BAʼYEL SLIVROAL KRONIKAS

5 Li xnichʼnabtak Jafete jaʼik Gomer, Magog, Madai, Javan, Tubal,+ Mesek+ xchiʼuk Tiras.+

6 Li xnichʼnabtak Gomere jaʼik Askenas, Rifat xchiʼuk Togarma.+

7 Li xnichʼnabtak Javane jaʼik Elisa, Tarsis, Kitim xchiʼuk Rodanim.

8 Li xnichʼnabtak Kame jaʼik Kus,+ Misraim, Put xchiʼuk Kanaan.+

9 Li xnichʼnabtak Kuse jaʼik Seba,+ Avila, Sabta, Raama+ xchiʼuk Sabteka.

Li xnichʼnab Raamae jaʼik Seba xchiʼuk Dedan.+

10 Li Kuse vokʼ skerem, Nemrod sbi.+ Jaʼ li buchʼu baʼyel ti tsots xuʼ yuʼun ta balumile.

11 Li Misraime jaʼ kʼot ta totil yuʼun li jludetike,+ li j-anamimetike, li jleabetike, li jnaftuimetike,+ 12 li jpatrosetike,+ li jkasluimetike xchiʼuk li jkaftoretike.+ (Li jfilisteaetike+ te lik tal stsʼunbalik li ta jkasluimetike).

13 Li Kanaane vokʼ chaʼvoʼ skerem, li sba xnichʼone jaʼ Sidon,+ li june jaʼ Et.+ 14 Jech xtok, jaʼ kʼot ta totil yuʼunik li jebusetike,+ li j-amorreoetike,+ li jguirgaseoetike,+ 15 li j-eveoetike,+ li j-arketike, li jsinetike, 16 li j-arvadetike,+ li jsemaretike xchiʼuk li j-amatetike.

18 Li Arpaksade vokʼ skerem, Sela sbi, li Selae+ vokʼ skerem, Eber sbi.

19 Vokʼ chaʼvoʼ xnichʼon li Ebere. Peleg*+ sbi li june, yuʼun jaʼo kuxi kʼalal la xchʼak sba li krixchanoetike.* Li jun xchiʼil ta vokʼele Joktan sbi.

20 Li Joktane vokʼ xnichʼnabtak, jaʼ Almodad, Selef, Asarmavet, Jera,+ 21 Adoram, Usal, Dikla, 22 Obal, Abimael, Seba, 23 Ofir,+ Avila+ xchiʼuk Jobab; taje jaʼ xnichʼnabtak skotol li Joktane.

28 Li xnichʼnab Abraane jaʼik Isaak+ xchiʼuk Ismael.+

29 Liʼe jaʼ li snitilulalike: li sba xnichʼon Ismaele jaʼ Nebayot sbi,+ ta tsʼakale tal Kedar,+ Adbeel, Mibsam,+ 30 Misma, Duma, Masa, Adad, Tema, 31 Jetur, Nafis xchiʼuk Kedema. Taje jaʼ li xnichʼnabtak Ismaele.

32 Li Ketura+ ti jaʼ stsʼakal ajnil Abraane vokʼ yalabtak, jaʼik Simran, Joksan, Medan, Madian,+ Isbak xchiʼuk Sua.+

Li Joksane vokʼ chaʼvoʼ skerem, jaʼik Seba xchiʼuk Dedan.+

33 Li xnichʼnabtak Madiane jaʼik Efa,+ Efer, Anok, Abida xchiʼuk Eldaa.

Skotol taje jaʼ yalabtak li Keturae.

34 Li Abraane vokʼ jun skerem, Isaak sbi.+ Li xnichʼnab Isaake jaʼik Esau+ xchiʼuk Israel.+

35 Li xnichʼnabtak Esaue jaʼik Elifas, Reuel, Jeus, Jalam xchiʼuk Kore.+

36 Li xnichʼnabtak Elifase jaʼik Teman,+ Omar, Sefo, Gatam, Kenas, Timna xchiʼuk Amalek.+

37 Li xnichʼnabtak Reuele jaʼik Naat, Sera, Sama xchiʼuk Misa.+

38 Li xnichʼnabtak Seire+ jaʼik Lotan, Sobal, Sibeon, Ana,* Dison, Eser xchiʼuk Disan.+

39 Li xnichʼnab Lotane jaʼik Ori xchiʼuk Omam. Li yixlel Lotane jaʼ li Timnae.+

40 Li xnichʼnabtak Sobale jaʼik Alvan, Manaat, Ebal, Sefo xchiʼuk Onam.

Li xnichʼnab Sibeone jaʼik Aya xchiʼuk Ana.*+

41 Li xnichʼon Anae* jaʼ Dison.

Li xnichʼnabtak Disone jaʼik Emdan, Esban, Itran xchiʼuk Keran.+

42 Li xnichʼnabtak Esere+ jaʼik Bilan, Saavan xchiʼuk Akan.

Li xnichʼnab Disane jaʼik Us xchiʼuk Aran.+

43 Liʼe jaʼ skʼoplal li ajvaliletik ti la spasik mantal ta yosilal Edom+ kʼalal muʼyuk toʼox bu echʼem junuk ajvalil ta stojolal li j-israeletike:*+ Bela ti jaʼ xnichʼon Beore xchiʼuk Dinaba sbi li steklumale. 44 Kʼalal cham li Belae, jaʼ och ta ajvalil li Jobab ti jaʼ xnichʼon Sera ti likem ta Bosrae.+ 45 Kʼalal cham li Jobabe, jaʼ och ta ajvalil li Usam ti likem ta yosil jtemanetike. 46 Kʼalal cham li Usame, jaʼ och ta ajvalil li Adad ti jaʼ xnichʼon Bedade. Li Adade jaʼ la stsal li jmadianetik ta yosilal Moabe. Avit sbi li steklumale. 47 Kʼalal cham li Adade, jaʼ och ta ajvalil li Samla ti likem ta Masrekae. 48 Kʼalal cham li Samlae, jaʼ och ta ajvalil li Xaul ti likem ta Reobot ta stsʼel ukʼume. 49 Kʼalal cham li Xaule, jaʼ och ta ajvalil li Baal-Anan ti jaʼ xnichʼon Akbore. 50 Kʼalal cham li Baal-Anane, jaʼ och ta ajvalil li Adade xchiʼuk Pau sbi li steklumale. Li yajnil Adade Meetabel sbi, jaʼ li stseb Matrede. Li Matrede jaʼ li stseb Mesaabe. 51 Vaʼun, cham li Adade.

Liʼe jaʼik li bankilaletik* ta Edome: bankilal Timna, bankilal Alva, bankilal Jetet,+ 52 bankilal Oolibama, bankilal Ela, bankilal Pinon, 53 bankilal Kenas, bankilal Teman, bankilal Mibsar, 54 bankilal Magdiel xchiʼuk bankilal Iram. Taje jaʼik li bankilaletik ta Edome.

2 Liʼe jaʼ xnichʼnabtak li Israele:+ Ruben,+ Simeon,+ Levi,+ Juda,+ Isakar,+ Sabulon,+ 2 Dan,+ Jose,+ Benjamin,+ Neftali,+ Gad+ xchiʼuk Aser.+

3 Li xnichʼnabtak Judae jaʼik Er, Onan xchiʼuk Sela. Li oxvoʼ taje jaʼ yalabtak stseb Sua ti likem ta Kanaane.+ Pe li Er ti jaʼ sba xnichʼon Judae muʼyuk lek ilat yuʼun li Jeovae, jaʼ yuʼun li Diose laj yakʼ chamuk.+ 4 Li xnichʼnab Juda ti jaʼ vokʼ yuʼun li Tamar+ ti jaʼ yalibe jaʼik Peres+ xchiʼuk Sera. Ta skotole voʼob xnichʼnabtak li Judae.

5 Li xnichʼnab Perese jaʼik Esron xchiʼuk Amul.+

6 Li xnichʼnabtak Serae jaʼik Simri, Etan, Eman, Kalkol xchiʼuk Dara. Voʼob ta skotolik.

7 Li xnichʼon Karmie jaʼ Akar,* li Akare jaʼ laj yakʼbe svokol li Israele,+ yuʼun la stsak li kʼusi albil skʼoplal chichʼ lajesel ta j-echʼele.+

8 Li xnichʼon Etane jaʼ Asarias.

9 Li Esrone vokʼ xnichʼnabtak, jaʼik Jerameel,+ Ram+ xchiʼuk Kelubai.*

10 Li xnichʼon Rame jaʼ Aminadab.+ Li xnichʼon Aminadabe jaʼ Nason+ ti jaʼ kʼot ta bankilal yuʼunik li snitilulal Judae. 11 Li xnichʼon Nasone jaʼ Salma.+ Li xnichʼon Salmae jaʼ Boas.+ 12 Li xnichʼon Boase jaʼ Obed. Li xnichʼon Obede jaʼ Jese.+ 13 Li sba xnichʼon Jesee jaʼ Eliab, li xchaʼvoʼale jaʼ Abinadab,+ li yoxvoʼale jaʼ Simea,+ 14 li xchanvoʼale jaʼ Netanel, li svoʼobale jaʼ Radai, 15 li svakvoʼale jaʼ Osem, li svukvoʼale jaʼ David.+ 16 Li stsebalike jaʼik Seruya xchiʼuk Abigail.+ Li yalabtak Seruyae jaʼik Abisai,+ Joab+ xchiʼuk Asael,+ oxvoʼik. 17 Li Abigaile vokʼ jun yol, Amasa sbi.+ Li stot Amasae Jeter sbi ti jaʼ j-ismael vinike.

18 Li Kaleb* ti jaʼ xnichʼon Esrone vokʼ xnichʼnabtak ti jaʼ yalabik li Asuba xchiʼuk Jeriote; li yalabtake jaʼ Jeser, Sobab xchiʼuk Ardon. 19 Cham li Asubae, vaʼun li Kalebe laj yikʼ Efrata.+ Li Efratae vokʼ jun yol ti Ur sbie,+ jaʼ xnichʼon li Kalebe. 20 Li xnichʼon Ure jaʼ Uri. Li xnichʼon Urie jaʼ Besalel.+

21 Ta tsʼakale, kʼalal 60 xa ox sjabilal li Esrone, laj yikʼbe stseb Makir+ ti jaʼ stot li Galaade.+ La xchiʼin ta vayel li yajnile, vaʼun vokʼ jun yolik, Segub sbi. 22 Li xnichʼon Segube jaʼ Jair,+ li Jaire oy 23 jteklumetik yuʼun li ta yosilal Galaade.+ 23 Ta tsʼakale, li jnaklejetik ta Guesur+ xchiʼuk ta Siriae+ la spojik li Avot-Jair+ ti jaʼ yuʼun li snitilulal Jaire, jech xtok, la spojik li jteklum Kenat+ xchiʼuk li bikʼtal lumetik ti te noʼox nopajtike,* jaʼ 60 jteklumetik. Skotolik taje jaʼ snitilulal li Makir ti jaʼ stot li Galaade.

24 Kʼalal chamem xa ox li Esron+ ti te cham ta Kaleb-Efratae, li yajnil ti jaʼ li Abiase vokʼ jun yol ti jaʼ xnichʼon li Esrone, Asjur+ sbi ti jaʼ kʼot ta stot* li Tekoae.+

25 Li Jerameel ti jaʼ sba xnichʼon Esrone vokʼ xnichʼnabtak, li sba xnichʼone Ram sbi, laje tal Buna, Oren, Osem xchiʼuk Aiya. 26 Laj to saʼ yan yajnil li Jerameele, Atara sbi. Li Atarae vokʼ yol, Onam sbi. 27 Li Ram ti jaʼ sba xnichʼon Jerameele vokʼ xnichʼnabtak, jaʼik Maas, Jamin xchiʼuk Eker. 28 Li xnichʼnab Oname jaʼik Samai xchiʼuk Jada. Li xnichʼnab Samaie jaʼik Nadab xchiʼuk Abisur. 29 Li yajnil Abisure Abiail sbi, vokʼ chaʼvoʼ yol ti jaʼ xnichʼon li Abisure, jaʼik Aban xchiʼuk Molid. 30 Li xnichʼnab Nadabe jaʼik Seled xchiʼuk Apaim. Pe li Selede muʼyuk xnichʼon cham. 31 Li xnichʼon Apaime jaʼ Isi. Li xnichʼon Isie jaʼ Sesan, li xnichʼon Sesane jaʼ Alai. 32 Li Jada ti jaʼ xchiʼil ta vokʼel Samaie vokʼ xnichʼnab, jaʼik Jeter xchiʼuk Jonatan. Pe li Jetere muʼyuk xnichʼon cham. 33 Li xnichʼnab Jonatane jaʼik Peles xchiʼuk Sasa. Taje jaʼ snitilulal li Jerameele.

34 Li Sesane muʼyuk skeremtak, jaʼ noʼox stsebetak. Li Sesane oy jun yajtunel ti ta Ejipto likeme, Jara sbi. 35 Li Sesane laj yakʼbe yajnil li Jara ti jaʼ yajtunele, stseb noʼox laj yakʼbe yikʼ. Vaʼun, vokʼ jun yol li tsebe, jaʼ xnichʼon li Jarae, Atai sbi. 36 Li xnichʼon Ataie jaʼ Natan. Li xnichʼon Natane jaʼ Sabad. 37 Li xnichʼon Sabade jaʼ Eflal. Li xnichʼon Eflale jaʼ Obed. 38 Li xnichʼon Obede jaʼ Jeu. Li xnichʼon Jeue jaʼ Asarias. 39 Li xnichʼon Asariase jaʼ Eles. Li xnichʼon Elese jaʼ Eleasa. 40 Li xnichʼon Eleasae jaʼ Sismai. Li xnichʼon Sismaie jaʼ Salum. 41 Li xnichʼon Salume jaʼ Jekamias. Li xnichʼon Jekamiase jaʼ Elisama.

42 Li Kaleb*+ ti jaʼ xchiʼil ta vokʼel Jerameele vokʼ xnichʼnabtak, li sba xnichʼone jaʼ Mesa ti jaʼ kʼot ta stot li Sife. Te oy xtok li xnichʼnab Maresa ti jaʼ stot li Ebrone. 43 Li xnichʼnabtak Ebrone jaʼik Kore, Tapua, Rekem xchiʼuk Sema. 44 Li xnichʼon Semae jaʼ Raam ti jaʼ stot li Jorkeame. Li xnichʼon Rekeme jaʼ Samai. 45 Li xnichʼon Samaie jaʼ Maon. Li xnichʼon Maone jaʼ Bet-Sur.+ 46 Li Efa ti jaʼ stsʼakal ajnil Kalebe vokʼ yalabtak ti jaʼ xnichʼnab li Kalebe, jaʼik Aran, Mosa xchiʼuk Gases. Li xnichʼon Arane jaʼ Gases. 47 Li xnichʼnabtak Jadaie jaʼik Reguem, Jotan, Guesan, Pelet, Efa xchiʼuk Saaf. 48 Li Maaka ti jaʼ stsʼakal ajnil Kalebe vokʼ yalab ti jaʼ xnichʼnab li Kalebe, jaʼik Seber xchiʼuk Tirana. 49 Ta tsʼakale, vokʼ to yan yalab, jaʼ Saaf ti jaʼ kʼot ta stot li Madmanae+ xchiʼuk Seva ti jaʼ kʼot ta stot li Makbena xchiʼuk Guibeae.+ Li stseb Kalebe+ Aksa sbi.+ 50 Taje jaʼ snitilulal li Kalebe.

Li Ur+ ti jaʼ sba xnichʼon Efratae+ vokʼ xnichʼnab, li june jaʼ Sobal ti jaʼ stot li Kiryat-Jearime,+ 51 li yane jaʼ Salma ti jaʼ stot li Belene,+ li yane jaʼ Aref ti jaʼ stot li Bet-Gadere. 52 Li Sobal ti jaʼ stot li Kiryat-Jearime vokʼ xnichʼnabtak, jaʼ Aroe xchiʼuk li j-oʼlol jmenuotetike. 53 Li yutsʼ yalaltak Kiryat-Jearime jaʼik li j-itritaetike,+ li jputietike, li jsumatetike xchiʼuk li jmisraitaetike. Jaʼ te lik tal stsʼunbalik li jsoraetik+ xchiʼuk li j-estaoletike.+ 54 Li xnichʼnabtak Salmae jaʼik li Belene,+ li jnetofaetike, li Atrot-Bet-Joabe, li j-oʼlol jmanaatetike xchiʼuk li jsoretike. 55 Li yutsʼ yalaltak jtsʼibajometik ti te nakalik ta Jabese jaʼik li jtirateoetike, li jsimeateoetike xchiʼuk li jsukateoetike. Taje jaʼ jkenitaetik+ ti te lik talel stsʼunbalik ta Ammat ti jaʼ totil ta yutsʼ yalal Rekabe.+

3 Liʼe jaʼ xnichʼnabtak David ti te vokʼik ta Ebrone:+ li sba xnichʼone jaʼ Amnon,+ jaʼ yol Ainoam+ ti likem ta Jesreele; li xchaʼvoʼale jaʼ Daniel, jaʼ yol Abigail+ li jkarmelo antse; 2 li yoxvoʼale jaʼ Absalon,+ jaʼ yol Maaka li stseb ajvalil Talmai ta Guesure; li xchanvoʼale jaʼ Adonias,+ jaʼ yol Aguit; 3 li svoʼobale jaʼ Sefatias, jaʼ yol Abital; li svakvoʼale jaʼ Itream, jaʼ yol Egla ti jaʼ yajnil Davide. 4 Taje jaʼ xnichʼnabtak David ti te vokʼik ta Ebrone, vakvoʼik. Li ta Ebrone te ajvalilaj vukub jabil xchiʼuk vakib u, jaʼ 33 jabil ajvalilaj li ta Jerusalene.+

5 Li yan xnichʼnabtak ti te vokʼik ta Jerusalene+ jaʼik Simea, Sobab, Natan+ xchiʼuk Salomon.+ Li chanvoʼik taje jaʼ smeʼik li Bat-Seba+ ti jaʼ stseb Amiele. 6 Li yan baluneb xnichʼnabtake jaʼik Ibar, Elisama, Elifelet, 7 Noga, Nefeg, Jafia, 8 Elisama, Eliada xchiʼuk Elifelet. 9 Taje jaʼ xnichʼnabtak skotol li Davide xchiʼuk oy jun stsebalik, Tamar sbi.+ Pe parte-o li xnichʼnabtak ta stsʼakal ajniltake.

10 Li xnichʼon Salomone jaʼ Reoboam, li xnichʼon Reoboame+ jaʼ Abias,+ li xnichʼon Abiase jaʼ Asa,+ li xnichʼon Asae jaʼ Jeosafat,+ 11 li xnichʼon Jeosafate jaʼ Jeoram,+ li xnichʼon Jeorame jaʼ Okosias,+ li xnichʼon Okosiase jaʼ Jeoas,+ 12 li xnichʼon Jeoase jaʼ Amasias,+ li xnichʼon Amasiase jaʼ Asarias,+ li xnichʼon Asariase jaʼ Jotan,+ 13 li xnichʼon Jotane jaʼ Akas,+ li xnichʼon Akase jaʼ Esekias,+ li xnichʼon Esekiase jaʼ Manases,+ 14 li xnichʼon Manasese jaʼ Amon,+ li xnichʼon Amone jaʼ Josias.+ 15 Li sba xnichʼon Josiase jaʼ Joanan; li xchaʼvoʼale jaʼ Jeoiakim;+ li yoxvoʼale jaʼ Sedekias;+ li xchanvoʼale jaʼ Salum. 16 Li xnichʼnab Jeoiakime jaʼik Jekonias+ xchiʼuk Sedekias. 17 Li Jekonias ti ay ta chukele oy xnichʼnabtak, jaʼik Sealtiel, 18 Malkiram, Pedaya, Senasar, Jekamias, Osama xchiʼuk Nedabias. 19 Li xnichʼnab Pedayae jaʼik Sorobabel+ xchiʼuk Simei; li xnichʼnab Sorobabele jaʼik Mesulam xchiʼuk Ananias (li stsebalike Selomit sbi); 20 li yan voʼob xnichʼnabtake jaʼik Asuba, Oel, Berekias, Asadias xchiʼuk Jusab-Esed. 21 Li xnichʼnab Ananiase jaʼik Pelatias xchiʼuk Jesaya; li xnichʼon Jesayae jaʼ Refaya; li xnichʼon Refayae jaʼ Arnan; li xnichʼon Arnane jaʼ Abdias; li xnichʼon Abdiase jaʼ Sekanias. 22 Li Sekaniase ayan snitilulal,* li xnichʼone jaʼ Semaya, li xnichʼnabtak Semayae jaʼik Atus, Igal, Barias, Nearias xchiʼuk Safat, vakvoʼ ta skotol. 23 Li xnichʼnabtak Neariase jaʼik Elioenai, Iskias xchiʼuk Asrikam, oxvoʼik. 24 Li xnichʼnabtak Elioenaie jaʼik Odavias, Eliasib, Pelaya, Akub, Joanan, Delaya xchiʼuk Anani, vukvoʼik.

