10 »Xi chal li Ajvalil Jeova ti jaʼ Mukʼul Jpasmantale: ‹Ta jtunes li Nabukodonosor* ti jaʼ ajvalil ta Babilonia+ sventa jlajesbe skʼoplal li yajsoltarotak Ejiptoe. 11 Li Nabukodonosor xchiʼuk li yajsoltarotak ti jaʼik li buchʼutik mas to toj simaronik ta mukʼta lumetike+ chichʼik ikʼel tal sventa xakʼbeik slajeb li jteklume. Tslokʼes s-espadaik sventa skontrainik li Ejiptoe xchiʼuk noj chkom yuʼunik ta anima li lume.+