spasob mantal ti akʼo ikʼbatuk talel jayvoʼuk j-israeletike* xchiʼuk ti akʼo yikʼ tal li snitilulal ajvaliletik xchiʼuk li snitilulal bankilaletike.+

6 Te kapal laj yichʼik tʼujel talel jayvoʼuk li ta snitilulal* Juda eke, jaʼik Daniel,*+ Ananias,* Misael* xchiʼuk Asarias.*+