4 Li xnichʼnabtak Judae jaʼik Peres,+ Esron,+ Karmi, Ur+ xchiʼuk Sobal.+ 2 Li Reaya ti jaʼ xnichʼon Sobale vokʼ xnichʼon, Jaat sbi; li xnichʼnab Jaate jaʼik Aumai xchiʼuk Laad. Jaʼ te lik talel li yutsʼ yalal jsoraetike.+ 3 Li xnichʼnabtak stot* Etame+ jaʼik Jesreel, Isma xchiʼuk Idbas (li stsebalike Aselelponi sbi), 4 li xnichʼon Penuele jaʼ Guedor, li xnichʼon Esere jaʼ Usa. Taje jaʼ xnichʼnab li Ur+ ti jaʼ sba xnichʼon li Efratae xchiʼuk ti jaʼ stot li Belene.+ 5 Li Asjur+ ti jaʼ stot li Tekoae+ oy chaʼvoʼ yajnil, jaʼik Ela xchiʼuk Naara. 6 Li Naarae vokʼ yalab ti jaʼ xnichʼnab li Asjure, jaʼik Ausam, Efer, Temeni xchiʼuk Aaastari. Taje jaʼ yalabtak li Naarae. 7 Li yalabtak Elae jaʼik Seret, Isar xchiʼuk Etnan. 8 Li xnichʼnab Kose jaʼik Anub xchiʼuk Sobeba, te oy xtok li yutsʼ yalal Aarel ti jaʼ xnichʼon Arume.

9 Li Jabese mas ichʼbil ta mukʼ kʼuchaʼal li xchiʼiltak ta vokʼele. Ti Jabes* akʼbat sbi yuʼun li smeʼe, yuʼun xi laj yale: «Laj kil jvokol kʼalal vokʼ kuʼune». 10 Li Jabese xi la skʼanbe vokol li Dios yuʼun Israele: «¡Avokoluk, oy ta koʼonton ti xavakʼbun bendisione xchiʼuk ti xavakʼbun to mas kosile, ti xachabiune xchiʼuk ti mu xavakʼ taluk jvokole sventa mu kʼusi jpas!». Li Diose jech la spas jech kʼuchaʼal kʼanbate.

11 Li Kelub ti jaʼ xchiʼil ta vokʼel Suae oy xnichʼon, jaʼ Meir ti jaʼ stot li Estone. 12 Li xnichʼnabtak Estone jaʼik Bet-Rafa, Pasea xchiʼuk Teina ti jaʼ stot li Ir-Naase. Taje jaʼ li viniketik ta Rekae. 13 Li xnichʼnab Kenase jaʼik Otniel+ xchiʼuk Seraya; li xnichʼon Otniele jaʼ Atat. 14 Li xnichʼon Meonotaie jaʼ Ofra. Li xnichʼon Serayae jaʼ Joab, li Joabe jaʼ kʼot ta totil yuʼunik li jnaklejetik ta Gue-Arasime,* ti jech sbi li slumalike jaʼ ta skoj ti oy kʼusitik lek xtojobik spasele.

15 Li Kaleb+ ti jaʼ xnichʼon Jefunee oy xnichʼnabtak, jaʼik Iru, Ela xchiʼuk Naam; li xnichʼon Elae jaʼ Kenas. 16 Li xnichʼnabtak Jealelele jaʼik Sif, Sifa, Tiria xchiʼuk Asarel. 17 Li xnichʼnabtak Esrae jaʼik Jeter, Mered, Efer xchiʼuk Jalon; li antse* la xchiʼin yol, li yalabtake jaʼik Miriam, Samai xchiʼuk Isba ti jaʼ stot li Estemoae. 18 Taje jaʼ yalabtak Bitias ti jaʼ stseb li faraone, li Bitiase jaʼ laj yikʼ li Merede. (Li yajnil ti jaʼ juda antse vokʼ yalabtak, jaʼik Jered ti jaʼ stot li Guedore, Eber ti jaʼ stot li Sokoe xchiʼuk Jekutiel ti jaʼ stot li Sanoae).

19 Li yajnil Odias ti jaʼ xchiʼil ta vokʼel Naame oy yalabtak, june jaʼ stot li Keila ti jaʼ jgarmit vinike, li yane jaʼ stot li Estemoa ti jaʼ jmaak vinike. 20 Li xnichʼnabtak Ximone jaʼik Amnon, Rina, Ben-Anan xchiʼuk Tilon. Li xnichʼnab Isie jaʼik Soet xchiʼuk Ben-Soet.

21 Li Sela+ ti jaʼ xnichʼon Judae oy xnichʼnabtak, jaʼik Er ti jaʼ stot li Lekae, Laada ti jaʼ stot li Maresae, te xtok li yutsʼ yalal snitilulal Asbea ti tspasik lekil pokʼetike, 22 Jokim, viniketik ta Koseba, Joas xchiʼuk Saraf ti laj yikʼik jmoab antsetike xchiʼuk Jasubi-Leem. Voʼneik xa tsakbil li biiletike.* 23 Taje jpatpʼin yabtelik ti te nakalik ta Netaim xchiʼuk ta Guederae. Te nakalik xchiʼuk tspasbeik yabtel li ajvalile.

24 Li xnichʼnabtak Simeone+ jaʼik Nemuel, Jamin, Jarib, Sera xchiʼuk Xaul.+ 25 Li xnichʼon Xaule jaʼ Salum, li xnichʼon Salume jaʼ Mibsam, li xnichʼon Mibsame jaʼ Misma. 26 Li snitilulal Mismae jaʼ Amuel, li xnichʼon Amuele jaʼ Sakur, li xnichʼon Sakure jaʼ Simei. 27 Li Simeie oy 16 ta voʼ skeremtak xchiʼuk vakvoʼ stsebetak; pe li xchiʼiltak ta vokʼele muʼyuk ep skeremik, jech xtok, li yutsʼ yalalike muʼyuk ep skeremik, jaʼ mas ep skeremik li viniketik ta Judae.+ 28 Te nakiik ta Beer-Seba,+ ta Molada,+ ta Asar-Sual,+ 29 ta Bila, ta Esem,+ ta Tolad, 30 ta Betuel,+ ta Orma,+ ta Siklag,+ 31 ta Bet-Markabot, ta Asar-Susim,+ ta Bet-Biri xchiʼuk ta Saaraim. Jaʼ te nakiik-o jaʼ to ti kʼuxi och ta ajvalil li Davide.

32 Te nakiik ta Etam, ta Ain, ta Rimon, ta Token xchiʼuk ta Asan,+ voʼob jteklum, 33 jaʼ yuʼunik xtok li bikʼtal lumetik oy ta sjoylejal li jteklumetik taje ti chkʼot kʼalal to ta Baale. Taje jaʼ ti kʼu yelan xcholet laj yichʼ tsakbel sbiike xchiʼuk ti butik echʼik ta nakleje. 34 Li yan snitilulal Simeone jaʼik Mesobab, Jamlek, Josa ti jaʼ xnichʼon Amasiase, 35 Joel, Jeu ti jaʼ xnichʼon Josibiase (li smukʼtot* Jeue jaʼ li Seraya ti jaʼ xnichʼon Asiele), 36 Elioenai, Jaakoba, Jesoaya, Asaya, Adiel, Jesimiel, Benaya 37 xchiʼuk Sisa ti jaʼ xnichʼon Sifie (li Sifie jaʼ xnichʼon Alon, li Alone jaʼ xnichʼon Jedaya, li Jedayae jaʼ xnichʼon Simri, li Simrie jaʼ xnichʼon Semaya); 38 li buchʼutik lokʼ sbiike jaʼ bankilaletik li ta yutsʼ yalalike, jech xtok, epaj tajek li yutsʼ yalal smoltotakike. 39 Li vaʼ kʼakʼale, te batik ta yochebal Guedor ta stenlejaltik ta stukʼil slokʼeb kʼakʼal, yuʼun bat saʼik yaxaltik ti bu stakʼ xveʼ xchijike. 40 Laje, la staik pimil yaxaltik xchiʼuk lek jamal li osile, stsʼijlan noʼox* xchiʼuk muʼyuk kʼusi xbakʼ te. Jaʼ te toʼox echʼik ta naklej li jkametike.+ 41 Li buchʼutik lokʼ sbiike jaʼo te kʼotik kʼalal jaʼo tspas mantal li ajvalil Esekias+ ta Judae. La stukibeik skarpana li jkametike xchiʼuk la smilik li jmeunimetik ti te nakalike. La xchʼaybeik-o stsʼunbal ta j-echʼel. Jaʼ xa te komik ta naklej li stukike, yuʼun te la stabeik lek sveʼel xchijik.

42 Oy voʼob sien jsimeonetik ti batik ta vits Seire,+ jaʼ beiltasatik yuʼun li Pelatias, Nearias, Refaya xchiʼuk Usiel ti jaʼ xnichʼnabtak Isie. 43 Jech xtok, la smilik li j-amaleketik+ ti jatavike, vaʼun te komik ta naklej kʼalal to avie.

5 Liʼe jaʼ skʼoplal li xnichʼnabtak Rubene,+ li sba xnichʼon Israele. Manchuk mi jaʼ sba nichʼonil, li sderecho ti jaʼ sba nichʼonile jaʼ xa kom ta sderecho li xnichʼnab Josee,+ li skerem Israele, yuʼun laj yikʼubtasbe* li stem* stote.+ Jaʼ yuʼun, ti kʼu yelan laj yichʼ tsakbel sbi li yutsʼ yalale muʼyuk chakʼ ta ilel ti jaʼ sba nichʼonile. 2 Jech xtok, manchuk mi jaʼ mas mukʼ skʼoplal li Juda+ kʼuchaʼal li xchiʼiltak ta vokʼele xchiʼuk ti jaʼ te lik tal stsʼunbal li buchʼu chkʼot ta jnitvaneje,+ jaʼ oy sderecho Jose kʼuchaʼal sba nichʼonil. 3 Li Ruben ti jaʼ sba xnichʼon Israele vokʼ xnichʼnabtak, jaʼik Anok, Palu, Esron xchiʼuk Karmi.+ 4 Li xnichʼon Joele jaʼ Semaya, li xnichʼon Semayae jaʼ Gog, li xnichʼon Gogue jaʼ Simei, 5 li xnichʼon Simeie jaʼ Mikeas, li xnichʼon Mikease jaʼ Reaya, li xnichʼon Reayae jaʼ Baal, 6 li xnichʼon Baale jaʼ Beera ti chukat batel yuʼun li ajvalil Tilgat-Pilneser+ ta Asiriae, jech xtok, jaʼ toʼox bankilal yuʼunik li jrubenetike. 7 Li yutsʼ yalal xchiʼiltak ta vokʼel ti xcholet laj yichʼ tsakbel sbiik ta jujuchop snitilulalike jaʼik Jeiel ti jaʼ kʼot ta jolile, Sakarias 8 xchiʼuk Bela. Li stot Belae jaʼ Asas, li stot Asase jaʼ Sema, li stot Semae jaʼ Joel. Skotol li yutsʼ yalal Belae te nakalik ta sjunul yosilal Aroer+ ti chkʼot kʼalal to Nebo xchiʼuk ta Baal-Meone.+ 9 Ti bu la spas snaik ta stukʼil slokʼeb kʼakʼale te chlik ta takixokol balumil ta stsʼel ukʼum Eufrates,+ yuʼun epaj tajek xchonbolomik kʼalal te toʼox nakalik ta yosilal Galaade.+ 10 Kʼalal kuxul toʼox li Saule, la stsakik ta kʼop li j-agaretike xchiʼuk la stsalik. Jaʼ yuʼun, jaʼ xa te kom nakiikuk ta skarpanaik ta sjunul li yosilal Galaad ta stukʼil slokʼeb kʼakʼale.

11 Li snitilulal Gade te nakiik ta yosilal Basan kʼalal to Saleka,+ jaʼ stsʼakinoj sba xchiʼukik li snitilulal Rubene. 12 Jaʼ jolil yuʼunik li Joele, jaʼ xchaʼvoʼal jolil kʼot li Safame. Li ta Basane jaʼ kʼot ta jnitvanejetik li Janai xchiʼuk Safate. 13 Li xchiʼiltak ta vokʼel ti jaʼ joliletik ta jujuchop yutsʼ yalalike jaʼik Miguel, Mesulam, Seba, Jorai, Jakan, Sia xchiʼuk Eber, vukvoʼik. 14 Taje jaʼ xnichʼnabtak Abiail. Li stot Abiaile jaʼ Uri, li stot Urie jaʼ Jaroa, li stot Jaroae jaʼ Galaad, li stot Galaade jaʼ Miguel, li stot Miguele jaʼ Jesisai, li stot Jesisaie jaʼ Jado, li stot Jadoe jaʼ Bus. 15 Li Ai ti jaʼ xnichʼon Abdiele xchiʼuk ti jaʼ smom Gunie jaʼ jolil li ta yutsʼ yalale. 16 Te nakalik ta Galaad,+ ta Basan+ xchiʼuk li ta bikʼtal lumetik ti te noʼox nopajtike* xchiʼuk ti bu to kʼalal smakoj li yaxaltik ta Sarone. 17 Skotolik taje lek xcholet laj yichʼ tsakbel sbiik kʼalal jaʼo ochem ta ajvalil ta Juda li Jotane+ xchiʼuk kʼalal jaʼo ochem ta ajvalil ta Israel li Jeroboane.*+

18 Li jrubenetik, li jgadetik xchiʼuk li j-oʼlol snitilulal Manasese oy 44,760 ta voʼ yajsoltarotakik ti lek xuʼ yuʼunik paskʼope. Yichʼoj batel s-eskudoik,* s-espadaik xchiʼuk stsakoj batel s-arkoik, xchanojik lek paskʼop. 19 Jaʼ bat stsakik ta kʼop li Jeture, li Nafise,+ li Nodabe xchiʼuk li j-agaretike.+ 20 Laj yichʼik koltael kʼalal bat stsakik ta kʼope, jech oxal och ta skʼobik li j-agaretike xchiʼuk skotol li buchʼutik te xchiʼukike. Ti jech kuch yuʼunike jaʼ koliyal ti koltaatik yuʼun li Diose, yuʼun la spat yoʼontonik kʼalal la skʼanbeik vokole.+ 21 La spojbeik batel li xchonbolomike —50 mil ta kot kameyo, 250 mil ta kot chij xchiʼuk chaʼmil ta kot vuro— xchiʼuk la xchukik batel 100 mil krixchanoetik. 22 Solel ep chamik, yuʼun jaʼ la spas kʼop li melel Diose.+ Vaʼun, jaʼ xa te kom nakiikuk jaʼ to ti kʼuxi laj yichʼik chukel batele.+

23 Ti butik nakiik li j-oʼlol snitilulal Manasese+ te chlik ta Basan kʼalal to ta Baal-Ermon xchiʼuk ta Senir kʼalal to ta vits Ermon.+ Toj ep li snitilulale. 24 Liʼe jaʼ li joliletik ta jujuchop yutsʼ yalalike: Efer, Isi, Eliel, Asriel, Jeremias, Odavias xchiʼuk Jadiel; lek xuʼ yuʼunik paskʼop, lek ojtikinbilik xchiʼuk jaʼik joliletik ta jujuchop yutsʼ yalalik. 25 Pe muʼyuk tukʼ xakʼ sbaik ta stojolal li Sdios smoltotakike xchiʼuk mulivaj xchiʼukik li sdiostak jnaklejetik ta balumil+ ti ta sat stukik milbatik yuʼun li Diose. 26 Jaʼ yuʼun, li Sdios Israele la stijbe yoʼonton li ajvalil Pul ta Asiriae+ (jaʼ xkaltik, li ajvalil Tilgat-Pilneser+ ta Asiriae), jaʼ yuʼun la xchuk batel li jrubenetike, li jgadetike xchiʼuk li j-oʼlol snitilulal Manasese, te laj yikʼan batel ta Ala, ta Abor, ta Ara xchiʼuk ta ukʼum Gosan+ xchiʼuk te oyik-o kʼalal to avie.

6 Li xnichʼnabtak Levie+ jaʼik Guerson, Koat+ xchiʼuk Merari.+ 2 Li xnichʼnabtak Koate jaʼik Amram, Isar,+ Ebron xchiʼuk Usiel.+ 3 Li xnichʼnabtak Amrame+ jaʼik Aaron,+ Moises+ xchiʼuk Miriam.+ Li xnichʼnabtak Aarone jaʼik Nadab, Abiu,+ Eleasar+ xchiʼuk Itamar.+ 4 Li xnichʼon Eleasare jaʼ Fineas;+ li xnichʼon Finease jaʼ Abisua. 5 Li xnichʼon Abisuae jaʼ Buki; li xnichʼon Bukie jaʼ Usi. 6 Li xnichʼon Usie jaʼ Seraias; li xnichʼon Seraiase jaʼ Merayot. 7 Li xnichʼon Merayote jaʼ Amarias; li xnichʼon Amariase jaʼ Aitub.+ 8 Li xnichʼon Aitube jaʼ Sadok;+ li xnichʼon Sadoke jaʼ Aimaas.+ 9 Li xnichʼon Aimaase jaʼ Asarias; li xnichʼon Asariase jaʼ Joanan. 10 Li xnichʼon Joanane jaʼ Asarias. Te tun ta paleal li ta na la svaʼan Salomon ta Jerusalene.

11 Li xnichʼon Asariase jaʼ Amarias; li xnichʼon Amariase jaʼ Aitub. 12 Li xnichʼon Aitube jaʼ Sadok;+ li xnichʼon Sadoke jaʼ Salum. 13 Li xnichʼon Salume jaʼ Ilkias;+ li xnichʼon Ilkiase jaʼ Asarias. 14 Li xnichʼon Asariase jaʼ Seraya;+ li xnichʼon Serayae jaʼ Jeosadak.+ 15 Li Jeosadake te chukbil batel ek kʼalal tunesat yuʼun Jeova li Nabukodonosor sventa xchuk batel li jnaklejetik ta Juda xchiʼuk ta Jerusalene.

16 Li xnichʼnabtak Levie jaʼik Guersom,* Koat xchiʼuk Merari. 17 Li sbi xnichʼnab Guersome jaʼik Libni xchiʼuk Simei.+ 18 Li xnichʼnabtak Koate jaʼik Amram, Isar, Ebron xchiʼuk Usiel.+ 19 Li xnichʼnab Merarie jaʼik Mali xchiʼuk Musi.

Liʼe jaʼ yutsʼ yalal jlevietik ti te lik talel ta smoltotakike:+ 20 li xnichʼon Guersome+ jaʼ Libni, li xnichʼon Libnie jaʼ Jaat, li xnichʼon Jaate jaʼ Sima, 21 li xnichʼon Simae jaʼ Joa, li xnichʼon Joae jaʼ Ido, te oy xtok li Serae, li xnichʼon Serae jaʼ Jeatrai. 22 Li snitilulal Koate jaʼ Aminadab, li xnichʼon Aminadabe jaʼ Kore,+ li xnichʼon Koree jaʼ Asir, 23 li xnichʼnab Koree jaʼik Elkana xchiʼuk Ebiasaf,+ li xnichʼon Ebiasafe jaʼ Asir, 24 te oy xtok li Taate, li xnichʼon Taate jaʼ Uriel, li xnichʼon Uriele jaʼ Usias, te oy xtok li Xaule. 25 Li xnichʼnab Elkanae jaʼik Amasai xchiʼuk Aimot. 26 Li xnichʼon Elkanae jaʼ Sofai, te oy xtok li Naate, 27 te oy xtok li Eliabe, li xnichʼon Eliabe jaʼ Jeroam, li xnichʼon Jeroame jaʼ Elkana.+ 28 Li Samuele+ oy chaʼvoʼ xnichʼnab, li sba xnichʼone jaʼ Joel, li xchaʼvoʼale jaʼ Abias.+ 29 Li snitilulal Merarie jaʼ Mali,+ li snitilulal Libnie te lik talel ta Merari, te oy xtok li Simeie, li Usae 30 xchiʼuk li Simeae, li xnichʼon Simeae jaʼ Aguias, te oy xtok li Asayae.

