41 Pe li Esaue lik skʼakʼal yoʼonton ta stojolal Jakob ta skoj ti jaʼ akʼbat bendision yuʼun stote.+ Xi chalilan ta yoʼonton li Esaue: «Jutuk xa skʼan xkʼot yorail xcham li jtote,+ kʼalal mi chamem xa oxe, ta jmil li kitsʼin Jakobe». 42 Kʼalal kʼot ta xchikin Rebeka li kʼusi oy ta yoʼonton tspas li sbankilal kerem ti jaʼ li Esaue, ta ora la stak ta ikʼel li s-itsʼinal kerem ti jaʼ li Jakobe, vaʼun xi laj yalbee: «¡Kʼelavil! Li abankil Esaue tskʼan tspakbot sutel li kʼusi la apasbee, jech oxal tskʼan tsmilot.*

20 Pe xi laj yale: «Mu stakʼ xa-echʼik».+ Li Edome lokʼ stsak ta kʼop li Israele, lokʼ batel xchiʼuk epal krixchanoetik xchiʼuk jtsop soltaroetik ti tsots xuʼ yuʼunike. 21 Li Edome muʼyuk laj yakʼ jelavuk Israel li ta yosile. Jech oxal, la xchʼak sba batel ta stojolal Edom li Israele.+

«¡Jinesik! ¡Jinesik kʼalal to ta snaklebtak!».+