10 »Mi laj xa ox yakʼ ochan Jeova Dios avuʼun li ta osil ti yaloj chakʼbot+ ti jech jamal laj yalbe li amoltotak ti jaʼ li Abraan, Isaak xchiʼuk Jakobe —jaʼ li mukʼtik jteklumetik xchiʼuk ti lekik ti mu voʼotuk la avaʼane,+ 11 naetik ti noj ta kʼusitik lekik ti mu voʼotuk la asaʼ ta abtele, posoetik ti mu voʼotuk la ajokʼe, tsʼunbil uva xchiʼuk tsʼunbil oliva ti mu voʼotuk la atsʼune— xchiʼuk mi laj xa ox veʼan, mi noj xa ox lek achʼute,+ 12 kʼelo me aba ti mu xchʼay ta ajol li Jeova+ ti jaʼ la slokʼesot talel ta yosilal Ejipto ti bu toʼox mosoinbilote.

12 Mi laveʼ xa ox, mi noj xa ox lek achʼut, mi nakalot xa ox ta lekil naetik ti voʼot la avaʼane,+ 13 mi epaj xa ox avakax, achij, aplata, a-oro xchiʼuk mi ep xa ox tajek kʼusitik oy avuʼune, 14 mu me xatoy aba+ ti jaʼ xa chchʼay-o ta ajol li Jeova Dios avuʼun ti jaʼ la slokʼesot talel ta yosilal Ejipto ti bu toʼox tikʼilot ta mosoile,+

15 Kʼalal lek xa ox jupʼem li Jesurune,* likvan ta tekʼel ta skoj stoyobbail.

Lajupʼ xa, lachʼi xa xchiʼuk xatoyet xa chavaʼi aba.+