• Mikeas 3:11
    Xchʼul Kʼop Dios sventa Achʼ Balumil

    • 11 Li jnitvanejetik* yuʼune chchon sbaik ta takʼin* kʼalal chchapanvanike,+

      li paleetik yuʼune tojbil chchanubtasvanik,+

      li j-alkʼopetik yuʼune chlik xchanik tʼunol* ta skoj ti tskʼanik takʼine.*+

      Pe spatoj yoʼontonik ta stojolal Jeova* xtok, xi chalike:

      «¿Mi mu liʼuk xchiʼukutik li Jeovae?+

      Muʼyuk chtal jutebuk vokolil ta jtojolaltik».+

  • Sofonias 3:3
    Xchʼul Kʼop Dios sventa Achʼ Balumil

    •  3 Li bankilaletik yuʼune xkoʼolajik kʼuchaʼal leonetik ti x-avetike.+

      Li jchapanvanejetik yuʼune xkoʼolajik kʼuchaʼal loboetik* ti tsaʼ sveʼelik ta akʼobaltike;

      muʼyuk xa chiktaik junuk bak sventa xjechʼik li ta sobe.

  • Sakarias 11:17
    Xchʼul Kʼop Dios sventa Achʼ Balumil

    • 17 ¡Abol sba li jchabichij kuʼun ti muʼyuk kʼusi xtun-oe,+ ti chikta komel li chijetike!+

      Jun espada tsyayijesbat li sbatsʼikʼobe xchiʼuk li sbatsʼisate.

      Ta xtakij ta j-echʼel li skʼobe

      xchiʼuk chtupʼ* ta j-echʼel li sbatsʼisate».

  • Mateo 23:13
    Xchʼul Kʼop Dios sventa Achʼ Balumil

    • 13 »¡Toj abol abaik, jchanubtasvanejetik ta mantal xchiʼuk jfariseoetik ti jloʼlavanejoxuke! Yuʼun chamakik ta be li krixchanoetik sventa mu x-ochik li ta Ajvalilal* ta vinajele, mi jaʼuk cha-ochik li voʼoxuke xchiʼuk mi jaʼuk xavakʼik x-och li yantik ti yakal xa ch-ochike.+