31 Liʼe jaʼ skʼoplal li buchʼutik la stʼuj David sventa sbeiltasik li kʼejimol ta sna Jeova kʼalal te kʼot xchotanik li Kaxae.+ 32 Jaʼ sbainojik li kʼejimol ta axibalnae, jaʼ xkaltik, li ta karpana sventa tsobobbaile, jech-o la spasik kʼalal la svaʼanbe sna Jeova ta Jerusalen li Salomone,+ jech la spas yabtelik kʼuchaʼal albilike.+ 33 Liʼe jaʼ li viniketik ti jmoj te tunik xchiʼuk xnichʼnabike: li ta snitilulal jkoatetike jaʼ Eman+ ti jaʼ jkʼejimole, li stot Emane jaʼ Joel,+ li stot Joele jaʼ Samuel, 34 li stot Samuele jaʼ Elkana,+ li stot Elkanae jaʼ Jeroam, li stot Jeroame jaʼ Eliel, li stot Eliele jaʼ Toa, 35 li stot Toae jaʼ Suf, li stot Sufe jaʼ Elkana, li stot Elkanae jaʼ Maat, li stot Maate jaʼ Amasai, 36 li stot Amasaie jaʼ Elkana, li stot Elkanae jaʼ Joel, li stot Joele jaʼ Asarias, li stot Asariase jaʼ Sofonias, 37 li stot Sofoniase jaʼ Taat, li stot Taate jaʼ Asir, li stot Asire jaʼ Ebiasaf, li stot Ebiasafe jaʼ Kore, 38 li stot Koree jaʼ Isar, li stot Isare jaʼ Koat, li stot Koate jaʼ Levi, li stot Levie jaʼ Israel.

39 Li xchiʼil ta vokʼel ti Asaf+ sbie te vaʼi ta sbatsʼikʼob, li stot Asafe jaʼ Berekias, li stot Berekiase jaʼ Simea, 40 li stot Simeae jaʼ Miguel, li stot Miguele jaʼ Baaseya, li stot Baaseyae jaʼ Malkiya, 41 li stot Malkiyae jaʼ Etni, li stot Etnie jaʼ Sera, li stot Serae jaʼ Adaya, 42 li stot Adayae jaʼ Etan, li stot Etane jaʼ Sima, li stot Simae jaʼ Simei, 43 li stot Simeie jaʼ Jaat, li stot Jaate jaʼ Guersom, li stot Guersome jaʼ Levi.

44 Li Etan ti likem ta snitilulal Merari+ ti jaʼ yermano sbaike te vaʼi ta tsʼetkʼob,* li stot Etane+ jaʼ Kisi, li stot Kisie jaʼ Abdi, li stot Abdie jaʼ Maluk, 45 li stot Maluke jaʼ Asabias, li stot Asabiase jaʼ Amasias, li stot Amasiase jaʼ Ilkias, 46 li stot Ilkiase jaʼ Amsi, li stot Amsie jaʼ Bani, li stot Banie jaʼ Semer, 47 li stot Semere jaʼ Mali, li stot Malie jaʼ Musi, li stot Musie jaʼ Merari, li stot Merarie jaʼ Levi.

48 Li xchiʼiltak ti jaʼ jlevietike laj yichʼik tʼujel* sventa te xtunik li ta axibalna ti jaʼ sna li melel Diose.+ 49 Li Aaron xchiʼuk xnichʼnabtake+ jaʼ chakʼik matanal sventa xtomet muyel xchʼailal* yuʼunik li ta skajleb chikʼbil matanale+ xchiʼuk li ta skajleb matanal sventa xchikʼobil pome,+ jaʼ sbainojik li abtelal ta sventa li kʼusitik chʼule yoʼ sta perton li Israel+ jech kʼuchaʼal yaloj mantal li Moises ti jaʼ yajtunel melel Diose. 50 Liʼe jaʼ li snitilulal Aarone:+ li xnichʼon Aarone jaʼ Eleasar,+ li xnichʼon Eleasare jaʼ Fineas, li xnichʼon Finease jaʼ Abisua, 51 li xnichʼon Abisuae jaʼ Buki, li xnichʼon Bukie jaʼ Usi, li xnichʼon Usie jaʼ Seraias, 52 li xnichʼon Seraiase jaʼ Merayot, li xnichʼon Merayote jaʼ Amarias, li xnichʼon Amariase jaʼ Aitub,+ 53 li xnichʼon Aitube jaʼ Sadok,+ li xnichʼon Sadoke jaʼ Aimaas.

54 Liʼe jaʼ skʼoplal ti butik nakiik ti bu laj yichʼ yosilik ta jujuchope: li yutsʼ yalal jkoatetik ti te likem talel ta snitilulal Aarone jaʼ kʼot ta stojolalik li baʼyel suertee, 55 jaʼ yuʼun laj yakʼbeik li Ebron+ ti te xkom ta yosilal Judae xchiʼuk li yaxaltik ta sjoylejale. 56 Pe li yosilal jteklum xchiʼuk li bikʼtal lumetik yuʼune jaʼ laj yakʼbeik li Kaleb+ xnichʼon Jefunee. 57 Laj yakʼbeik snitilulal Aaron xtok li jteklumetik* sventa nakʼobbaile,+ jaʼ li Ebrone.+ Laj yakʼbeik xtok Libna+ xchiʼuk li yaxaltik ta sjoylejale, Jatir,+ Estemoa xchiʼuk li yaxaltik ta sjoylejale,+ 58 Ilen xchiʼuk li yaxaltik ta sjoylejale, Debir+ xchiʼuk li yaxaltik ta sjoylejale, 59 Asan+ xchiʼuk li yaxaltik ta sjoylejale xchiʼuk Bet-Semes+ xchiʼuk li yaxaltik ta sjoylejale; 60 li snitilulal Benjamine laj yakʼik Gueba+ xchiʼuk li yaxaltik ta sjoylejale, Alemet xchiʼuk li yaxaltik ta sjoylejale xchiʼuk Anatot+ xchiʼuk li yaxaltik ta sjoylejale. Li jteklumetik akʼbatik li yutsʼ yalalike jaʼ 13 ta skotol.+

61 Li yan jkoatetike akʼbatik ta suerte lajuneb jteklumetik, jaʼ laj yakʼik li utsʼ alalil ta jchop nitilulale xchiʼuk li j-oʼlol snitilulal Manasese.+

62 Li jujuchop yutsʼ yalal jguersometike laj yichʼik akʼbel 13 jteklumetik ti jaʼ yuʼunik li snitilulal Isakare, li snitilulal Asere, li snitilulal Neftalie xchiʼuk li snitilulal Manases ta Basane.+

63 Li jujuchop yutsʼ yalal jmerarietike laj yichʼik akʼbel ta suerte 12 jteklumetik ti jaʼ yuʼunik li snitilulal Rubene, li snitilulal Gade xchiʼuk li snitilulal Sabulone.+

64 Li j-israeletike jaʼ laj yakʼbeik jlevietik li jteklumetik taje xchiʼuk li yaxaltik ta sjoylejale.+ 65 Li jteklumetik taje xchiʼuk li yan jteklumetik chichʼ albel sbi ti jaʼ yuʼunik li snitilulal Juda, li snitilulal Simeon xchiʼuk li snitilulal Benjamine jaʼ laj yichʼik akʼbel ta suerte xtok li jlevietike.

66 Li yan yutsʼ yalal jkoatetike yichʼojik jteklumetik ti jaʼ yuʼunik li snitilulal Efraine, jaʼ xa kom ta yosilik.+ 67 Akʼbatik li jteklumetik* sventa nakʼobbaile, jaʼ li Sikem+ xchiʼuk li yaxaltik ta sjoylejal ti te xkom ta vitstikaltik yuʼun Efraine. Akʼbatik xtok li Gueser+ xchiʼuk li yaxaltik ta sjoylejale, 68 Jokmeam xchiʼuk li yaxaltik ta sjoylejale, Bet-Oron+ xchiʼuk li yaxaltik ta sjoylejale, 69 Ayalon+ xchiʼuk li yaxaltik ta sjoylejale xchiʼuk Gat-Rimon+ xchiʼuk li yaxaltik ta sjoylejale; 70 li j-oʼlol snitilulal Manasese laj yakʼik Aner xchiʼuk li yaxaltik ta sjoylejale xchiʼuk Bileam xchiʼuk li yaxaltik ta sjoylejale, jaʼ laj yakʼbeik li yan yutsʼ yalal jkoatetike.

71 Oy jchop utsʼ alalil ta j-oʼlol snitilulal Manases laj yakʼbeik yosil li jguersometike, jaʼ li jteklum Golan+ ta Basan xchiʼuk li yaxaltik ta sjoylejale xchiʼuk Astarot xchiʼuk li yaxaltik ta sjoylejale;+ 72 li snitilulal Isakare jaʼ laj yakʼik li Kedes xchiʼuk li yaxaltik ta sjoylejale, li Daberat+ xchiʼuk li yaxaltik ta sjoylejale,+ 73 Ramot xchiʼuk li yaxaltik ta sjoylejale xchiʼuk Anem xchiʼuk li yaxaltik ta sjoylejale; 74 li snitilulal Asere jaʼ laj yakʼik li Masal xchiʼuk li yaxaltik ta sjoylejale, li Abdon xchiʼuk li yaxaltik ta sjoylejale,+ 75 Ukok xchiʼuk li yaxaltik ta sjoylejale xchiʼuk Reob+ xchiʼuk li yaxaltik ta sjoylejale; 76 li snitilulal Neftalie jaʼ laj yakʼik li Kedes+ xchiʼuk li yaxaltik ta sjoylejal ti te xkom ta Galileae,+ Amon xchiʼuk li yaxaltik ta sjoylejale xchiʼuk Kiryataim xchiʼuk li yaxaltik ta sjoylejale.

77 Li snitilulal Sabulone+ laj yakʼbeik yosil li yan jmerarietike, jaʼ li Rimono xchiʼuk li yaxaltik ta sjoylejale xchiʼuk Tabor xchiʼuk li yaxaltik ta sjoylejale; 78 li snitilulal Ruben ti te xkom yosilik ta yosilal Jordan ta stukʼil Jerikoe, ti te xkom ta stukʼil slokʼeb kʼakʼal ta Jordane, jaʼ laj yakʼik li Beser xchiʼuk li yaxaltik ta sjoylejal ti te xkom ta takixokol balumile, Jaas+ xchiʼuk li yaxaltik ta sjoylejale, 79 Kedemot+ xchiʼuk li yaxaltik ta sjoylejale xchiʼuk Mefaat xchiʼuk li yaxaltik ta sjoylejale; 80 li snitilulal Gade jaʼ laj yakʼik li Ramot xchiʼuk li yaxaltik ta sjoylejal ti te xkom ta Galaade, Maanaim+ xchiʼuk li yaxaltik ta sjoylejale, 81 Esbon+ xchiʼuk li yaxaltik ta sjoylejale xchiʼuk Jaser+ xchiʼuk li yaxaltik ta sjoylejale.

7 Li xnichʼnabtak Isakare jaʼik Tola, Pua, Jasub xchiʼuk Simron,+ chanvoʼik. 2 Li xnichʼnabtak Tolae jaʼik Usi, Refaya, Jeriel, Jamai, Ibsam xchiʼuk Semuel, jaʼik joliletik ta jujuchop yutsʼ yalalik. Oy buchʼutik lek xuʼ yuʼunik paskʼop ti te lik talel stsʼunbalik ta snitilulal Tolae, oyik toʼox 22,600 ta voʼ ta skotol kʼalal kuxul toʼox li Davide. 3 Li snitilulal* Usie jaʼ Israias; li xnichʼnabtak Israiase jaʼik Miguel, Abdias, Joel xchiʼuk Isias. Li voʼobik taje jaʼ bankilaletik.* 4 Li snitilulalik ta jujuchop yutsʼ yalalike oy 36 mil soltaroetik ta skotolik ti chapalik sventa paskʼope. Ti jech epike, jaʼ ta skoj ti la saʼ ep yajnilike, jaʼ yuʼun vokʼ ep xnichʼnabik. 5 Ta skotol li yutsʼ yalal Isakar ti jaʼ yermano sbaike oy 87 mil soltaroetik ti lek xuʼ yuʼunik paskʼope, jaʼ jech yepal tsakal ti bu xcholet tsakbil sbiike.+

6 Li xnichʼnabtak Benjamine+ jaʼik Bela,+ Beker+ xchiʼuk Jediael,+ oxvoʼik. 7 Li xnichʼnabtak Belae jaʼik Esbon, Usi, Usiel, Jerimot xchiʼuk Iri, voʼobik. Jaʼik joliletik ta yutsʼ yalalik xchiʼuk lek xuʼ yuʼunik paskʼop, jaʼik 22,034 ta voʼ ti jaʼ jech yepal tsakal ti bu xcholet tsakbil sbiike.+ 8 Li xnichʼnabtak Bekere jaʼik Semira, Joas, Elieser, Elioenai, Omri, Jeremot, Abias, Anatot xchiʼuk Alemet, skotolik taje jaʼik xnichʼnabtak li Bekere. 9 Li soltaroetik ti tsakal sbiik ti bu xcholet tsakbil sbiik li joliletik ta jujuchop yutsʼ yalalike jaʼik 20,200 ta voʼ ti lek xuʼ yuʼunik paskʼope. 10 Li snitilulal Jediaele+ jaʼ Bilan; li snitilulal Bilane jaʼik Jeus, Benjamin, Eud, Kenaana, Setan, Tarsis xchiʼuk Aisaar. 11 Skotol taje jaʼ snitilulal li Jediaele. Li soltaroetik ti te lik talel snitilulalik li ta jujuchop joliletik ta smoltotike jaʼik 17,200 ta voʼ ti lek xuʼ yuʼunik paskʼope, lek chapalik sventa paskʼop.

12 Li jsupimetik xchiʼuk li j-upimetike jaʼ xnichʼnabtak li Ire;+ li j-usimetike jaʼ xnichʼnabtak li Aere.

13 Li xnichʼnabtak Neftalie+ jaʼik Jasiel, Guni, Jeser xchiʼuk Salum, jaʼ snitilulal* li Bilae.+

14 Li snitilulal Manasese+ jaʼ Asriel ti jaʼ yol li stsʼakal ajnil ti likem ta Siriae. (Vokʼ jun yol, Makir+ sbi ti jaʼ stot li Galaade. 15 Li Makire la sabe yajnil li Upim xchiʼuk Supime, Maaka sbi li stsebale). Li xchaʼvoʼale Selofead sbi,+ pe li Selofeade jaʼ noʼox oy stsebetak.+ 16 Li Maaka ti jaʼ yajnil Makire vokʼ jun yol, Peres laj yakʼbe sbi; li xchiʼil ta vokʼele jaʼ Seres. Li xnichʼnab Serese jaʼik Ulam xchiʼuk Rekem. 17 Li xnichʼon Ulame jaʼ Bedan. Li viniketik taje jaʼ snitilulal li Galaad ti jaʼ xnichʼon Makir xchiʼuk ti jaʼ smom Manasese. 18 Li stsebale jaʼ Amoleket. Li yalabtake jaʼik Isod, Abi-Eser xchiʼuk Mala. 19 Li xnichʼnabtak Semidae jaʼik Aian, Sikem, Liki xchiʼuk Aniam.

20 Li snitilulal Efraine+ jaʼ Sutela,+ li xnichʼnab Sutelae jaʼik Bered xchiʼuk Taat, te xtok li Eleada xchiʼuk Taate, 21 li xnichʼon Taate jaʼ Sabad, li xnichʼon Sabade jaʼ Sutela; li xnichʼnab Efraine jaʼik Eser xchiʼuk Elead. Li viniketik te vokʼemik ta Gate+ bat smilik ta skoj ti ay elkʼanbatikuk xchonbolomike. 22 Li stotik ti jaʼ li Efraine ep kʼakʼal laj yat yoʼonton, jaʼ yuʼun tal yermanotak sventa xpatbat yoʼonton. 23 Laje, la xchiʼin ta vayel li yajnile, vaʼun li antse la xchiʼin yol xchiʼuk vokʼ jun skerem. Li Efraine Berias* laj yakʼbe sbi, yuʼun ja’o chil tajek svokol yuts’ yalal k’alal vok’ yol li yajnile. 24 Li stsebe Seera sbi. Jaʼ la svaʼan li jteklum Bet-Oron ta olone+ xchiʼuk li ta akʼole+ xchiʼuk li jteklum Usen-Seerae. 25 Te oy xtok li Refa xchiʼuk Resefe. Li xnichʼon Resefe jaʼ Tela, te oy xtok li Taane, 26 li Ladane xchiʼuk li Amiude; li xnichʼon Amiude jaʼ Elisama, 27 li xnichʼon Elisamae jaʼ Nun, li xnichʼon Nune jaʼ Josue.*+

28 Ti butik nakiik li snitilulal Efraine jaʼ ta Betel+ xchiʼuk li ta bikʼtal lumetik ti te noʼox nopajtike,* ta stukʼil slokʼeb kʼakʼal ta Naaran, ta stukʼil smaleb kʼakʼal ta Gueser xchiʼuk li ta bikʼtal lumetik ti te noʼox nopajtike, ta Sikem xchiʼuk li ta bikʼtal lumetik ti te noʼox nopajtike, kʼalal to ta Ayya* xchiʼuk li ta bikʼtal lumetik ti te noʼox nopajtike. 29 Jech xtok, te nakiik ta stsʼel yosilik snitilulal Manases, ta Bet-Sean+ xchiʼuk li ta bikʼtal lumetik ti te noʼox nopajtike, ta Taanak+ xchiʼuk li ta bikʼtal lumetik ti te noʼox nopajtike, ta Meguido+ xchiʼuk li ta bikʼtal lumetik ti te noʼox nopajtike xchiʼuk ta Dor+ xchiʼuk li ta bikʼtal lumetik ti te noʼox nopajtike. Taje jaʼ te nakiik li snitilulal Jose ti jaʼ xnichʼon Israele.

30 Li xnichʼnabtak Asere jaʼik Imna, Isva, Isvi xchiʼuk Berias.+ Li stsebalike jaʼ Sera.+ 31 Li xnichʼnab Beriase jaʼik Eber xchiʼuk Malkiel, li xnichʼon Malkiele jaʼ Birsayit. 32 Li xnichʼnabtak Ebere jaʼik Jaflet, Somer xchiʼuk Otam, jaʼ stseb xtok li Sua ti jaʼ xchiʼilik ta vokʼele. 33 Li xnichʼnabtak Jaflete jaʼik Pasak, Bimal xchiʼuk Asvat. Taje jaʼ xnichʼnabtak li Jaflete. 34 Li xnichʼnabtak Semere* jaʼik Ai, Roga, Jeuba xchiʼuk Aram. 35 Li xnichʼnabtak Elem* ti jaʼ xchiʼil ta vokʼel Semere jaʼik Sofa, Imna, Seles xchiʼuk Amal. 36 Li xnichʼnabtak Sofae jaʼik Suaj, Arnefer, Sual, Beri, Imra, 37 Beser, Od, Sama, Silsa, Itran xchiʼuk Beera. 38 Li xnichʼnabtak Jetere jaʼik Jefune, Pispa xchiʼuk Ara. 39 Li xnichʼnabtak Ulae jaʼik Ara, Aniel xchiʼuk Risia. 40 Skotol taje jaʼ snitilulal li Asere, jaʼik joliletik li ta jujuchop yutsʼ yalalike, jaʼik soltaroetik ti lek xuʼ yuʼunik paskʼope, tʼujbilik xchiʼuk jaʼik jnitvanejetik ti tsots skʼoplalike. Ti kʼu yepal tsakal ti bu xcholet tsakbil sbiike+ jaʼ 26 mil+ ti lek chapalik sventa paskʼope.

8 Li sba xnichʼon Benjamine+ jaʼ Bela,+ li xchaʼvoʼale jaʼ Asbel,+ li yoxvoʼale jaʼ Aara, 2 li xchanvoʼale jaʼ Noa, li svoʼobale jaʼ Rafa. 3 Li xnichʼnabtak Belae jaʼik Addar, Guera,+ Abiud, 4 Abisua, Naaman, Aoa, 5 Guera, Sefufam xchiʼuk Uram. 6 Li xnichʼnabtak Eud ti jaʼ joliletik ta jujuchop yutsʼ yalalik ti te nakalik ta Gueba+ xchiʼuk ti laj yichʼik chukel batel ta Manaate jaʼik 7 Naaman, Aiya xchiʼuk Guera —li Guerae jaʼ beiltasvan batel kʼalal chukatik batele, jech xtok, ayan xnichʼnab, jaʼik Usa xchiʼuk Aiud—. 8 Li Saaraime te vokʼ xnichʼnabtak li ta yosilal Moab kʼalal laj xa ox stak batel li jmoabetike, li yajniltake jaʼik Usim xchiʼuk Baara.* 9 Vokʼ xnichʼnabtak ti jaʼ yalab li Odes ti jaʼ yajnile, jaʼik Jobab, Sibia, Mesa, Malkam, 10 Jeus, Sakia xchiʼuk Mirma. Taje jaʼik li xnichʼnabtak ti jaʼik joliletik li ta jujuchop yutsʼ yalalike.

