• Esekiel 35:10, 11
    Xchʼul Kʼop Dios sventa Achʼ Balumil

    • 10 »Ta skoj ti xi laj avale: ‹Li chib mukʼtik lumetik liʼe, li chib lumetik liʼe ta xkuʼunin xchiʼuk ch-och ta jkʼob xchibal›,+ akʼo mi te oy li Jeovae, 11 ‹jaʼ yuʼun jamal chkal ta skoj ti kuxulune, jech ta jpasbot jech kʼuchaʼal laj avakʼ ta ilel skapemal ajol ta stojolal li jlumale, ti kʼu yelan laj avitʼixtae xchiʼuk ti kʼu yelan la apʼaje;+ chkakʼ jba ta ojtikinel ta stojolalik kʼalal mi la jchapanote›, xi li Ajvalil Jeova ti jaʼ Mukʼul Jpasmantale.

  • Sofonias 2:8, 9
    Xchʼul Kʼop Dios sventa Achʼ Balumil

    •  8 «Laj kaʼi kʼu yelan chlabanvan li Moabe+ xchiʼuk ti kʼu yelan chchopol kʼoptavan li j-ammonetike,+

      jaʼik li buchʼutik la saʼik ta kʼop* li jteklumale xchiʼuk ti xtoyetik xa la sibtasik sventa spojbeik li yosilike.+

       9 Jaʼ yuʼun, jamal chkal ta skoj ti kuxulune,

      li Moabe jech chkʼot kʼuchaʼal li Sodomae,+

      li j-ammonetike jech chkʼotik kʼuchaʼal li Gomorrae,+

      chkʼot ta yavil laetik,* ta xchʼenal atsʼam xchiʼuk jecheʼ stsʼijlan* ta xkom ta sbatel osil.+

      Li skomenal* jteklumale ta spojbeik li kʼusitik oy yuʼunike

      xchiʼuk li jayvoʼ kuxul komik ta jlumale ta xuʼuninbeik li kʼusitik oy yuʼunike», xi li Jeova ti jaʼ bankilal yuʼun soltaroetike,* li Dios yuʼun Israele.