• Isaias 53:2
    Xchʼul Kʼop Dios sventa Achʼ Balumil

    •  2 Li jtunele chchʼi muyel kʼuchaʼal skʼelom teʼ+ te ta yeloval,* xkoʼolaj kʼuchaʼal yibel teʼ ta takin balumil.

      Mu xvinaj mi likem tal ta yutsʼ yalal ajvalil, mi jutebuk yutsilal;+

      jech xtok, kʼalal ta jkʼeltike, muʼyuk kʼupil sba ta kʼelel li sate.*

  • Isaias 53:11
    Xchʼul Kʼop Dios sventa Achʼ Balumil

    • 11 Ta skoj ti laj yil svokole, jun yoʼonton chkom ti chilbe sbalil li kʼusi la spase.

      Ta skoj ti ep kʼusitik echʼ ta xkuxlejal* li buchʼu tukʼe, li kajtunele,+

      tskolta ep krixchanoetik sventa tukʼ x-albat skʼoplalik+

      xchiʼuk jaʼ chkuchbe li spaltailike.*+

  • Jeremias 23:5
    Xchʼul Kʼop Dios sventa Achʼ Balumil

    • 5 Xi chal li Jeovae: «¡Kʼelavilik!, chkʼot skʼakʼalil ti chkakʼ lokʼuk tal ta stojolal David jun skʼelom* ti lek tukʼe.+ Li ta jteklume* chlik ventainvanuk jun ajvalil+ ti chakʼ ta ilel spʼijile, ti tspas li kʼusi tukʼe xchiʼuk ti tspas li kʼusi chal mantale.+