4 Ta joypʼinot sutel xchiʼuk ta jtikʼ xotxot takʼin li ta sbakil avee,+ chkakʼ batan ta paskʼop xchiʼuk skotol li avajsoltarotake.+ Li avajsoltarotake jun yepalik, stsakojan smukʼta eskudoik* xchiʼuk xkʼox eskudoik,* stsakojan s-espada skotolik, li akaʼtake xchiʼuk li jkajlejetik ta kaʼ avuʼune kʼupilik sba skʼuʼ spokʼ slapojik. 5 Li Persia, Etiopia xchiʼuk li Pute+ te xchiʼukik ek, skotolik oy xkʼox eskudoik* xchiʼuk skaskoik; 6 li Gomer xchiʼuk skotol li yajsoltarotake, li snitilulal Togarma+ ti likemik tal ti bu mas to nom xkom ta nortee xchiʼuk skotol li yajsoltarotake. Epal jteklumetik te xchiʼukot.+

22 Ta jlajes li chotlebaletik sventa ajvalile xchiʼuk ta jlajesbe skʼoplal li yip mukʼta lumetike;+ ta jlajes xtok li karetae xchiʼuk li buchʼutik te kajajtike, chyalik ta lum li kaʼetike xchiʼuk li buchʼutik te kajajtike, tsmil sba stukik ta espada ta jujuntal›».+

17 Laj kil jun anjel xtok ti te vaʼal ta yeloval kʼakʼal ti xi tsots laj yalbe skotol li mutetik ti te xviletik ta oʼlol vinajele:* «Laʼik liʼe, tsobo abaik tal li ta mukʼta veʼel chakʼ Diose+ 18 sventa xatibeik sbekʼtal ajvaliletik, komandanteetik yuʼun soltaroetik, tsatsal viniketik,+ sbekʼtal kaʼetik xchiʼuk li buchʼutik te kajajtik batele,+ kʼusiuk noʼox bekʼtalil, sbekʼtal buchʼutik kolemik, sbekʼtal mosoiletik, sbekʼtal li buchʼutik tsots skʼoplalik xchiʼuk li buchʼutik muʼyuk tsots skʼoplalike».