• Isaias 58:12
    Xchʼul Kʼop Dios sventa Achʼ Balumil

    • 12 Ta xichʼ chaʼvaʼanel ta akoj li kʼusitik voʼne jinemike+

      xchiʼuk voʼot chavaʼanbe li snaklebtak ti jinemik ta sjaykʼolal xa kuxlejale.+

      Chavichʼ ojtikinel ti voʼot chameltsan li muroetik ti jinemike,+

      ti voʼot chameltsan li be ti bu oy naetike.

  • Jeremias 33:10, 11
    Xchʼul Kʼop Dios sventa Achʼ Balumil

    • 10 «Xi chal li Jeovae: ‹Ti chavalik ti jecheʼ xokol li jteklume, ti chʼabal krixchanoetik xchiʼuk ti chʼabal tsʼunbal chonbolometike, li ta jteklumetik ta Juda xchiʼuk ta skayealtak Jerusalen ti jecheʼ xokole, ti bu chʼabal krixchanoetik, jnaklejetik mi jaʼuk tsʼunbal chonbolometike, chichʼ aʼiel yan velta 11 ti xkuxet yoʼontonike xchiʼuk ti xmuyubajike,+ li yechʼomal ye jnupunel kereme xchiʼuk li yechʼomal ye jnupunel tsebe xchiʼuk li yechʼomal ye li buchʼutik xi chalike: «¡Tojbeik ta vokol li Jeova ti jaʼ bankilal yuʼun soltaroetike,* yuʼun toj lek yoʼonton li Jeovae;+ te oy-o sbatel osil li tukʼil kʼanelal yuʼune!»›.+

      »‹Chichʼik tal chikʼbil matanal ta sna Jeova kʼalal tstojik ta vokole,+ yuʼun chkikʼik sutel tal ta jteklum li buchʼutik chukbilik batel jech kʼuchaʼal onoʼox ta slikebale›, xi li Jeovae».

  • Amos 9:14
    Xchʼul Kʼop Dios sventa Achʼ Balumil

    • 14 Ta jtsobik sutel tal li jteklumal Israel ti chukbilik batele,+

      vaʼun ta xchaʼvaʼanik li jteklumetik ti jinemike xchiʼuk te chnakiik;+

      tstsʼun s-uvaik xchiʼuk chuchʼik ta vino,+

      tstsʼunik jsatinom teʼetik xchiʼuk tslobeik sat›.+