11 Li xnichʼnab ti jaʼ yalab li yajnil ti jaʼ li Usime jaʼik Abitub xchiʼuk Elpaal. 12 Li xnichʼnabtak Elpaale jaʼik Eber, Misam, Semed (li Semede jaʼ la svaʼan li Ono+ xchiʼuk li Lod+ xchiʼuk li bikʼtal lumetik ti te noʼox nopajtike),* 13 Berias xchiʼuk Sema. Taje jaʼik joliletik ta jujuchop yutsʼ yalalik ti te nakalik ta Ayalone.+ Jaʼ la snutsik lokʼel li jnaklejetik ta Gate. 14 Te xtok li Aio, Sasak, Jeremot, 15 Sebadias, Arad, Eder, 16 Miguel, Ispa xchiʼuk Joa, taje jaʼ xnichʼnabtak li Beriase; 17 Sebadias, Mesulam, Iski, Eber, 18 Ismerai, Islias xchiʼuk Jobab, taje jaʼ xnichʼnabtak li Elpaale; 19 Jakim, Sikri, Sabdi, 20 Elienai, Siletai, Eliel, 21 Adaya, Beraya xchiʼuk Simrat, taje jaʼ xnichʼnabtak li Simeie; 22 Ispan, Eber, Eliel, 23 Abdon, Sikri, Anan, 24 Ananias, Elam, Antotiya, 25 Ifdeya xchiʼuk Penuel, taje jaʼ xnichʼnabtak li Sasake; 26 Samserai, Searias, Atalia, 27 Jaaresias, Elias xchiʼuk Sikri, taje jaʼ xnichʼnabtak li Jeroame. 28 Jaʼik joliletik ta jujuchop yutsʼ yalalik ta jujuchop snitilulalik. Te nakiik ta Jerusalen.

29 Li Jeiel ti jaʼ stot Gabaone te naki ta Gabaon.+ Maaka sbi+ li yajnile. 30 Li sba xnichʼone jaʼ Abdon, laje tal Sur, Kis, Baal, Nadab, 31 Guedor, Aio xchiʼuk Seker. 32 Li xnichʼon Miklote jaʼ Simea. Te nopol yiloj sbaik ta naklej ta Jerusalen xchiʼuk li xchiʼiltakike. Te nopol yilojik li yan xchiʼiltakik xtoke.

33 Li xnichʼon Nere+ jaʼ Kis; li xnichʼon Kise jaʼ Saul;+ li xnichʼnabtak Saule jaʼik Jonatan,+ Malki-Sua,+ Abinadab+ xchiʼuk Esbaal.*+ 34 Li xnichʼon Jonatane jaʼ Merib-Baal.*+ Li xnichʼon Merib-Baale jaʼ Mikeas.+ 35 Li xnichʼnabtak Mikease jaʼik Piton, Melek, Tarea xchiʼuk Akas. 36 Li xnichʼon Akase jaʼ Jeoada; li xnichʼnabtak Jeoadae jaʼik Alemet, Asmavet xchiʼuk Simri. Li xnichʼon Simrie jaʼ Mosa. 37 Li xnichʼon Mosae jaʼ Binea, li xnichʼon Bineae jaʼ Rafa, li xnichʼon Rafae jaʼ Eleasa, li xnichʼon Eleasae jaʼ Asel. 38 Li Asele oy vakvoʼ xnichʼnabtak, li sbiike jaʼ Asrikam, Bokru, Ismael, Searias, Abdias xchiʼuk Anan. Taje jaʼ xnichʼnabtak li Asele. 39 Li xchiʼil ta vokʼel ti jaʼ li Exeke vokʼ xnichʼnabtak, li sba xnichʼone jaʼ Ulam, li xchaʼvoʼale jaʼ Jeus, li yoxvoʼale jaʼ Elifelet. 40 Li xnichʼnabtak Ulame lek xuʼ yuʼunik paskʼop xchiʼuk lek xtojobik stunesel li arkoe, jech xtok, vokʼ ep xnichʼnabik xchiʼuk smomik, 150 ta voʼ ta skotol. Skotol taje jaʼ snitilulal li Benjamine.

9 Skotol li j-israeletike xcholet laj yichʼ tsakbel sbiik xchiʼuk te tsakbil li ta slivroal kʼusitik kʼot ta pasel yuʼun li ajvaliletik ta Israele. Li Judae laj yichʼ chukel batel ta Babilonia ta skoj ti muʼyuk tukʼ laj yakʼ sbae.+ 2 Li buchʼutik baʼyel sut nakiikuk ta yosilik li ta slumalike jaʼik li paleetike, li jlevietike, li buchʼutik chtunik ta temploe* xchiʼuk jayvoʼuk j-israeletik.+ 3 Li buchʼutik bat nakiikuk ta Jerusalene jaʼik junantik ta snitilulal Juda,+ ta snitilulal Benjamin,+ ta snitilulal Efrain xchiʼuk ta snitilulal Manases. 4 Jaʼik Utai xnichʼon Amiud, xnichʼon Omri, xnichʼon Imri, xnichʼon Bani li ta snitilulal Peres+ ti jaʼ xnichʼon Judae. 5 Asaya ti jaʼ sba nichʼonil xchiʼuk xnichʼnabtak ti jaʼik snitilulal Selae. 6 Li ta xnichʼnabtak Serae+ jaʼ Jeuel xchiʼuk 690 ta voʼ xchiʼiltak.

7 Li ta snitilulal Benjamine jaʼik Salu ti jaʼ xnichʼon Mesulame, li Mesulame jaʼ xnichʼon Odavias, li Odaviase jaʼ xnichʼon Asenua, 8 Ibneya ti jaʼ xnichʼon Jeroame, Ela ti jaʼ xnichʼon Usie, li Usie jaʼ xnichʼon Mikri, Mesulam ti jaʼ xnichʼon Sefatiase, li Sefatiase jaʼ xnichʼon Reuel, li Reuele jaʼ xnichʼon Ibniya. 9 Li xchiʼiltak ti jmoj snitilulalike jaʼik 956 ta voʼ. Skotol li viniketik taje jaʼik joliletik ta jujuchop yutsʼ yalalik.*

10 Li paleetike jaʼik Jedaya, Jeoiarib, Jakin,+ 11 Asarias ti jaʼ xnichʼon Ilkiase, li Ilkiase jaʼ xnichʼon Mesulam, li Sadoke jaʼ xnichʼon Merayot, li Merayote jaʼ xnichʼon Aitub ti jaʼ jnitvanej li ta sna* melel Diose, 12 Adaya ti jaʼ xnichʼon Jeroame, li Jeroame jaʼ xnichʼon Pasjur, li Pasjure jaʼ xnichʼon Malkiya, Maasai ti jaʼ xnichʼon Adiele, li Adiele jaʼ xnichʼon Jasera, li Jaserae jaʼ xnichʼon Mesulam, li Mesulame jaʼ xnichʼon Mesilemit, li Mesilemite jaʼ xnichʼon Imer, 13 te xtok li xchiʼiltakik ti jaʼ joliletik ta jujuchop yutsʼ yalalike, jaʼik 1,760 ta voʼ ti lek xuʼ yuʼunik xchiʼuk ti lek xtojobik sventa spasik li abtelal ta sna melel Diose.

14 Li jlevietike jaʼik Semaya+ ti jaʼ xnichʼon Asube, li Asube jaʼ xnichʼon Asrikam xchiʼuk Asabias ti jaʼ snitilulal Merarie; 15 Bakbakar, Erex, Galal, Matanias ti jaʼ xnichʼon Mikae, li Mikae jaʼ xnichʼon Sikri, li Sikrie jaʼ xnichʼon Asaf, 16 Abdias ti jaʼ xnichʼon Semayae, li Semayae jaʼ xnichʼon Galal, li Galale jaʼ xnichʼon Jedutun, Berekias ti jaʼ xnichʼon Asae, li Asae jaʼ xnichʼon Elkana ti te nakal ta yosil jnetofaetike.+

17 Li jchabitiʼnaetike+ jaʼik Salum, Akub, Talmon xchiʼuk Aiman, li Salum ti jaʼ xchiʼilik ta vokʼele jaʼ jolil, 18 li vaʼ kʼakʼale, jaʼ chchabi li stiʼ sna ajvalil li ta jot stukʼil slokʼeb kʼakʼale.+ Taje jaʼik li buchʼutik chchabiik ti bu spasoj skarpanaik li jlevietike. 19 Li Salum ti jaʼ xnichʼon Kore ti jaʼ xnichʼon Ebiasaf ti jaʼ xnichʼon Koree xchiʼuk li xchiʼiltak ta yutsʼ yalal ti jaʼik li jkoreetike jaʼ oy ta sbaik skʼelel li abtelal tspasik li buchʼutik chchabiik li stiʼ karpanae, jaʼ toʼox sbainoj stotik li xchabiel stiʼ skarpana Jeovae. 20 Jaʼ toʼox jnitvanej yuʼunik li Fineas+ xnichʼon Eleasare;+ li Finease chiʼinat yuʼun li Jeovae. 21 Li Sakarias+ ti jaʼ xnichʼon Meselemiase jaʼ toʼox chchabi li stiʼ karpana sventa tsobobbaile.

22 Skotol li buchʼutik laj yichʼik tʼujel sventa xchabiik li tiʼ nae jaʼik 212 ta voʼ. Jech nakiik jech kʼuchaʼal cholbil sbiike.+ Li David xchiʼuk li Samuel ti oy kʼusi ch-akʼbat yile+ jaʼ la svaʼanik li viniketik taje, yuʼun li viniketike tukʼ yakʼoj sbaik. 23 Jaʼ toʼox sbainojik xchiʼuk xnichʼnabtakik xchabiel li stiʼ sna Jeovae,+ li na ti jaʼ toʼox jun karpanae. 24 Li jchabitiʼnaetike te yakʼoj sbaik ta xchanjotal, ta slokʼeb kʼakʼal, ta smaleb kʼakʼal, ta norte xchiʼuk ta sur.+ 25 Bakʼintik li xchiʼiltakike chtalik vukub kʼakʼal ti te chlikik talel ta steklumalik sventa jmoj x-abtejike. 26 Oy chanvoʼ bankilal jchabitiʼnaetik ti tukʼ ch-abtejike. Jaʼik jlevietik xchiʼuk jaʼ sbainojik skʼelel li kuartoetike* xchiʼuk li yavil kʼulejal ta sna melel Diose.+ 27 Te ch-echʼ yuʼunik akʼobal ti bu akʼbil yavilik li ta spat xokon sna melel Diose, yuʼun jaʼ sbainojik xchabiel li tiʼ naetike, jaʼ sventainojik li yavee xchiʼuk jaʼ tsjamik jujun sob li nae.

28 Yantike jaʼ sbainojik li kʼusitik chtun li ta abtelale;+ jaʼ tskʼelik ti tsʼakaluk sutesik ti kʼu yepal laj yichʼik batele. 29 Yantike jaʼ sbainojik li abtejebaletike, li abtejebaletik ti chʼultajesbilike,+ li arina ti lek nine,+ li vinoe,+ li aseitee,+ li sakil pome*+ xchiʼuk li muil aseitee.+ 30 Oy jayvoʼuk xnichʼnabtak paleetik ti jaʼ sbainojik skapel muil aseitee. 31 Li Matitias ti jaʼ snitilulal Levie xchiʼuk ti jaʼ sba xnichʼon Salume, li jkore vinike, jaʼ sbainoj li kʼusi chtaʼaj ta xaltenetike, yuʼun lek tukʼ snaʼ x-abtej.+ 32 Li yantik xchiʼiltakik ti jaʼ jkoatetike jaʼ oy ta sbaik spasel jujun savado+ li latsbil pane.*+

33 Taje jaʼik jkʼejimoletik ti jaʼik joliletik ta jujuchop yutsʼ yalal jlevietik ti te oyik li ta kuartoetike,* muʼyuk xa akʼbat yan yabtelik; yuʼun ta kʼakʼal akʼobal skʼan spasik li yabtel akʼbilike. 34 Jaʼik joliletik ta jujuchop yutsʼ yalal li jlevietik ta jujuchop snitilulalike. Te nakiik ta Jerusalen.

35 Li Jeiel ti jaʼ stot Gabaone te naki ta Gabaon.+ Maaka sbi li yajnile. 36 Li sba xnichʼone jaʼ Abdon, laje tal Sur, Kis, Baal, Ner, Nadab, 37 Guedor, Aio, Sakarias xchiʼuk Miklot. 38 Li xnichʼon Miklote jaʼ Simeam. Te nopol yiloj sbaik ta naklej ta Jerusalen xchiʼuk li xchiʼiltakike. Te nopol yilojik li yan xchiʼiltakik xtoke. 39 Li xnichʼon Nere+ jaʼ Kis; li xnichʼon Kise jaʼ Saul;+ li xnichʼnabtak Saule jaʼik Jonatan,+ Malki-Sua,+ Abinadab+ xchiʼuk Esbaal. 40 Li xnichʼon Jonatane jaʼ Merib-Baal.+ Li xnichʼon Merib-Baale jaʼ Mikeas.+ 41 Li xnichʼnabtak Mikease jaʼik Piton, Melek, Tarea xchiʼuk Akas. 42 Li xnichʼon Akase jaʼ Jara; li xnichʼnabtak Jarae jaʼik Alemet, Asmavet xchiʼuk Simri. Li xnichʼon Simrie jaʼ Mosa. 43 Li xnichʼon Mosae jaʼ Binea, li xnichʼon Bineae jaʼ Refaya, li xnichʼon Refayae jaʼ Eleasa, li xnichʼon Eleasae jaʼ Asel. 44 Li Asele oy vakvoʼ xnichʼnabtak, li sbiike jaʼ Asrikam, Bokru, Ismael, Searias, Abdias xchiʼuk Anan. Taje jaʼ xnichʼnabtak li Asele.

10 Kʼalal yakal tspasik kʼop xchiʼuk Israel li jfilisteaetike, li viniketik ta Israele jatavik lokʼel ta stojolal li jfilisteaetike xchiʼuk ep laj yichʼik milel li ta vits Guilboae.+ 2 Li jfilisteaetike te nopol snutsojik batel li Saul xchiʼuk xnichʼnabtake, vaʼun la smilik li Jonatan, li Abinadab xchiʼuk li Malki-Sua+ ti jaʼ xnichʼnabtak Saule. 3 Mas to tsots la stsakik ta kʼop li Saule. Li jtʼilesej flechaetike la staik ta be li Saule, vaʼun la syayijesik.+ 4 Li Saule xi laj yalbe li jkuch-abtejebal yuʼune: «Lokʼeso a-espada, pajbun ochel yoʼ jech mu xilbajinikun+ mi talik li mu viniketik ti muʼyuk yichʼojik sirkunsisione».* Pe ta skoj ti chiʼ tajek li jkuch-abtejebal yuʼune, muʼyuk la spas. Jaʼ yuʼun, li Saule la stsak li s-espadae, la smil sba stuk.+ 5 Kʼalal laj yil li jkuch-abtejebal ti cham xa li Saule, la smil sba stuk ta s-espada ek, jech te cham. 6 Jaʼ jech cham li Saule xchiʼuk li oxvoʼ xnichʼnabtake, jech xtok, koʼol cham xchiʼuk li buchʼutik te xchiʼukan ti te ch-abtejik ta snae.+ 7 Li j-israeletik ti te oyik ta stenlejaltike laj yakʼik venta ti jatavik xa batele xchiʼuk ti chamik xa li Saul xchiʼuk xnichʼnabtake, vaʼun jatavik lokʼel li ta steklumalike. Talik li jfilisteaetike xchiʼuk jaʼ xa te kom nakiikuk.

8 Li ta yokʼomale, li jfilisteaetike bat spojbeik li kʼusitik oy yuʼunik li buchʼutik chamik ta paskʼope, vaʼun te chamem la staik ta vits Guilboa+ li Saul xchiʼuk xnichʼnabtake. 9 La spojbeik li kʼusitik oy yuʼun Saule, la xtuchʼbeik sjol xchiʼuk laj yichʼbeik batel li yabtejebtake. Laje, la stakik batel j-almantaletik ta sjunul yosil jfilisteaetik sventa xalbeik li santoetik yuʼunike+ xchiʼuk sventa xalik batel ta steklumalik. 10 Li yabtejebtake te laj yakʼik ta sna* sdiosik xchiʼuk te la sjokʼanbeik ta sna Dagon+ li sbakil sjole.

11 Kʼalal laj yaʼiik skotol li jnaklejetik ta Jabes+ ta Galaad li kʼusi la spasbeik Saul+ li jfilisteaetike, 12 totsik batel skotol li soltaroetik ti lek xuʼ yuʼunike, vaʼun la syalesbeik li sbekʼtal Saul xchiʼuk li sbekʼtal xnichʼnabtake. Laj yichʼik batel ta Jabes, te la smukbeik li sbakilik ta yolon mukʼta teʼ te ta Jabese,+ jech xtok, vukub kʼakʼal la spasik ayuno.*

13 Jaʼ jech cham Saul ta skoj ti muʼyuk tukʼ laj yakʼ sba ta stojolal Jeovae, yuʼun muʼyuk la xchʼunbe smantal li Jeovae+ xchiʼuk jaʼ bat sjakʼbe jun ants ti xchanoj espiritismoe,+ 14 jaʼ muʼyuk la sjakʼbe li Jeovae. Jaʼ yuʼun, li Diose laj yakʼ chamuk li Saule xchiʼuk jaʼ xa laj yakʼ ochuk ta ajvalil li David ti jaʼ xnichʼon Jesee.+

11 Ta tsʼakale, skotol li j-israeletike tal skʼelik li David te ta Ebrone,+ xi laj yalbeike: «¡Kʼelavil! Jun jchʼichʼeltik.*+ 2 Kʼalal jaʼ toʼox ajvalil li Saule, voʼot onoʼox chabeiltas ta paskʼop li Israele.*+ Xi laj yalbot li Jeova Dios avuʼune: ‹Voʼot chachabi jteklumal Israel jech kʼuchaʼal jun jchabichij xchiʼuk voʼot chakʼot ta jnitvanej yuʼun li jteklumal Israele›».+ 3 Jaʼ yuʼun, skotol li moletik ta Israele tal skʼelik li ajvalil te ta Ebrone. Vaʼun, li Davide te ta Ebron la spas trato xchiʼuk li moletik ta yeloval Jeovae. Li moletike la svaʼanik ta ajvalil ta Israel li David+ jech kʼuchaʼal yaloj xa onoʼox Jeova ta stojolal li Samuele.+

4 Ta tsʼakal li David xchiʼuk skotol li Israele batik ta Jerusalen, jaʼ xkaltik, ta Jebus+ ti jaʼ te nakalik li jebusetike.+ 5 Li jnaklejetik ta Jebuse xi la slabanik li Davide: «¡Mi jutebuk cha-och tal liʼe!».+ Pe li Davide och ta skʼob li jteklum Sion ti joyol ta muroe.+ Steklumal David sbi li avie.+ 6 Jaʼ yuʼun, xi laj yal li Davide: «Li buchʼu baʼyel chbat stsak ta kʼop li jebusetike jaʼ chkʼot ta bankilal soltaro».* Li Joab+ ti jaʼ yol Seruyae jaʼ baʼyel muy batel, jaʼ yuʼun jaʼ kʼot ta bankilal. 7 Li Davide te lik nakiuk li ta jteklum ti joyol ta muroe, jaʼ yuʼun Steklumal David la sbiin yuʼunik. 8 Li Davide lik svaʼan muroetik xchiʼuk yan kʼusitik ti te chlik ti bu Tsopajtik tone* xchiʼuk ta jujujot xokon li jteklume. Yan li Joabe jaʼ la xchaʼvaʼan li butik to skʼane. 9 Jech la stsak batel mas yip li Davide,+ jech xtok, te chiʼinbil yuʼun li Jeova ti jaʼ bankilal yuʼun soltaroetike.*

10 Liʼe jaʼ skʼoplal li joliletik yuʼun yajsoltarotak David ti lek xuʼ yuʼunik paskʼope. Jaʼ la skoltaik li David sventa stsak lek yabtel ta ajvalile, la stsob sbaik xchiʼuk skotol li Israel sventa stikʼik ta ajvalil li Davide, yaloj xa onoʼox Jeova ti jaʼ chkʼot ta ajvalil ta Israele.+ 11 Liʼe jaʼik li sviniktak David ti lek xuʼ yuʼunik paskʼop ti tsakal sbiik ta listae: Jasobeam+ ti jaʼ xnichʼon jun j-akmoni vinike, li Jasobeame jaʼ bankilal yuʼunik li ta yoxvoʼalike.+ Jkoje ta jun noʼox velta la smil ta slansa oxib sien viniketik.+ 12 Li yane jaʼ Eleasar+ xnichʼon Dodo, li j-aoita vinike.+ Li Eleasare jaʼ jun li ta yoxvoʼal ti mas lek xuʼ yuʼunik paskʼope. 13 Jaʼo te xchiʼuk David ta Pas-Damim+ ti bu stsoboj sbaik li jfilisteaetik sventa spasik kʼope. Ti bu oyike oy jsep osil ti te tsʼunbil epal sevadae, li jteklume jatavik batel ta skoj li jfilisteaetike. 14 Pe li Eleasare te kom sventa spoj li osile, ep jfilisteaetik la smil, jaʼ jech koltavan Jeova li vaʼ kʼakʼale.+

15 Oy oxvoʼ li ta 30 ta voʼ bankilaletike yal skʼelik li David ti te oy ta chʼen Adulame.+ Jaʼo te spasoj skarpanaik jtsop soltaroetik yuʼun jfilisteaetik li ta stenlejaltik Refaime.+ 16 Li Davide te snakʼoj* sba li ta chʼene, pe li jtsop jfilisteaetike te spasoj skarpanaik ta Belen. 17 Vaʼun, li Davide xi laj yal li kʼusi oy ta yoʼontone: «¡Ti oyuk kʼuxi xuʼ xkuchʼbe yaʼlel li poso te oy ta stsʼel Belene!».+ 18 Kʼalal laj yaʼi li oxvoʼ sviniktake, ochik batel ta persa ti bu spasoj skarpanaik li jfilisteaetike, la slupik lokʼel voʼ li ta poso te oy ta stsʼel Belene, vaʼun laj yichʼbeik talel li Davide. Pe li Davide muʼyuk skʼan laj yuchʼ, kʼajomal la smalbe li Jeovae. 19 Xi laj yale: «¡Ta sat li Jdiose, mu jpas jech ti chkuchʼ li voʼe! ¿Mi yuʼun chkuchʼbe xchʼichʼel li viniketik ti ay yakʼ ta vokol xkuxlejalike?*+ Yuʼun laj yakʼ ta vokol xkuxlejalik* ti ay yichʼik tal voʼe». Jaʼ yuʼun, muʼyuk laj yuchʼ. Taje jaʼ jech la spas li oxvoʼ sviniktak ti mas lek xuʼ yuʼunik paskʼope.

