6 «Akʼo nopajikuk tal avuʼun li snitilulal Levie,+ akʼo te vaʼiikuk avuʼun ta yeloval pale Aaron xchiʼuk akʼo te tunikuk+ ta stojolal. 7 Akʼo spasik li kʼusi sbainojik ta stojolal Aaron li ta yeloval karpana sventa tsobobbaile xchiʼuk li kʼusi sbainojik ta stojolal sjunul tsobobbaile, taje jaʼo kʼalal tspas li yabtelik ta axibalnae. 8 Jaʼ skʼan sbainik li kʼusitik te chtun+ ta karpana sventa tsobobbaile xchiʼuk skʼan spasik li kʼusi sbainojik ta stojolal j-israeletik kʼalal tskʼelik li abtelaletik ta axibalnae.+

22 Skotol li buchʼutik laj yichʼik tʼujel sventa xchabiik li tiʼ nae jaʼik 212 ta voʼ. Jech nakiik jech kʼuchaʼal cholbil sbiike.+ Li David xchiʼuk li Samuel ti oy kʼusi ch-akʼbat yile+ jaʼ la svaʼanik li viniketik taje, yuʼun li viniketike tukʼ yakʼoj sbaik. 23 Jaʼ toʼox sbainojik xchiʼuk xnichʼnabtakik xchabiel li stiʼ sna Jeovae,+ li na ti jaʼ toʼox jun karpanae.