3 Laj yichʼik chapel li jlevietik ti 30 o ti mas ta 30 jabil yichʼojike;+ ti kʼu yepal laj yichʼik chapele jaʼ 38 mil. 4 Ti vaʼ yepalike, 24 mil chtunik ta jkʼel-abtelal li ta sna Jeovae xchiʼuk vakmil chtunik ta j-abteletik xchiʼuk ta jchapanvanejetik.+

8 Li ta Jerusalen xtoke, li Jeosafate la svaʼan jlom jlevietik, paleetik xchiʼuk jlom joliletik ta jujuchop utsʼ alalil ta Israel sventa xkʼotik ta jchapanvanejetik yuʼun Jeova yoʼ xchapanbeik skʼop li jnaklejetik ta Jerusalene.+