20 Li Abisai+ ti jaʼ xchiʼil ta vokʼel Joabe+ jaʼ kʼot ta jolil yuʼunik yan oxvoʼ viniketik; jun velta li Abisaie la smil oxib sien viniketik ta lansa xchiʼuk jaʼ jech lek ojtikinbil jech kʼuchaʼal li oxvoʼe.+ 21 Manchuk mi jaʼ bankilal yuʼunik li yan oxvoʼ viniketike xchiʼuk akʼo mi jaʼ mas ichʼbil ta mukʼ, muʼyuk onoʼox la sta ta be li oxvoʼ viniketik ta baʼyele.

22 Li Benayae+ jaʼ xnichʼon Jeoiada xchiʼuk lek tsots yoʼonton,* yuʼun ep kʼusitik labal sba la spas ta Kabseel.+ La smilbe li chaʼvoʼ xnichʼnab Ariel ta Moabe, jun kʼakʼal xtoke och ta yut poso kʼalal jaʼo chyal taive xchiʼuk te la smil jkot leon.+ 23 Jun velta xtoke la smil jun j-ejipto vinik ti nat tajeke —voʼob xukʼubil snatil—.*+ Li j-ejipto vinike yichʼoj jun slansa ti xkoʼolaj kʼuchaʼal balbalteʼ sventa jolobil* li steʼele,+ pe li Benayae ta jtel noʼox teʼ bat stsak ta kʼop xchiʼuk la spojbe li slansae, vaʼun jaʼ la smil-o.+ 24 Taje jaʼ jech la spas li Benaya xnichʼon Jeoiadae xchiʼuk jaʼ jech lek ojtikinbil jech kʼuchaʼal li oxvoʼ viniketik ti mas lek xuʼ yuʼunik paskʼope. 25 Manchuk mi mas to lek ichʼbil ta mukʼ ti jaʼ mu sta li 30 ta voʼe, muʼyuk onoʼox la sta ta be li oxvoʼ viniketik ta baʼyele.+ Akʼo mi jech, li Davide jaʼ la stikʼ ta bankilal yuʼunik li buchʼutik chchabiate.

26 Li soltaroetik ti lek xuʼ yuʼunik paskʼope jaʼik Asael+ xchiʼil ta vokʼel Joab, Elanan xnichʼon Dodo ta Belen,+ 27 Samot ti jaʼ j-aror vinike, Eles ti jaʼ jpelonita vinike, 28 Ira+ ti jaʼ xnichʼon Ikes ti jaʼ jtekoa vinike, Abi-Eser+ ti jaʼ j-anatot vinike, 29 Sibekai+ ti jaʼ j-usa vinike, Ilai ti jaʼ j-aoita vinike, 30 Maarai+ ti jaʼ jnetofa vinike, Eled+ ti jaʼ xnichʼon Baana ti jaʼ jnetofa vinike, 31 Ittai ti jaʼ xnichʼon Ribai ta Guibea yuʼun jbenjaminetike,+ Benaya ti jaʼ jpiraton vinike, 32 Urai ti likem ta beoʼtik ta stenlejaltik* Gaase,+ Abiel ti likem ta Bet-Arabae, 33 Asmavet ti jaʼ jbaurim vinike, Eliaba ti jaʼ jsaalbim vinike, 34 xnichʼnabtak Asem ti jaʼ jguimso vinike, Jonatan ti jaʼ xnichʼon Sague ti jaʼ j-ararita vinike, 35 Aiam ti jaʼ xnichʼon Sakar ti jaʼ j-ararita vinike, Elifal ti jaʼ xnichʼon Ure, 36 Efer ti jaʼ jmekeratita vinike, Aiya ti jaʼ jpelonita vinike, 37 Esro ti jaʼ jkarmelo vinike, Naarai ti jaʼ xnichʼon Esbaie, 38 Joel ti jaʼ xchiʼil ta vokʼel Natane, Mibar ti jaʼ xnichʼon Agrie, 39 Selek li j-ammon vinike, Naarai li jberotita vinik ti jaʼ jkuch-abtejebal yuʼun li Joab ti jaʼ yol Seruyae; 40 Ira ti jaʼ j-itrita vinike, Gareb ti jaʼ j-itrita vinike, 41 Urias+ ti jaʼ j-et vinike, Sabad ti jaʼ xnichʼon Alaie, 42 Adina ti jaʼ xnichʼon Sisa li jruben vinike, li Adinae jaʼ jolil yuʼunik li jrubenetike, te xchiʼuk 30 ta voʼ viniketik; 43 Anan ti jaʼ xnichʼon Maakae, Josafat ti jaʼ jmitnita vinike, 44 Usia ti jaʼ j-astarot vinike, Sama xchiʼuk Jeiel ti jaʼ xnichʼnab Otam li j-aroer vinike; 45 Jediael ti jaʼ xnichʼon Simrie xchiʼuk li xchiʼil ta vokʼel ti jaʼ li Joa ti jaʼ jtisita vinike; 46 Eliel ti jaʼ jmaavita vinike, Jeribai xchiʼuk Josavias ti jaʼ xnichʼnab Elnaame xchiʼuk Itma ti jaʼ jmoab vinike; 47 Eliel, Obed xchiʼuk Jaasiel ti jaʼ jsoba vinike.

12 Liʼe jaʼik li viniketik ti bat staik David te ta Siklag+ kʼalal jaʼo muʼyuk bu xuʼ xbat ta skoj li Saul+ xnichʼon Kise, jaʼik li viniketik ti lek xuʼ yuʼunik paskʼop ti la skoltaik David ta paskʼope.+ 2 Lek chapal xchiʼuk s-arkoik xchiʼuk lek xtojobik ta sbatsʼikʼobik xchiʼuk ta stsʼetkʼobik*+ kʼalal tsjipik ton ta jimichʼ+ o kʼalal tstʼilesik flecha ta arkoe. Jaʼik yutsʼ yalal Saul ti likem tal ta snitilulal Benjamine.+ 3 Li jolile jaʼ Aieser, li yan xtoke jaʼ Joas ti jaʼ xnichʼnab li Semaa ti jaʼ jguibea vinike;+ Jesiel xchiʼuk Pelet ti jaʼ xnichʼnab Asmavete,+ Beraka, Jeu ti jaʼ j-anatot vinike, 4 Ismaya ti jaʼ jgabaon vinike,+ lek xuʼ yuʼun paskʼop, oyik 30 ta voʼ ti lek xuʼ yuʼunik paskʼope, pe jaʼ bankilal yuʼunik li Ismayae;+ li yantike jaʼ Jeremias, Jaasiel, Joanan, Josabad ti jaʼ jguederatita vinike, 5 Elusai, Jerimot, Bealias, Semarias, Sefatias ti jaʼ j-arifita vinike, 6 Elkana, Isias, Asarel, Joeser, Jasobeam ti jaʼ jkoreetike;+ 7 Joela xchiʼuk Sebadias ti jaʼ xnichʼnab Jeroam ta Guedore.

8 Jlom jgadetike bat staik li David ti te oy ta jun chʼen ta takixokol balumile;+ li buchʼutik batike lek xuʼ yuʼunik paskʼop, yuʼun lek chanubtasbilik, stsakoj lek smukʼta eskudoik* xchiʼuk slansaik, xkoʼolaj kʼuchaʼal sat leon li satike xchiʼuk lek xtojobik ta anil kʼuchaʼal gaselaetik kʼalal chanavik ta vitstikaltike. 9 Li jolile jaʼ Eser, li xchaʼvoʼale jaʼ Abdias, li yoxvoʼale jaʼ Eliab, 10 li xchanvoʼale jaʼ Mismana, li svoʼobale jaʼ Jeremias, 11 li svakvoʼale jaʼ Atai, li svukvoʼale jaʼ Eliel, 12 li xvaxakvoʼale jaʼ Joanan, li sbalunvoʼale jaʼ Elsabad, 13 li slajunvoʼale jaʼ Jeremias, li xbuluchvoʼale jaʼ Makbanai. 14 Taje jaʼik jgadetik,+ jaʼik bankilaletik yuʼun soltaroetik. Li buchʼu jutuk xuʼ yuʼune koʼol xuʼ yuʼun kʼuchaʼal sien ta voʼ, li buchʼu lek xuʼ yuʼune koʼol xuʼ yuʼun kʼuchaʼal jmil ta voʼ.+ 15 Taje jaʼik li viniketik ti la xtuchʼik jelavel Jordan kʼalal nojem tajek yok li ukʼum ti chmal to lokʼel ta jujujot stiʼile, jaʼo kʼot ta pasel li ta sba ue, jech xtok, la snutsik lokʼel skotol li buchʼutik te nakajtik ta stenlejaltike, jaʼ to ti kʼuxi la spuk sba batel yuʼunik ta slokʼeb kʼakʼal xchiʼuk ta smaleb kʼakʼale.

16 Oy jayvoʼ viniketik ta Benjamin xchiʼuk ta Juda ti bat staik ek li David ti bu snakʼoj* sbae.+ 17 Li Davide lokʼ snupan ta be xchiʼuk xi laj yale: «Mi jun avoʼonton tal akoltaikune, ta jpas ta jmoj koʼontontik un bi, pe mi jaʼ sventa chtal aloʼlaikun yoʼ xavakʼikun ta skʼob kajkontratak akʼo mi muʼyuk kʼusi chopol jpasoje, jaʼ xil stuk li Sdios jmoltotaktike xchiʼuk jaʼ chchapan».+ 18 Vaʼun, li Amasai ti jaʼ jolil yuʼunik li 30 ta voʼe lik ventainatuk* yuʼun li espiritue,+ xi laj yale:

«Voʼot aventainojunkutik, David, liʼ oyunkutik ta atojolale, xnichʼon Jese.+

Jaʼ yuʼun, chʼamatik yuʼun li Davide xchiʼuk albatik ti akʼo batikuk ta stojolal li bankilaletik yuʼun soltaroetike.

19 Kʼalal bat xchiʼin jfilisteaetik li David sventa stsakik ta kʼop li Saule, bat koltaatuk yuʼun jayvoʼ viniketik ta Manases; pe li Davide muʼyuk la skolta li jfilisteaetike, yuʼun li bankilaletik yuʼun jfilisteaetike+ laj yalik ti mu xuʼ xbate, xi laj yalike: «Naka me te spas ta jmoj sjol xchiʼuk li Saul ti jaʼ yajvale, vaʼun xuʼ te xkichʼtik milel jkotoltik».+ 20 Liʼe jaʼ li viniketik ta Manases ti bat xchiʼinik David kʼalal bat ta Siklague:+ Adna, Josabad, Jediael, Miguel, Josabad, Eliu xchiʼuk Siletai ti jaʼ bankilaletik ti sbainojik jmil ta voʼ viniketik ta Manasese.+ 21 La skoltaik David ta stsakel ta kʼop li jtsop j-elekʼetike, yuʼun lek xuʼ yuʼunik skotolik xchiʼuk lek tsots yoʼontonik,+ jaʼ yuʼun kʼotik ta bankilaletik yuʼun soltaroetik. 22 Jujun kʼakʼal ep buchʼutik chkʼot ti bu oy li David+ sventa skoltaike, jaʼ to ti kʼuxi epaj yajsoltarotak jech kʼuchaʼal yepal yajsoltarotak li Diose.+

23 Liʼe jaʼ skʼoplal li soltaroetik ti lek chapal xchiʼuk yabtejebik sventa paskʼop ti bat skʼelik David te ta Ebrone+ yoʼ stikʼik ta ajvalil ta xkʼexol Saul jech kʼuchaʼal yaloj mantal Jeovae.+ 24 Li viniketik ta Juda ti stsakoj smukʼta eskudoik* xchiʼuk slansaike jaʼik 6,800 ta voʼ ti chapalik sventa paskʼope. 25 Li ta snitilulal jsimeonetike jaʼik 7,100 ta voʼ soltaroetik ti lek xuʼ yuʼunike xchiʼuk ti lek tsots yoʼontonike.

26 Li ta snitilulal jlevietike jaʼik 4,600 ta voʼ. 27 Li Jeoiadae+ jaʼ jnitvanej yuʼunik li xnichʼnabtak Aarone,+ te xchiʼuk 3,700 ta voʼ viniketik, 28 te tal ek li Sadoke,+ jun kerem ti lek xuʼ yuʼun xchiʼuk ti lek tsots yoʼontone, te xchiʼuk 22 ta voʼ bankilaletik li ta jujuchop yutsʼ yalale.

29 Li ta snitilulal jbenjaminetik ti jaʼ xchiʼiltak li Saule+ jaʼik oxmil, pe jaʼ ep li buchʼutik tukʼ toʼox yakʼoj sbaik ta stojolal li yutsʼ yalal Saule. 30 Li ta snitilulal j-efrainetike jaʼik 20,800 ta voʼ viniketik ti lek xuʼ yuʼunike, lek tsots yoʼontonik xchiʼuk lek ojtikinbilik li ta jujuchop yutsʼ yalalike.

31 Li ta j-oʼlol snitilulal Manasese jaʼik 18 mil ti jaʼ takatik batel sventa stikʼik ta ajvalil li Davide. 32 Li ta snitilulal Isakare jaʼik chib sien viniketik ti xaʼibeik smelolal li kʼusi chkʼot ta pasele xchiʼuk snaʼojik kʼusi xuʼ spas li Israele, jaʼik joliletik ti jaʼ tspasik ta mantal skotol li yutsʼ yalalike. 33 Li ta snitilulal Sabulone jaʼik 50 mil ti chtunik ta soltaroale, lek chapal xchiʼuk yabtejebik sventa paskʼop xchiʼuk jaʼ noʼox ta stojolal David ti tukʼ yakʼoj sbaike.* 34 Li ta snitilulal Neftalie jaʼik jmil ta voʼ bankilaletik ti te xchiʼukik 37 mil viniketik ti stsakoj smukʼta eskudoik* xchiʼuk slansaike. 35 Li ta snitilulal jdanetike jaʼik 28,600 ta voʼ ti lek chapalik sventa paskʼope. 36 Li ta snitilulal Asere jaʼik 40 mil ti chtunik ta soltaroal ti lek chapalik sventa paskʼope.

37 Li ta snitilulal jrubenetik, jgadetik xchiʼuk li ta j-oʼlol snitilulal Manases ti te nakalik ta jot Jordane+ jaʼik 120 mil soltaroetik ti oy ep ta tos yabtejebik sventa paskʼope. 38 Skotolik taje jaʼik soltaroetik ti lek chapalik sventa paskʼope; ta sjunul yoʼontonik batik ta Ebron sventa stikʼik ta ajvalil ta sjunul Israel li Davide. Li yan j-israeletik eke jech tskʼanik* ti akʼo ochuk ta ajvalil li Davide.+ 39 Oxib kʼakʼal te kom xchiʼinik li Davide, te veʼik xchiʼuk uchʼbolajik, yuʼun jech xchapanoj li yermanotakike. 40 Skotol li buchʼutik te nopol nakale xchiʼuk li buchʼutik te to nakalik ta Isakar, ta Sabulon xchiʼuk ta Neftalie la xkuchik tal veʼliletik ta vuroetik, ta kameyoetik, ta mulaetik xchiʼuk ta vakaxetik, laj yichʼik tal arina, pan ti pasbil ta takin sat igo xchiʼuk ta sat uvae, laj yichʼik tal vino, aseite, vakaxetik xchiʼuk epal chijetik, yuʼun xkuxet yoʼontonik li ta Israele.

13 Li Davide la sjakʼbe yaʼyej li bankilaletik ti sbainojik jmil ta voʼe, li bankilaletik ti sbainojik sien ta voʼe xchiʼuk li yan jnitvanejetike.+ 2 Vaʼun, li Davide xi laj yalbe sjunul li tsobobbail yuʼun Israele: «Mi lek chavilike xchiʼuk mi lek chil li Jeova Dios kuʼuntike, jtaktik ta ikʼel li kermanotaktik ti te nakalik ta sjunul yosilal Israele, jtaktik ta ikʼel ek li paleetik xchiʼuk li jlevietik ti te nakalik ta jteklumetik+ ti oy yaxaltik ta sjoylejale sventa xtal xchiʼinutik. 3 Skʼan xkichʼtik sutel li Xkaxa+ Jdiostike». Yuʼun muʼyuk stukʼulanojik kʼalal kuxul toʼox li Saule.+ 4 Li tsobobbail yuʼun Israele lek laj yaʼiik ti xichʼik sutele, yuʼun lek laj yaʼi li jteklume. 5 Jaʼ yuʼun, li Davide la stsob skotol li Israel ti te nakalik ta yukʼumal* Ejipto kʼalal to ta Lebo-Amate*+ sventa xichʼik lokʼel ta Kiryat-Jearim+ li Xkaxa melel Diose.

6 Vaʼun, li David xchiʼuk skotol li Israele muyik batel ta Baala,+ ta Kiryat-Jearim ti te xkom ta yosilal Judae, yuʼun chbat yichʼik tal li Xkaxa melel Diose, jaʼ li Jeova ti te chotol ta xchotleb ta sba* li keruvinetik+ ti jaʼ te tstabeik ta albel sbie. 7 Li Xkaxa melel Diose te la skajanik batel ta jkot achʼ kareta+ sventa slokʼesik batel li ta sna Abinadabe. Li karetae jaʼ yikʼojik batel li Usa xchiʼuk li Aioe.+ 8 Li David xchiʼuk skotol Israele solel xmuyubajik tstijik son ta yeloval li melel Diose, jaʼ tstijik li arpaetike, yan stijobiltak son ti oy yakʼiltake, panderetaetik,*+ simbaloetik*+ xchiʼuk okʼesetik.+ 9 Pe kʼalal kʼotik li ta yikʼaobil trigo ta Kidone, li Usae laj yik li Kaxae, yuʼun li vakaxetike jutuk xa mu balchʼuj yuʼunik. 10 Li Jeovae ilin tajek ta stojolal li Usae, jaʼ yuʼun la smil ta skoj ti laj yik li Kaxae,+ vaʼun te noʼox cham ta yeloval Dios.+ 11 Li Davide kap-o sjol* ta skoj ti tsan skʼakʼal yoʼonton Jeova ta stojolal li Usae; jech oxal Peres-Usa* la sbiin li lum taje, jech-o sbi kʼalal to avie.

