10 Taje chkʼot ta jsep chʼul osil ta sventa li paleetike.+ Jaʼ 25 mil xukʼubil snatil li ta nortee, lajunmil xukʼubil sjamlej li ta smaleb kʼakʼale, lajunmil xukʼubil sjamlej li ta slokʼeb kʼakʼale xchiʼuk 25 mil xukʼubil snatil li ta sure. Li stemplo Jeovae te chkom ta oʼlol. 11 Jaʼ chuʼuninik li paleetik ti chʼultajesbilike, jaʼ li snitilulal Sadoke,+ jaʼ li buchʼutik la spasik li kʼusitik sbainojik kuʼune, ti muʼyuk namajik batel kʼalal namajik batel li j-israeletik xchiʼuk jlevietike.+