8 »Vuleso me ta ajol li skʼakʼalil savadoe sventa chʼuluk avuʼun.+ 9 Vakib noʼox kʼakʼal skʼan xapas skotol li avabtele,+ 10 li ta svukubal kʼakʼale jaʼ jun savado sventa li Jeova Dios avuʼune. Mu me xapas jtosuk avabtel, mi jaʼuk spas yabtel akerem, atseb, amoso, akiara, atsʼunbal chonbolom mi jaʼuk li jyanlum ti te achiʼuk ta nakleje.+

3 »›Vakib kʼakʼal xuʼ cha-abtejik, pe li ta svukubal kʼakʼale jaʼ jun savado sventa xakux lek avoʼontonik,+ jaʼ jun chʼul tsobajel. Mu me stakʼ xapasik mi jtosuk abtelal. Jaʼ jun savado sventa Jeova ti buyuk noʼox chanakiike.+

24 «Xi xavalbe li j-israeletike: ‹Li ta sba kʼakʼal yuʼun li svukubal ue, skʼan me xakux lek avoʼontonik, li vaʼ kʼakʼale jaʼo chlik kʼalal chichʼ jupanel jmojuk li okʼese,+ jaʼ sventa xanaʼik ti jaʼ jun chʼul tsobajele.

4 Pe li ta svukubal jabile jaʼ jun savado ti skʼan xkux lek li avosile, jaʼ jun savado sventa Jeova. Mu xuʼ xatsʼunolaj li ta avosile xchiʼuk mu xuʼ xasetbe stakinal skʼobtak li a-uvae.

11 Li ta sjabilal 50 jaʼ Sjabilal Kolebal chkʼot avuʼunik. Mu xuʼ xatsʼunolajik xchiʼuk mu xuʼ xatsobbeik sat li kʼusi chchʼi tal stuke xchiʼuk mu xuʼ xatsobbeik sat li a-uvaik ti muʼyuk la asetbeik stakinal skʼobtake.+