12 Li vaʼ kʼakʼale, li Davide xiʼ tajek ta stojolal li melel Diose, xi laj yale: «¿Kʼuxi xa noʼox chkichʼbe batel Xkaxa melel Dios ti bu nakalune?».+ 13 Jaʼ yuʼun, li Davide muʼyuk xa xichʼ batel Kaxa ti bu nakale, li ta Steklumal Davide. Laj yal mantal ti xichʼik batel ta sna Obed-Edom ti likem ta Gate. 14 Li Xkaxa melel Diose te kom ti bu oy li yutsʼ yalal Obed-Edome, oxib u te kom, jaʼ yuʼun akʼbat bendision yuʼun Jeova li yutsʼ yalal Obed-Edome xchiʼuk skotol li kʼusitik oy ta snae.+

14 Li ajvalil Iram+ ta Tiroe la stak batel j-almantaletik ta stojolal li Davide, jech xtok, la stakbe batel sedro teʼ, alvaniletik ti tsvaʼanik muroetike xchiʼuk viniketik ti chabtelanik teʼ sventa xichʼ vaʼanbel sna* li Davide.+ 2 Li Davide laj yakʼ venta ti vaʼanat xa lek yuʼun Jeova ta ajvalil li ta Israele,+ jech xtok, li Diose mas to la stsak yip yuʼun li ajvalilal* tspas Davide sventa slekilal li steklumal Israele.+

3 Li Davide laj to saʼ yan yajniltak+ li ta Jerusalene, jaʼ yuʼun vokʼ to yan skeremtak xchiʼuk stsebetak.+ 4 Li xnichʼnabtak ti te vokʼik ta Jerusalene+ jaʼ sbi Samua, Sobab, Natan,+ Salomon,+ 5 Ibar, Elisua, Elpelet, 6 Noga, Nefeg, Jafia, 7 Elisama, Beeliada xchiʼuk Elifelet.

8 Kʼalal laj yaʼi jfilisteaetik ti och xa ta ajvalil ta sjunul Israel li Davide,+ skotolik bat stsakik ta kʼop.+ Kʼalal laj yaʼi li Davide, lokʼ stsak ta kʼop. 9 Li jfilisteaetike ochik batel xchiʼuk te lik tsakvanikuk ta kʼop ta stenlejaltik Refaim.+ 10 Li Davide xi la sjakʼbe li Diose: «¿Mi chmuy jtsak ta kʼop li jfilisteaetike? ¿Mi chavakʼbun ta jkʼob?». Xi takʼbat yuʼun li Jeovae: «Batan, yuʼun persa chkakʼbot ta akʼob».+ 11 Jaʼ yuʼun, li Davide muy batel ta Baal-Perasim,+ te la smil li jfilisteaetike. Xi laj yale: «Li melel Diose la sjambun ochel jbe ti bu oy li kajkontratak jech kʼuchaʼal lek jamal chkom yuʼun be li voʼ ti xbalakʼin noʼoxe». Jech oxal, Baal-Perasim* laj yakʼbe sbi li osil taje. 12 Li jfilisteaetike te xa busul laj yiktaik li diosetik yuʼunike, laje laj yichʼ chikʼel li diosetike,+ yuʼun jech laj yal mantal li Davide.

13 Ta tsʼakale, bat tsakvanikuk ta kʼop xtok li jfilisteaetik li ta stenlejaltike.+ 14 Li Davide la sjakʼbe yan velta li Diose, pe xi xa takʼbat yuʼun li melel Diose: «Mu tukʼuk xbat atsak ta kʼop, jaʼ lek bat joyo tal ta spatik, vaʼun te xatsak ta kʼop ta yeloval li bikʼtal teʼetik bakae.*+ 15 Mi laj avaʼi ti xkoʼolaj xa oy buchʼutik te xchajlajet tal li ta bikʼtal teʼetik bakae,* bat me tsako ta kʼop, yuʼun jaʼ xa jbabe batel avuʼun li melel Dios sventa smil li yajsoltarotak jfilisteaetike».+ 16 Li Davide jech tajek la spas jech kʼuchaʼal albat yuʼun li melel Diose,+ lik smilik li soltaroetik yuʼun jfilisteaetik te ta Gabaon kʼalal to ta Guesere.+ 17 Li Davide puk batel skʼoplal ta skotol li jteklumetike, jech xtok, li Jeovae laj yakʼ ti xiʼtaik David skotol li mukʼtik lumetike.+

15 Li Davide laj to svaʼan jaypʼej sna li ta Steklumal Davide, jech xtok, la xchapan bu xuʼ xakʼ li Xkaxa melel Diose, la smeltsanbe jun skarpanail.+ 2 Vaʼun, xi laj yal li Davide: «Muʼyuk buchʼu yan xuʼ xichʼ batel li Xkaxa melel Diose, jaʼ noʼox li jlevietike, yuʼun jaʼ tʼujbilik yuʼun Jeova sventa xichʼik batel li Xkaxa Jeovae xchiʼuk jaʼ tʼujbilik sventa spasbeik yabtel sbatel osil».+ 3 Jaʼ yuʼun, li Davide la stsob ta Jerusalen skotol Israel sventa xichʼbe muyel li Xkaxa Jeova ti bu xchapanojbe yavile.+

4 Li Davide la stsob li snitilulal Aaron+ xchiʼuk li jlevietike:+ 5 li ta snitilulal Koate jaʼ li bankilal Uriel xchiʼuk li 120 ta voʼ xchiʼiltake; 6 li ta snitilulal Merarie jaʼ li bankilal Asaya+ xchiʼuk li 220 ta voʼ xchiʼiltake; 7 li ta snitilulal Guersome jaʼ li bankilal Joel+ xchiʼuk li 130 ta voʼ xchiʼiltake; 8 li ta snitilulal Elisafane+ jaʼ li bankilal Semaya xchiʼuk li chib sien xchiʼiltake; 9 li ta snitilulal Ebrone jaʼ li bankilal Eliel xchiʼuk li 80 ta voʼ xchiʼiltake; 10 li ta snitilulal Usiele+ jaʼ li bankilal Aminadab xchiʼuk li 112 ta voʼ xchiʼiltake. 11 Jech xtok, li Davide la stak ta ikʼel li pale Sadok+ xchiʼuk li pale Abiatare,+ la stak ta ikʼel li jlevietik ti jaʼik Uriel, Asaya, Joel, Semaya, Eliel xchiʼuk Aminadab, 12 xi laj yalanbee: «Voʼoxuk joliloxuk li ta jujuchop yutsʼ yalal jlevietike. Chʼultajeso abaik xchiʼuk akʼo xchʼultajes sbaik li avermanotakike, yuʼun voʼoxuk chavichʼik muyel li Xkaxa Jeova ti jaʼ Sdios Israel ti bu jchapanojbe yavile. 13 Li Jeovae tsan skʼakʼal yoʼonton ta jtojolaltik+ ta skoj ti mu voʼoxuk la akuchik ta sba veltae,+ yuʼun muʼyuk la jkʼelbetik skʼoplal ti kʼu onoʼox yelan skʼan pasele».+ 14 Jaʼ yuʼun, li paleetik xchiʼuk li jlevietike la xchʼultajes sbaik sventa xichʼik muyel li Xkaxa Jeova ti jaʼ Sdios Israele.

15 Vaʼun, li jlevietike la skajan batel ta snekebik li Xkaxa melel Diose, jaʼ la xkuchik-o batel li ta steʼeltak+ jech onoʼox kʼuchaʼal yaloj mantal Moises ti jech albil yuʼun Jeovae. 16 Li Davide laj yalbe bankilaletik yuʼun jlevietik ti akʼo stʼujik jkʼejimoletik sventa xkuxetuk noʼox yoʼontonik akʼo kʼejinikuk, akʼo stijik li stijobiltak son ti oy yakʼiltake, arpaetik+ xchiʼuk simbaloetik.*+

17 Jaʼ yuʼun, li jlevietike la stʼujik Eman+ ti jaʼ xnichʼon Joel xchiʼuk Asaf+ ti jaʼ xnichʼon Berekias, ti jaʼ snitilulalik li jlevietike, la stʼujik Etan+ ti jaʼ xnichʼon Kusaya li ta yutsʼ yalal Merarie. 18 Li ta xchaʼvokʼale te oy xtok li yutsʼ yalalike,+ jaʼik Sakarias, Ben, Jaasiel, Semiramot, Jeiel, Uni, Eliab, Benaya, Maaseya, Matitias, Elifeleu xchiʼuk Mikneya; te oy xtok li Obed-Edom xchiʼuk Jeiel ti jaʼ jchabitiʼnaetike. 19 Li Eman,+ Asaf+ xchiʼuk Etan ti jaʼ jkʼejimoletike jaʼ tstijik li simbaloetik*+ ta kovree; 20 li Sakarias, Asiel, Semiramot, Jeiel, Uni, Eliab, Maaseya xchiʼuk Benayae jaʼ tstijik li stijobiltak son ti oy yakʼiltak ti alamot*+ snukʼilale; 21 li Matitias,+ Elifeleu, Mikneya, Obed-Edom, Jeiel xchiʼuk Asasiase jaʼ tstijik li arpaetik ti seminit*+ snukʼilale, jaʼ tsbeiltasik li kʼejimole. 22 Li Kenanias+ ti jaʼ bankilal yuʼun jlevietike jaʼ sbainoj kʼalal chkuchik batel li Kaxae, yuʼun lek xtojob, 23 li Berekias xchiʼuk Elkanae jaʼ chchabiik li Kaxae. 24 Li paleetik ti jaʼik Sebanias, Josafat, Netanel, Amasai, Sakarias, Benaya xchiʼuk Eliesere tsots la sjupan yokʼesik ta yeloval li Xkaxa melel Diose.+ Li Obed-Edom xchiʼuk Jeiase jaʼ chchabiik li Kaxa eke.

25 Vaʼun, li Davide, li moletik ta Israel xchiʼuk li bankilaletik ti sbainojik jmil ta voʼe xkuxet yoʼonton+ yalik batel ta sna Obed-Edom+ sventa xbat yichʼik talel li xkaxail strato Jeovae. 26 Kʼalal koltaatik xa ox yuʼun melel Dios li jlevietik ti xkuchojik batel li xkaxail strato Jeovae, laj yakʼik ta milbil matanal vukot chʼiom tot vakaxetik xchiʼuk vukot tot chijetik.+ 27 Li Davide slapoj batel jlik natil kʼuʼil ti muʼyuk skʼob ti pasbil ta lekil pokʼe jech kʼuchaʼal slapojik batel li jlevietik ti xkuchojik batel li Kaxae, li jkʼejimoletike xchiʼuk li Kenanias ti jaʼ sbainoj kʼalal chkuchik batel li Kaxae xchiʼuk ti jaʼ sbainoj li jkʼejimoletike. Li Davide slapoj batel xtok jlik mokankʼuʼil ti pasbil ta linoe.+ 28 Skotol li j-israeletike x-avetik noʼox ta muyubajel+ kʼalal xkuchojik muyel li xkaxail strato Jeovae, te tsjupanik batel li xkachuike, li yokʼesike+ xchiʼuk li simbaloike,* solel tsots tstijik li stijobiltak son ti oy yakʼiltake xchiʼuk li arpaetike.+

29 Kʼalal och batel ta Steklumal David+ li xkaxail strato Jeovae, te nachʼal chkʼelvan ta ventana li stseb Saul ti jaʼ li Mikale,+ laj yil ti te xpʼitomaj tal li Davide xchiʼuk ti xmuyubaje, vaʼun lik spʼaj ta yoʼonton.+

16 Jaʼ jech te laj yakʼik ta yut karpana li Xkaxa melel Dios ti bu smeltsanoj xa onoʼox David sventa te xakʼike.+ Vaʼun, laj yakʼik chikʼbil matanaletik xchiʼuk milbil matanaletik sventa jun oʼontonal ta yeloval li melel Diose.+ 2 Kʼalal tsuts yuʼun David ta yakʼel li chikʼbil matanaletik+ xchiʼuk li milbil matanaletik sventa jun oʼontonale,+ laj yakʼbe bendision ta sbi Jeova li jteklume. 3 Jech xtok, skotol li j-israeletike, li viniketik xchiʼuk antsetike laj yakʼanbe jujupʼej pan, jujupʼej pan ti pasbil ta sat xane* xchiʼuk jujupʼej pan ti pasbil ta takin sat uvae. 4 La svaʼan jayvoʼuk jlevietik sventa x-abtejik ta yeloval li Xkaxa Jeovae,+ sventa xichʼik ta mukʼ,* stojik ta vokol xchiʼuk skʼupil kʼoptaik li Jeova Dios yuʼun Israele. 5 Jaʼ jolil li Asafe,+ li xchaʼvoʼale jaʼ Sakarias; li Jeiel, Semiramot, Jeiel, Matitias, Eliab, Benaya, Obed-Edom xchiʼuk Jeiele+ jaʼ tstijik li stijobil son ti oy yakʼiltake xchiʼuk li arpaetike;+ li Asafe jaʼ tstij li simbaloe,*+ 6 li pale Benaya xchiʼuk Jaasiele jaʼ tsjupanik-o li okʼesetik ta yeloval li xkaxail strato melel Diose.

7 Li vaʼ kʼakʼale, li Davide sba to velta la xchapan jun kʼejoj sventa stojbe ta vokol li Jeovae, la xchanubtas Asaf+ xchiʼuk xchiʼiltak ti akʼo xi kʼejinikuke:

10 Mukʼibtasbeik skʼoplal li xchʼul bie.+

Akʼo kuxetuk yoʼontonik li buchʼutik tsaʼik Jeovae.+

11 Saʼik li Jeovae+ xchiʼuk li yipe.

Sabeik sat* skotol ora.+

14 Li Dios kuʼuntike jaʼ li Jeovae,+

ta spʼejel balumil chkʼot li chapanel yuʼune.+

23 ¡Spʼejel balumil, kʼejintaik li Jeovae!

¡Alik batel jujun kʼakʼal ti chkoltavane!+

25 Yuʼun toj mukʼ li Jeovae xchiʼuk sta-o tajek kʼupil kʼoptael.

Jaʼ mas toj labal sba, jaʼ mu jechuk li yan diosetike.+

27 Jun noʼox yutsil xchiʼuk xojobinaj noʼox ti bu oye;+

Alapojuk achʼul kʼuʼik* xakejan abaik ta stojolal* Jeova.+

30 ¡Spʼejel balumil, ichʼik lek ta mukʼ!

Lek nakanbil li balumile,* mu stakʼ bakʼesel.*+

Xi la stakʼ sjunul li jteklume: «¡Jechuk!».* Vaʼun, la skʼupil kʼoptaik li Jeovae.

37 Li Davide te laj yikta komel Asaf+ xchiʼuk li xchiʼiltak ti bu oy li xkaxail strato Jeova sventa te xtunik ta yeloval li Kaxa+ jech kʼuchaʼal skʼan xichʼ pasel jujun kʼakʼale.+ 38 Li Obed-Edom xchiʼuk xchiʼiltake jaʼik 68 ta voʼ; li Obed-Edom ti jaʼ xnichʼon Jedutun xchiʼuk li Osae jaʼ jchabitiʼnaetik; 39 li pale Sadok+ xchiʼuk li xchiʼiltak ta paleale te oyik ta yeloval li axibalna yuʼun Jeovae, li ta tayal kʼopojebal* ta Gabaone+ 40 sventa xakʼilanbeik chikʼbil matanal li Jeovae, ti ta jujun sob xchiʼuk ta jujun mal kʼakʼal chakʼik ta sba li skajleb chikʼbil matanale, jech xtok, jaʼ sventa spasik skotol li kʼusi tsʼibabil ta Smantal Jeova ti jech laj yalbe li Israele.+ 41 Te xchiʼukik xtok li Eman xchiʼuk Jedutune+ xchiʼuk li yan viniketik ti laj yichʼik tʼujel sventa stojbeik ta vokol li Jeovae,+ yuʼun «te oy-o sbatel osil li tukʼil kʼanelal yuʼune»;+ 42 te xchiʼukik li Eman+ xchiʼuk Jedutun ti jaʼ tsjupanik li okʼesetike, ti tstijik li simbaloetike* xchiʼuk li yan stijobiltak son ti jaʼ sventa chichʼ kʼupil kʼoptael-o li melel Diose; li xnichʼnabtak Jedutune+ jaʼ sbainojik li tiʼ nae. 43 Sjunul li jteklume ta jujuntal sut batel ta snaik, li David eke sut batel ta sna sventa xakʼbe bendision li yutsʼ yalale.

17 Kʼalal te xa ox oy ta sna* li Davide, xi laj yalbe li j-alkʼop Natane:+ «Kʼelavil, li voʼone nakalun ta jpʼej na ti pasbil ta sedro teʼetike,+ yan li xkaxail strato Jeovae te noʼox oy ta yut karpana ti pasbil ta pokʼe».+ 2 Li Natane xi la stakʼbe li Davide: «Paso li kʼusi oy ta avoʼontone, yuʼun liʼ xchiʼukot li melel Diose».

3 Ta yakʼobalil noʼox xi tal albatuk yuʼun Dios li Natane: 4 «Xi xbat avalbe li kajtunel Davide: ‹Xi chal li Jeovae: «Mu voʼotukot chavaʼan li na ti bu xuʼ xinakie.+ 5 Yuʼun kʼalal la jlokʼes tal li Israel kʼalal to avie, muʼyuk onoʼox bu xinaki ta jpʼejuk na, ta jujun karpana noʼox xchiʼuk ta jujun axibalna noʼox linaki ti butik li-echʼ tale.*+ 6 Ti kʼu xa sjalil la jchiʼin tal li Israele, muʼyuk xi laj kalbe junuk jchapanvanej ta Israel ti la jtʼuj sventa sbeiltas li jteklumal Israele: ‹¿Kʼu yuʼun ti muʼyuk apasojbeikun jpʼejuk jna ta sedro teʼetike?›»›.

7 »Xi xavalbe li kajtunel Davide: ‹Xi chal li Jeova ti jaʼ bankilal yuʼun soltaroetike:* «Voʼon ay kikʼot talel li ta yaxaltik ti bu chachabi chije sventa xakʼot ta jnitvanej yuʼun li jteklumal Israele.+ 8 Te ta jchiʼinot ti buyuk noʼox chabate+ xchiʼuk te akʼeloj ta jlajesbe skʼoplal* skotol li avajkontratake;+ jech xtok, chkakʼ ta ojtikinel abi jech kʼuchaʼal li viniketik ti tsots yabtelik liʼ ta balumile.+ 9 Ta jsabe lek bu xuʼ xnakiik sventa te xkomik-o li jteklumal Israele, te chnakiik xchiʼuk muʼyuk xa buchʼu tsaʼatik ta kʼop; jech xtok, muʼyuk xa ch-akʼbat svokolik yuʼun li chopol viniketik jech kʼuchaʼal la spasik ta voʼne+ 10 ti kʼalal lik jvaʼan jchapanvanejetik ta stojolal li jteklumal Israele.+ Voʼon ta jtsal skotol li avajkontratake.+ Xi chkalbot ta jamal xtoke: ‹Tsvaʼan ta ajvalil avutsʼ avalal li Jeovae›.

11 »›»Mi lacham xa ox xchiʼuk mi labat xa ox xchiʼuk li amoltotake, ta jvaʼan ta ajvalil jun anitilulal, jaʼ junuk akerem,+ lek staoj yav chkom kuʼun li ajvalilal* tspase.+ 12 Jaʼ tsvaʼanbun jpʼej jna,+ lek staoj yav chkom kuʼun sbatel osil li ajvalilal tspase.+ 13 Voʼon chikʼot ta stot, jaʼ chkʼot ta jnichʼon.+ Muʼyuk chkikta jba ta yakʼbel ta ilel tukʼil kʼanelal+ jech kʼuchaʼal laj kikta jba ta yakʼbel ta ilel tukʼil kʼanelal li buchʼu baʼyuk echʼ avuʼune.+ 14 Ta sbatel osil ta jchotan ta jchotleb ti bu ta jpas mantale xchiʼuk te oy-o sbatel osil li ajvalilal yuʼune+ xchiʼuk jaʼ ch-ajvalilaj-o li snitilulale»›».+

15 Li Natane laj yalbe David skotol li kʼusi albate xchiʼuk skotol li kʼusi akʼbat yile.

16 Vaʼun, li ajvalil Davide te bat chotluk ta yeloval li Jeovae, xi laj yalbee: «Jeova Dios, muʼyuk tsots jkʼoplal xchiʼuk muʼyuk tsots skʼoplal li kutsʼ kalale, jaʼ yuʼun mu jta-o ti liʼ to laj avikʼun tale.+ 17 Pe maʼuk noʼox un, Kajval Dios, chaval xtok li kʼusi chkʼot ta pasel ta jelavel ta stojolal li yutsʼ yalal avajtunele,+ jech xtok, Kajval Jeova, jech chavilun jech kʼuchaʼal li buchʼu lek toybil skʼoplale.* 18 ¿Kʼusi xa mas xuʼ chalbot li avajtunel David ti laj avichʼ ta mukʼe? Yuʼun xavojtikinun lek.+ 19 Kajval Jeova, ti jech laj avakʼ ta ojtikinel skotol li kʼusitik labalik sba apasoje, jaʼ ta skoj li avajtunele xchiʼuk ti jech tskʼan avoʼontone.+ 20 Kajval Jeova, muʼyuk buchʼu yan jech kʼuchaʼal voʼote+ xchiʼuk atuk noʼox Diosot;+ jnaʼojkutik ta skoj li kʼusi kʼotem ta jchikinkutike. 21 Jech xtok, ¿mi oy yan jteklum jech kʼuchaʼal li ateklumal Israele?+ Li melel Diose bat spoj lokʼel sventa xkʼot ta steklumal.+ Puk batel akʼoplal ta skoj li kʼusitik mukʼtik xchiʼuk labalik sba la apase,+ yuʼun ta sat ateklumal la anuts lokʼel li yan jteklumetike,+ jaʼ li ateklumal ti la apoj lokʼel ta Ejiptoe. 22 Jaʼ ateklumal-o sbatel osil li jteklum Israele;+ li voʼot ek une, Kajval Jeova, lakʼot ta Sdiosik.+ 23 Li avi une, Kajval Jeova, li kʼusi jamal laj avalbe avajtunele xchiʼuk li kʼusi laj aval ta stojolal li yutsʼ yalale jechuk-o komuk sbatel osil; kʼotuk ta pasel avuʼun li kʼusi jamal laj avale.+ 24 Toybiluk skʼoplal+ xchiʼuk te oyuk-o sbatel osil* li abie sventa xi xalik li krixchanoetike: ‹Li Jeova ti jaʼ bankilal yuʼun soltaroetik ti jaʼ Dios yuʼun Israele jaʼ Sdios li Israele›, jech xtok, jaʼ akʼo ajvalilajikuk-o li snitilulal avajtunel Davide.+ 25 Li voʼote, Dios kuʼun, laj avakʼbe snaʼ avajtunel ti chavakʼ ochuk ta ajvalil li yutsʼ yalale. Jaʼ yuʼun, li avajtunele spatoj yoʼonton ti tskʼoponot tale. 26 Kajval Jeova, voʼot li melel Diosote xchiʼuk voʼot li kʼusitik lekik avaloj chavakʼbe li avajtunele. 27 Jaʼ yuʼun, kʼotuk ta avoʼonton yakʼbel bendision li snitilulal avajtunel ti jaʼ ch-ochik ta ajvalil avuʼun sbatel osile, yuʼun li voʼote, Kajval Jeova, avakʼojbe bendision xchiʼuk jech-o tstaik bendision sbatel osil».

18 Te van kʼuk sjalil ta tsʼakale, li Davide la stsal xchiʼuk och ta skʼob li jfilisteaetike,+ jech xtok, la spojbe jfilisteaetik li Gat+ xchiʼuk li bikʼtal lumetik ti te noʼox nopajtike.* 2 Ta tsʼakale, la stsal li Moabe,+ vaʼun li jmoabetike kʼotik ta yajtunel David xchiʼuk tstojbeik patan.+

3 Li ajvalil Adadeser+ ta Sobae+ bat ta stsʼel ukʼum Eufrates+ yoʼ xlik sventain. Kʼalal ta be xa ox xlokʼ batele, te tsalat yuʼun David ta stsʼel Amat.+ 4 Jech xtok, li Davide la spojbe batel jmil ta kot kareta, la xchuk batel vukmil viniketik ti kajajtik ta kaʼe xchiʼuk 20 mil soltaroetik ti ta yakan chbatike.+ Vaʼun, li Davide la syayijesbe spat yoʼ li kaʼetik ti xjochojik batel karetaetike. Sien xa noʼox ta kot ti muʼyuk jech la spasbee.+ 5 Li jsiriaetik likemik ta Damaskoe bat skoltaik li ajvalil Adadeser ta Sobae, pe li Davide la smil 22 mil jsiriaetik.+ 6 Li Davide la svaʼan soltaroetik li ta Siria ta Damaskoe. Jech xtok, li jsiriaetike kʼotik ta yajtuneltak David xchiʼuk tstojbeik patan. Li Jeovae la skolta David sventa xkuch yuʼun paskʼop ti buyuk noʼox chbate.+ 7 Li David xtoke la spojbe li s-eskudoik* yajtuneltak Adadesere, set-set li eskudoetike xchiʼuk ta oro pasbil, laj yichʼ batel ta Jerusalen. 8 Li ajvalil Davide ep tajek laj yichʼ lokʼel kovre li ta Tibat xchiʼuk ta Kun ti jaʼ sventainoj li Adadesere. Li kovree jaʼ la stunes Salomon sventa spas-o li Nab ta kovree,+ li oyetike xchiʼuk li yan kʼusitik chtun ti ta kovre pasbile.+

9 Li ajvalil Tou ta Amate laj yaʼi ti laj xa stsalbe skotol yajsoltarotak ajvalil Adadeser+ ta Soba+ li Davide. 10 Jaʼ yuʼun, ta ora noʼox la stak batel ta stojolal ajvalil David li xnichʼon ti Adoram sbie sventa xbat sjakʼbe kʼu yelan oy xchiʼuk sventa skʼupil kʼopta li Davide, yuʼun la stsal li Adadesere (yuʼun li Toue tsaʼat onoʼox ta kʼop yuʼun li Adadesere), jech xtok, la stakbe batel li kʼusitik pasbil ta oro, ta plata xchiʼuk ta kovree. 11 Li ajvalil Davide la xchʼultajes sventa Jeova li kʼusitik taje+ jech kʼuchaʼal la xchʼultajes li plata xchiʼuk oro ti la spojbe talel li jyanlumetike: jaʼ li j-edometik, jmoabetik, j-ammonetik,+ jfilisteaetik+ xchiʼuk li j-amaleketike.+

12 Li Abisai+ ti jaʼ yol Seruyae+ la smil 18 mil j-edometik li ta stenlejaltik Atsʼame.+ 13 La svaʼan jtsop soltaroetik ta Edom, vaʼun kʼot ta yajtuneltak David skotol li j-edometike.+ Li Jeovae la skolta David sventa xkuch yuʼun paskʼop ti buyuk noʼox chbate.+ 14 Li Davide jech-o la spas mantal ta sjunul li Israele+ xchiʼuk tukʼ chchapan skotol li krixchanoetike.+ 15 Li Joab ti jaʼ yol Seruyae jaʼ sbainoj li soltaroetike,+ li Jeosafat+ ti jaʼ xnichʼon Ailude jaʼ yabtel tstsʼiba skotol li kʼusitik chkʼot ta pasele. 16 Li Sadok xnichʼon Aitub xchiʼuk li Aimelek xnichʼon Abiatare jaʼ paleetik. Li Savsae jaʼ sekretario. 17 Li Benaya ti jaʼ xnichʼon Jeoiadae jaʼ sbainoj li jkeretitaetik+ xchiʼuk li jpeletitaetike.+ Li xnichʼnabtak David eke kʼotik ta bankilal j-abteletik.

19 Ta tsʼakale, cham li Naas ti jaʼ ajvalil yuʼun j-ammonetike, vaʼun jaʼ och ta xkʼexol ta ajvalil li xnichʼone.+ 2 Xi laj yal li Davide: «Chkakʼbe ta ilel tukʼil kʼanelal+ li Anun xnichʼon Naase, yuʼun laj yakʼbun ta ilel tukʼil kʼanelal li stote». Jaʼ yuʼun, li Davide la stak batel yaj-almantaltak sventa xbat spatbeik yoʼonton Anun ta skoj ti cham li stote. Pe kʼalal kʼotik ta yosil j-ammonetik li yajtuneltak David+ sventa spatbeik yoʼonton li Anune, 3 li bankilaletik yuʼun j-ammonetike xi laj yalbeik li Anune: «¿Mi yuʼun achʼunoj ti chichʼ ta mukʼ atot li David ti la stak talel buchʼu xuʼ spatbot avoʼontone? ¿Mi mu jaʼuk sventa spaʼi* jteklum xchiʼuk sventa stsalot ti la stak talel yajtuneltake?». 4 Li Anune la stsakbe li yajtuneltak Davide, la xjuxbe li yisimike+ xchiʼuk la xtuchʼbe yalel li skʼuʼ spokʼik ti chlik ta xchukbenalike,* jech la stakan sutel. 5 Kʼalal albat David li kʼusi pasbatik li viniketike, ta ora noʼox la stak batel yan viniketik sventa xbat snupik ta be, yuʼun toj tsots akʼatik ta kʼexlal; xi laj yal li ajvalile: «Te xakomik ta Jeriko,+ jaʼ to xasutik talel mi chʼi yan velta li avisimike».

6 Ta tsʼakale, li j-ammonetike laj yakʼik venta ti muʼyuk xa lek ch-ilatik yuʼun li Davide, jaʼ yuʼun li Anun xchiʼuk j-ammonetike la stakik batel jmil talento* plata ta Mesopotamia,* ta Aram-Maaka xchiʼuk ta Soba+ sventa xchʼamunik karetaetik xchiʼuk jkajlejetik ta kaʼ. 7 Jaʼ yuʼun, la slokʼik 32 mil ta kot kareta, la stojik xtok li ajvalil Maaka xchiʼuk sviniktake. Jech tal skotolik, te la spas skarpanaik ta stukʼil Medeba.+ Li j-ammonetik eke la stsob sbaik lokʼel ta steklumalik sventa xbatik ta paskʼop.

8 Kʼalal laj yaʼi li Davide, la stak batel li Joab+ xchiʼuk skotol li soltaroetike, la stak batel xtok li yajsoltarotak ti lek xuʼ yuʼunik paskʼope.+ 9 Lokʼik tal li j-ammonetike xchiʼuk la xchol sbaik ta yochebal jteklum sventa spasik kʼop, yan li ajvaliletik ti laj yichʼik ikʼel tale te laj yakʼ sbaik ta jamalaltik.

10 Li Joabe laj yil ti chtal xa tsakatikuk ta kʼop ta yelovalik xchiʼuk ta spatike, jaʼ yuʼun la stʼuj li buchʼutik mas xtojobik ta paskʼop li ta Israele xchiʼuk la xchol sventa stsakik ta kʼop li jsiriaetike.+ 11 Ti kʼu yepal kome jaʼ laj yakʼbe sbain* li xchiʼil ta vokʼel ti jaʼ li Abisaie,+ la xchol sbaik ek yoʼ stsakik ta kʼop li j-ammonetike. 12 Xi laj yal li Joabe: «Mi chavil ti jaʼ mas tsots tstsakikun ta kʼop li jsiriaetike,+ voʼot chtal akoltaun, pe mi laj kil ti jaʼ mas tsots tstsakikot ta kʼop li j-ammonetike, voʼon chbat jkoltaot un bi. 13 Skʼan tsotsuk koʼontontik xchiʼuk mu xijchibaj,+ yuʼun skʼan jkoltatik li jteklumaltike xchiʼuk li steklumaltak Jdiostike, vaʼun jaʼ tspas Jeova li kʼusi lek chile».

14 Jaʼ yuʼun, li Joab xchiʼuk sviniktake nopajik batel sventa xbat stsakik ta kʼop li jsiriaetike, pe jatavik batel li jsiriaetike.+ 15 Kʼalal laj yakʼ venta j-ammonetik ti jatavik xa batel li jsiriaetike, jatavik lokʼel ek ta stojolal li Abisai ti jaʼ xchiʼil ta vokʼel li Joabe xchiʼuk ochik li ta jteklume. Ta tsʼakale, bat ta Jerusalen li Joabe.

16 Kʼalal laj yilik ti tsalatik xa yuʼun Israel li jsiriaetike, la stakik batel j-almantaletik sventa xbat stsobik li jsiriaetik ti te oyik ta yosilal Ukʼume,*+ li jsiriaetik ti te oyik ta yosilal Ukʼume jaʼ beiltasbilik batel yuʼun li Sobake, li bankilal soltaro yuʼun Adadesere.+

17 Kʼalal laj yaʼi li Davide, ta ora noʼox la stsob skotol li Israele xchiʼuk la xtuchʼ jelavel li Jordane, kʼot ti bu oyike xchiʼuk te la xchol sbaik sventa stsakik ta kʼop. Li David xchiʼuk sviniktake la xchol sbaik sventa stsakik ta kʼop li jsiriaetike, li jsiriaetik eke tal tsakvanikuk ta kʼop.+ 18 Pe li jsiriaetike jatavik lokʼel ta stojolal li Israele; li Davide la smil vukmil ti kajajtik batel ta karetae xchiʼuk la smil 40 mil soltaroetik yuʼun jsiriaetik ti ta yakan chanavike, jech xtok, la smil li Sofak ti jaʼ bankilal yuʼun soltaroetike. 19 Li yajtuneltak Adadesere laj yakʼik venta ti lajik xa ta tsalel yuʼun li Israele,+ jaʼ yuʼun ta ora noʼox la spas ta jun yoʼontonik xchiʼuk li Davide, jech lik ventainatikuk;+ li jsiriaetike mu xa skʼan skoltaik li j-ammonetike.

20 Ta slikebaltik jabile,* kʼalal jaʼo chlokʼik ta paskʼop li ajvaliletike, li Joabe+ lokʼ batel xchiʼuk yajsoltarotak sventa xbat sokesik li yosil j-ammonetike; jech xtok, bat sjoyibta li Rabae,+ pe li Davide te kom ta Jerusalen.+ Li Joabe la stsak ta kʼop xchiʼuk la sjines komel li Rabae.+ 2 Li Davide la stsakbe li skorona Malkam ti te xojol ta sjole. Laj yakʼ venta ti jun talento* oro yalale xchiʼuk ti yichʼoj tonetik ti kʼupilik sbae; jaʼ laj yichʼ xojbel ta sjol li Davide. Jech xtok, ep kʼusitik la spoj talel li ta jteklume.+ 3 Laj yikʼ batel skotol li jnaklejetik tee sventa xakʼbe yabtelanik+ tonetik; kʼalal ch-abtejike, jaʼ tstunesik li abtejebaletik pasbil ta takʼin ti lek juxbil yee xchiʼuk li ekʼeletike. Jaʼ jech la spasbe skotol li steklumal j-ammonetike. Laje, sutik batel ta Jerusalen li David xchiʼuk skotol li yajsoltarotake.

4 Ta tsʼakale, la stsakik ta kʼop li jfilisteaetike, te la spasik kʼop ta Gueser. Li ta paskʼope, li Sibekai+ ti jaʼ j-usa vinike la smil li Sipai ti jaʼ snitilulal jrefaetike,+ jech och ta skʼobik.

5 Lik spasik kʼop xchiʼuk li jfilisteaetik xtoke. Li Elanan xnichʼon Jaire la smil li Lami ti jaʼ xchiʼil ta vokʼel li Goliat+ ti likem ta Gate. Li steʼel slansae xkoʼolaj ta balbalteʼ sventa jolobil.*+

6 Lik paskʼop ta Gat+ xtok, te oy jun vinik ti batsʼi nat tajeke,+ oy vakib sniʼ skʼob xchiʼuk vakib sniʼ yok, li sniʼ yok xchiʼuk li sniʼ skʼobe 24 ta skotol. Jaʼ snitilulal jrefaetik+ ek. 7 Jech-o tslaban li Israele.+ Jaʼ yuʼun, li Jonatane la smil. Li Jonatane jaʼ xnichʼon Simea,+ li xchiʼil ta vokʼel Davide.

8 Li viniketik taje jaʼ snitilulal jrefaetik+ ta Gat+ ti milatik yuʼun David xchiʼuk yajtuneltake.

21 Li Satanase* lik skontrain li Israele, jaʼ yuʼun la stijbe yoʼonton David sventa xchap li j-israeletike.+ 2 Vaʼun, li Davide xi laj yalbe li Joabe+ xchiʼuk li bankilaletik ta jteklume: «Batanik, bat chapik jayvoʼ j-israeletik oy ti chlik ta Beer-Seba kʼalal to ta Dane;+ xtal avalbeikun ta tsʼakal sventa jnaʼ jayvoʼ oy». 3 Pe li Joabe xi la stakʼe: «¡Ti kʼu yepal oy li steklumale akʼo yepajes sien ta velta li Jeovae! Kajval, voʼot li ajvalilote, ¿mi mu jaʼuk xa yajtuneltak skotol li kajvale chaʼa? ¿Kʼu yuʼun tskʼan chchap li ajvalil kuʼune? ¿Kʼu yuʼun ti tskʼan tsta smul yuʼun li Israele?».

4 Pe jaʼ jelav skʼop li ajvalile, jaʼ muʼyuk xchʼunbat li Joabe. Jaʼ yuʼun, lokʼ batel li Joabe, bat xan sjunul li Israele, laje sut talel ta Jerusalen.+ 5 Vaʼun, li Joabe laj yakʼbe David li slistail jayvoʼ lokʼ ta tsakbel sbiike. Ta skotol Israele oy 1,100,000 ta voʼ soltaroetik ti xchukinoj s-espadaike, li ta Judae jaʼ oy 470 mil soltaroetik ti xchukinoj s-espadaike.+ 6 Pe li snitilulal Levi xchiʼuk snitilulal Benjamine muʼyuk laj yichʼ tsakbel sbiik,+ yuʼun li Joabe chopol tajek laj yaʼi+ li kʼusi laj yal ajvalile.

7 Taje toj chopol tajek laj yil li melel Diose, jaʼ yuʼun la syayijes li Israele. 8 Li Davide xi laj yalbe li melel Diose: «Tsots la jta jmul+ ti jech la jpase. Avokoluk, chʼaybo smul li avajtunele,+ yuʼun toj bol xa noʼox tajek li kʼusi la jpase».+ 9 Vaʼun, kʼoponat yuʼun Jeova li Gad+ ti oy onoʼox kʼusi ch-akʼbat yil ti nopem xaʼi chalbe li Davide. Xi albate: 10 «Xi xbat avalbe li Davide: ‹Xi chal li Jeovae: «Oy oxtos kastigo jnopoj chkakʼ taluk, tʼujo bu junukal chakʼan»›». 11 Jech oxal, li Gade och batel ti bu oy li Davide, xi laj yalbee: «Xi chal li Jeovae: 12 ‹Tʼujo mi jaʼ chakʼan ti chtal oxib jabil viʼnal ta alumale+ o mi jaʼ chakʼan ti oxib u tstsalot li avajkontratake xchiʼuk ti tsmilikot ta s-espadaike+ o mi jaʼ chakʼan ti oxib kʼakʼal chtal li s-espada Jeovae, jaʼ xkaltik, ti chtal tsatsal chamel ta alumale,+ ti chtal lajesvanuk ta sjunul yosilal Israel li yaj-anjel Jeovae›.+ Nopo lek bu jtosukal chakʼan sventa xkalbe li buchʼu la stakun tale». 13 Li Davide xi la stakʼbe li Gade: «Toj tsots chkaʼi maʼ taje. Avokoluk, jaʼ lek ti xi-och ta skʼob li Jeovae, yuʼun toj ep kʼuxubinel yuʼun.+ Pe mu jkʼan ti xi-och ta skʼob viniketike».+

14 Vaʼun, li Jeovae laj yakʼ taluk jtos chamel li ta Israele,+ chamik 70 mil krixchanoetik ta Israel.+ 15 Jech xtok, li melel Diose la stak batel jun anjel sventa slajes li Jerusalene, pe kʼalal laj yil Jeova ti jech xa ox tspase, chopol laj yaʼi sba* ta skoj li vokolile,+ jech oxal xi laj yalbe li anjel ti tal slajes li jteklume: «¡Moʼoj xa!+ Yaleso xa li akʼobe». Li yaj-anjel Jeovae te oy ta stsʼel yikʼaobil strigo Ornan,+ li jebus vinike.+

16 Kʼalal la stoy muyel sat li Davide, laj yil ti te oy ta oʼlol vinajel xchiʼuk balumil li yaj-anjel Jeovae, syeʼoj batel ta Jerusalen li s-espadae.+ Li David xchiʼuk li moletik ti slapojik chʼixal kʼuʼile*+ ta ora noʼox la snijan spatan sbaik ta lumtik.+ 17 Li Davide xi laj yalbe li melel Diose: «¿Mi mu voʼonuk ti laj kal ti akʼo yichʼik chapel li jteklume? Voʼon ti oy jmule, voʼon ti chopol kʼusi la jpase.+ Pe li chijetik liʼe..., ¿kʼusi smul la spasik? Jeova Dios kuʼun, voʼon akʼbun kastigo xchiʼuk li buchʼutik te oy ta sna jtote, pe mu xavakʼbe svokol li ateklumale».+

18 Li yaj-anjel Jeovae laj yalbe Gad+ ti xalbe David ti muyuk batel ti bu oy li yikʼaobil strigo Ornane, li jebus vinike,+ sventa te spasbe skajleb smoton li Jeovae. 19 Li Davide muy batel jech kʼuchaʼal albat yuʼun li Gade, yuʼun jech laj yal ta sbi Jeova. 20 Kʼalal joypʼij li Ornane, laj yil ti te oy li anjele, vaʼun li chanvoʼ xnichʼnabtak ti te xchiʼuke bat snakʼ* sbaik. Li Ornane jaʼo yakal tsmaj strigo. 21 Kʼalal kʼot li Davide, taat ta ilel yuʼun li Ornane, jaʼ yuʼun li Ornane ta anil lokʼ talel ti bu yakal chikʼa strigoe xchiʼuk la skejan spatan sba ta lumtik ta stojolal li Davide. 22 Li Davide xi laj yalbe li Ornane: «Chonbun* li yikʼaobil atrigoe sventa te jpasbe skajleb smoton li Jeovae. Lek tsʼakal ta jtojbot yoʼ xpaj li vokolil oy ta jteklume».+ 23 Pe li Ornane xi la stakʼbe li Davide: «Ichʼo, kajval, akʼo spas li kʼusi lek chil* li ajvalile. Chkakʼbot li vakaxetik sventa xavakʼ ta chikʼbil matanale, tuneso ta siʼ li smajobil* trigoe,+ jech xtok, chkakʼbot li trigo sventa xavakʼ ta matanal sat tsʼunobiletike. Chkakʼbot skotol».

24 Pe li ajvalil Davide xi la stakʼbe li Ornane: «Mu stakʼ jech, persa tsʼakal lek ta jtojbot. Mu stakʼ xkakʼbe Jeova xchiʼuk mu stakʼ xkakʼbe ta chikʼbil matanal li kʼusi muʼyuk jmanoje, yuʼun jaʼ to avuʼun».+ 25 Jaʼ yuʼun, li Davide laj yakʼbe Ornan vakib sien siklo* oro ti lek pʼisbile sventa stojbe li yosile. 26 Vaʼun, li Davide la spasbe li skajleb smoton+ Jeovae, te laj yakʼ chikʼbil matanaletik xchiʼuk milbil matanaletik sventa jun oʼontonal, te lik skʼanbe vokol li Jeovae. Li senyail ti takʼbate jaʼ ti yal tal kʼokʼ+ ta vinajel ti te kʼot ta sba li skajleb chikʼbil matanale. 27 Jaʼ yuʼun, li Jeovae laj yalbe mantal li anjel+ ti akʼo stikʼ sutel ta sna li s-espadae. 28 Li vaʼ kʼakʼale, kʼalal laj yil David ti aʼibat skʼop yuʼun Jeova li ta yikʼaobil strigo Ornan, li jebus vinike, te-o laj yakʼ milbil matanal. 29 Pe li vaʼ kʼakʼale, li axibalna yuʼun Jeova ti te la spas ta takixokol balumil li Moisese xchiʼuk li skajleb chikʼbil matanale te oy ta tayal kʼopojebal* ta Gabaon.+ 30 Pe li Davide muʼyuk-o ayem ta Gabaon sventa sjakʼbe li Diose, yuʼun xiʼem tajek kom ta skoj li s-espada yaj-anjel Jeovae.

22 Xi laj yal li Davide: «Liʼe jaʼ sna Jeova, li melel Diose, liʼ xtoke jaʼ jun skajleb matanal ti jaʼ te chakʼik chikʼbil matanal li Israele».+

2 Li Davide laj yal mantal ti akʼo stsobik skotol li jyanlumetik+ ti te nakalik ta yosilal Israele, jaʼ la svaʼanan ta jtuchʼtonetik* sventa setik lek li tonetik ti jaʼ tsvaʼanbeik-o li sna melel Diose.+ 3 Li David xtoke la xchapan epal tsatsal takʼinetik sventa xtun ta xlauxal li tiʼ naetike xchiʼuk sventa xtun ta stsakleb kʼusitik, jech xtok, ep tajek la stsob kovre ti mu xa noʼox xlaj ta pʼisel ti kʼu yepale,+ 4 la stsob epal sedro teʼ+ xtok, yuʼun li jsidonetik+ xchiʼuk li jtiroetike+ ep tajek sedro teʼ laj yichʼbeik talel li Davide. 5 Xi laj yal li Davide: «Toj kerem to li jnichʼon Salomone xchiʼuk muʼyuk to kʼusi ep xchanoj spasel,+ pe li sna Jeova chichʼ vaʼanbele jun yutsil tajek,+ chpuk batel skʼoplal ta skotol lumetik+ ti yan sba yutsile,+ jaʼ yuʼun ta jchapan komel li kʼusitik chtune». Jech oxal, li Davide ep tajek kʼusi la xchapan komel kʼalal kuxul toʼoxe.

6 Jech xtok, la stak ta ikʼel li Salomon ti jaʼ xnichʼone, laj yalbe mantal ti skʼan svaʼanbe sna li Jeovae, li Sdios Israele. 7 Li Davide xi laj yalbe li Salomon ti jaʼ xnichʼone: «Li voʼone oy tajek ta koʼonton ta jvaʼan jpʼejuk na sventa sbi li Jeova Dios kuʼune.+ 8 Pe xi laj yalbun li Jeovae: ‹Toj ep amaloj chʼichʼ xchiʼuk toj ep apasoj kʼop. Mu voʼotukot chavaʼan li na sventa jbie,+ yuʼun kiloj ti toj ep amaloj chʼichʼ ta sba balumile. 9 Pe chvokʼ jun anichʼon+ ti jun noʼox yoʼonton chkuxie,* muʼyuk chkakʼ tsakatuk ta kʼop yuʼun yajkontratak ti te oy ta spat xokone,+ Salomon*+ tsbiin. Jech xtok, muʼyuk buchʼu tstsakat ta kʼop kuʼun li Israele xchiʼuk jun noʼox yoʼontonik ti kʼu sjalil kuxule.+ 10 Jaʼ tsvaʼanbun jpʼej na sventa li jbie.+ Jaʼ chkʼot ta jnichʼon, voʼon chikʼot ta stot.+ Lek staoj yav chkom kuʼun sbatel osil li ajvalilal* tspas ta Israele›.+

11 »Jaʼ yuʼun, kuni nichʼon, te akʼo xchiʼinot li Jeovae xchiʼuk lekuk xbat avuʼun li kʼusi chapase, vaʼanbo me li sna Jeova Dios avuʼune, yuʼun jech onoʼox yaloj ti voʼot chavaʼane.+ 12 Akʼo yakʼbot apʼijil li Jeovae xchiʼuk akʼo skoltaot ta yaʼibel smelolal+ kʼalal mi lik yakʼ aventain li Israele sventa xchʼunbe avuʼun smantal li Jeova Dios avuʼune.+ 13 Lek me chabat mi chavakʼ lek ta avoʼonton xchʼunbel li smantaltake+ xchiʼuk li kʼusitik xchapanoj Jeova ti laj yalbe Moises ti akʼo xalbe li Israele.+ Tsotsuk avoʼonton xchiʼuk mu me xachibaj. Mu xaxiʼ xchiʼuk mu xnik avoʼonton.+ 14 Kʼelavil, tsots laj kakʼ kip ta stsobel 100 mil talento* oro xchiʼuk jun miyon talento plata sventa xichʼ vaʼanbel li sna Jeovae, ep la jtsob kovre xchiʼuk tsatsal takʼinetik+ ti mu xa noʼox xlaj ta pʼisele, jchapanoj ep teʼetik xchiʼuk tonetik,+ pe chasabe to stsʼak. 15 Ep buchʼutik liʼ oy ti tskoltaot ta abtele: oy jtuchʼtonetik,* alvaniletik,+ buchʼutik chabtelanik teʼ xchiʼuk yantik ti lek xchanojik yan abtelale.+ 16 Li oro, plata, kovre xchiʼuk li tsatsal takʼine mu xa noʼox xlaj ta pʼisel,+ jaʼ yuʼun chapano aba xchiʼuk likeso li abtelale. Te akʼo xchiʼinot li Jeovae».+

17 Li Davide laj yalbe mantal skotol bankilaletik ta Israel ti akʼo skoltaik ta abtel li Salomon ti jaʼ xnichʼone, xi laj yalbe yaʼiike: 18 «¿Mi mu liʼuk xchiʼinojoxuk li Jeova Dios avuʼunike xchiʼuk mi mu junuk noʼox avoʼontonik yuʼun? Yuʼun yakʼojbun xa ta jkʼob li jnaklejetik ta lume, li osile och xa ta skʼob Jeova xchiʼuk ta skʼob li steklumale. 19 Jaʼ yuʼun, ta sjunuluk avoʼontonik xchiʼuk ta sjunuluk akuxlejalik* xasaʼik li Jeova Dios avuʼunike+ xchiʼuk lik xa noʼox vaʼanik li xchʼulna Jeovae, li melel Diose,+ sventa xichʼ ichʼel talel li xkaxail strato Jeovae xchiʼuk li kʼusitik chʼul ti akʼbil ta stojolal melel Diose,+ te xavakʼik li ta na ti chichʼ vaʼanel sventa li sbi Jeovae».+

23 Kʼalal mol xa ox li Davide xchiʼuk kʼalal jutuk xa ox skʼan xchame, la stikʼ ta ajvalil ta Israel li xnichʼon ti jaʼ li Salomone.+ 2 La stsob skotol li bankilaletik ta Israele, li paleetike+ xchiʼuk li jlevietike.+ 3 Laj yichʼik chapel li jlevietik ti 30 o ti mas ta 30 jabil yichʼojike;+ ti kʼu yepal laj yichʼik chapele jaʼ 38 mil. 4 Ti vaʼ yepalike, 24 mil chtunik ta jkʼel-abtelal li ta sna Jeovae xchiʼuk vakmil chtunik ta j-abteletik xchiʼuk ta jchapanvanejetik.+ 5 Chanmil chtunik ta jchabitiʼnaetik+ xchiʼuk chanmil ti jaʼ tskʼupil kʼoptaik+ li Jeova ti jaʼ tstijik li stijobiltak son ti xi laj yalbe skʼoplal li Davide: «La jpas sventa jaʼ xichʼ-o kʼupil kʼoptael li Diose».

6 Vaʼun, li Davide ta jujuvokʼ la xchʼak+ li xnichʼnabtak Levie: li Guerson, Koat xchiʼuk Merarie.+ 7 Li snitilulal jguersonetike jaʼik Ladan xchiʼuk Simei. 8 Li xnichʼnabtak Ladane jaʼik Jeiel, Setam xchiʼuk Joel,+ oxvoʼik. Li Jeiele jaʼ jolil. 9 Li xnichʼnabtak Simeie jaʼik Selomot, Asiel xchiʼuk Aran, oxvoʼik. Taje jaʼik li joliletik ta jujuchop yutsʼ yalalik ta snitilulal Ladane. 10 Li xnichʼnabtak Simeie jaʼik Jaat, Sina, Jeus xchiʼuk Berias. Li chanvoʼ taje jaʼik xnichʼnabtak li Simeie. 11 Li Jaate jaʼ jolil, li xchaʼvoʼale jaʼ Sisa. Ta skoj ti muʼyuk ep skeremik li Jeus xchiʼuk Beriase, ta jchop noʼox utsʼ alalil laj yichʼik tsakel ta venta, jtos noʼox li kʼusi akʼbat sbainike.

12 Li xnichʼnabtak Koate jaʼik Amram, Isar,+ Ebron xchiʼuk Usiel,+ chanvoʼik. 13 Li xnichʼnab Amrame jaʼik Aaron+ xchiʼuk Moises.+ Pe li Aaron xchiʼuk xnichʼnabtake jaʼ laj yichʼik tʼujel+ sventa xchʼultajesik li Batsʼi Lekil Chʼul Kuartoe, sventa xakʼbeik milbil matanal li Jeovae, sventa xtunik ta stojolal xchiʼuk sventa jech-o xakʼik bendision ta sbi.+ 14 Li xnichʼnab Moises ti jaʼ yajtunel melel Diose te laj yichʼ tsakbel sbiik li ta snitilulal Levie. 15 Li xnichʼnab Moisese jaʼik Guersom+ xchiʼuk Elieser.+ 16 Li ta xnichʼnabtak Guersome jaʼ jolil li Sebuele.+ 17 Li ta snitilulal* Eliesere jaʼ jolil li Reabiase;+ li Eliesere muʼyuk xa yan skerem, pe li Reabiase oy ep skerem. 18 Li ta xnichʼnabtak Isare+ jaʼ jolil li Selomite.+ 19 Li ta xnichʼnabtak Ebrone jaʼ jolil li Jeriase, li xchaʼvoʼale jaʼ Amarias, li yoxvoʼale jaʼ Jaasiel, li xchanvoʼale jaʼ Jekameam.+ 20 Li ta xnichʼnabtak Usiele+ jaʼ jolil li Mikease, li xchaʼvoʼale jaʼ Isias.

21 Li xnichʼnab Merarie jaʼik Mali xchiʼuk Musi.+ Li xnichʼnab Malie jaʼik Eleasar xchiʼuk Kis. 22 Muʼyuk skerem cham li Eleasare, jaʼ noʼox oy stsebetak. Pe li xnichʼnabtak Kis ti jaʼ yutsʼ yalalike* jaʼ laj yikʼik li tsebetike. 23 Li xnichʼnabtak Musie jaʼik Mali, Eder xchiʼuk Jeremot, oxvoʼik.

24 Taje jaʼik xnichʼnabtak Levi ti jaʼik joliletik ta jujuchop yutsʼ yalalike. Laj yichʼik chapel jayvoʼik xchiʼuk laj yichʼ tsakbel sbiik li buchʼutik 20 o ti mas ta 20 jabil yichʼojik ti jaʼ tspasik li abtelal ta sna Jeovae. 25 Yuʼun xi onoʼox yaloj li Davide: «Li Jeova ti jaʼ Dios yuʼun Israele laj xa yakʼbe xkux yoʼonton li steklumale,+ li stuke te chnaki sbatel osil ta Jerusalen.+ 26 Jech xtok, li jlevietike mu xa persauk tsjelulanbeik yavil li axibalnae mi jaʼuk li kʼusitik te chtune».+ 27 Jech kʼuchaʼal slajeb xa laj yal Davide, laj yichʼik chapel li jlevietik ti 20 o ti mas ta 20 jabil yichʼojike. 28 Jaʼ yabtel tskoltaik li xnichʼnabtak Aaron+ ti te chtunik ta sna Jeovae, jaʼ sbainojik li jujun amakʼe,*+ li veʼebaletike xchiʼuk jaʼ tslekubtasik li kʼusitik chʼule, jech xtok, jaʼ sbainojik li yan abtelal skʼan pasel ta sna li melel Diose. 29 Jaʼ sbainojik li latsbil pane,*+ li arina ti lek nin sventa matanal sat tsʼunobile, li jayal gayetaetik ti pasbil ta arina ti muʼyuk slevaduraile,*+ li pan ti chichʼ taʼajesel ta lechlech takʼine xchiʼuk li votsʼbil arina ti kapbil ta aseitee,+ jech xtok, jaʼ sbainojik skotol li kʼusitik chichʼ pʼisele xchiʼuk ti kʼu smukʼul skʼan xbate. 30 Jujun sob skʼan xtal stojbeik ta vokol+ xchiʼuk skʼupil kʼoptaik li Jeovae, jech skʼan spasik ta jujun mal kʼakʼal xtok.+ 31 Jaʼ chkoltavanik kʼalal chichʼ akʼbel Jeova li chikʼbil matanal ta jujun savado,+ ta jujun achʼ luna*+ xchiʼuk li ta jujun kʼin+ jech kʼuchaʼal tsʼibabil ta mantale. Jaʼ jech tspasik jujukoj kʼalal chakʼbeik smoton Jeovae. 32 Jech xtok, tspasik li kʼusitik sbainojik ta karpana sventa tsobobbaile xchiʼuk ti bu chʼule. Tskoltaik xtok li yermanotakik ti jaʼ li xnichʼnabtak Aaron ti te chtunik ta sna Jeovae.

24 Li snitilulal Aaron ti laj yichʼik chʼakel ta jujuchope jaʼik liʼe: Nadab, Abiu,+ Eleasar xchiʼuk Itamar+ ti jaʼik xnichʼnabtak Aarone. 2 Pe li Nadab xchiʼuk Abiue jaʼ baʼyel chamik, jaʼ tsʼakal to cham li stotike,+ muʼyuk xkom skeremik; yan li Eleasar+ xchiʼuk Itamare jech-o tunik ta paleal. 3 Li Davide la xchʼak ta jujuchop li snitilulal Aaron ti kʼutik yelan ch-abtejike, jaʼ koltaat yuʼun li Sadok+ ti jaʼ xnichʼon Eleasare xchiʼuk li Aimelek ti jaʼ xnichʼon Itamare. 4 Li xnichʼnabtak Eleasare jaʼ mas ep joliletik yuʼunik, jaʼ mu sta li xnichʼnabtak Itamare, jaʼ yuʼun koʼol laj yichʼik chʼakel: li ta xnichʼnabtak Eleasare, oy 16 ta voʼ ti jaʼ joliletik ta jujuchop yutsʼ yalalike, yan li ta xnichʼnabtak Itamare, oy vaxakvoʼ ti jaʼ joliletik ta jujuchop yutsʼ yalalike.

5 Laj yichʼik chʼakel ta suerte+ li xnichʼnabtak Eleasar xchiʼuk li xnichʼnabtak Itamare, ta jujuvokʼ laj yichʼik chʼakel, yuʼun li ta xnichʼnabtak Eleasar xchiʼuk li ta xnichʼnabtak Itamare oy bankilaletik yuʼunik ti te chtunik ti bu chʼule xchiʼuk oy bankilaletik yuʼunik ti chtunik ta stojolal li melel Diose. 6 Vaʼun, li Semaya xnichʼon Netanel ti jaʼ yajsekretarioik li jlevietike la stsakanbe sbi ta yeloval li ajvalile, ta yeloval li bankilaletik ta jteklume, li pale Sadoke,+ li Aimelek+ ti jaʼ xnichʼon Abiatare+ xchiʼuk ta yeloval li joliletik ta jujuchop yutsʼ yalal paleetik xchiʼuk jlevietike, jun jolil tstsakbe ta sbi Eleasar xchiʼuk jun jolil tstsakbe ta sbi Itamar.

7 Li baʼyel suertee jaʼ kʼot ta stojolal li Jeoiaribe; li xchibale ta stojolal Jedaya, 8 li yoxibale ta stojolal Arim, li xchanibale ta stojolal Seorim, 9 li svoʼobale ta stojolal Malkiya, li svakibale ta stojolal Mijamin, 10 li svukubale ta stojolal Akos, li xvaxakibale ta stojolal Abias,+ 11 li sbalunebale ta stojolal Jesua, li slajunebale ta stojolal Sekanias, 12 li 11 ta stojolal Eliasib, li 12 ta stojolal Jakim, 13 li 13 ta stojolal Upa, li 14 ta stojolal Jesebeab, 14 li 15 ta stojolal Bilga, li 16 ta stojolal Imer, 15 li 17 ta stojolal Esir, li 18 ta stojolal Apises, 16 li 19 ta stojolal Petaias, li 20 ta stojolal Jeeskel, 17 li 21 ta stojolal Jakin, li 22 ta stojolal Gamul, 18 li 23 ta stojolal Delaya, li 24 ta stojolal Maasias.

19 Taje jaʼ jech tspas yabtelik+ kʼalal ch-ochik ta sna Jeova ti kʼu yelan xchapanoj komel li smoltotik Aaron jech kʼuchaʼal albil yuʼun Jeova ti jaʼ Dios yuʼun Israele.

20 Liʼe jaʼ li yan jlevietike: li ta xnichʼnab Amrame+ jaʼ Subael;+ li ta xnichʼnab Subaele jaʼ Jedeya. 21 Xnichʼnab Reabias:+ li ta xnichʼnab Reabiase jaʼ Isias ti jaʼ jolile; 22 li ta j-isaretike jaʼ Selomot,+ li ta xnichʼnab Selomote jaʼ Jaat; 23 li ta xnichʼnab Ebrone jaʼ Jerias,+ li Jeriase jaʼ jolil, li xchaʼvoʼale jaʼ Amarias, li yoxvoʼale jaʼ Jaasiel, li xchanvoʼale jaʼ Jekameam; 24 li ta xnichʼnab Usiele jaʼ Mikeas; li ta xnichʼnab Mikease jaʼ Samir. 25 Li yitsʼin Mikease jaʼ Isias; li ta xnichʼnab Isiase jaʼ Sakarias.

26 Li xnichʼnab Merarie+ jaʼik Mali xchiʼuk Musi; li ta xnichʼnab Jaasiase jaʼ Beno. 27 Xnichʼnab Merari: li ta xnichʼnab Jaasiase jaʼik Beno, Soam, Sakur xchiʼuk Ibri; 28 li ta xnichʼnab Malie jaʼ Eleasar, li Eleasare muʼyuk junuk skerem.+ 29 Xnichʼnab Kis: li ta xnichʼnab Kise jaʼ Jerameel; 30 li xnichʼnabtak Musie jaʼik Mali, Eder xchiʼuk Jerimot.

Taje jaʼik xnichʼnabtak Levi ta jujuchop yutsʼ yalalik. 31 Laj yakʼik suerte+ ek jech kʼuchaʼal la spasik li xchiʼiltakik ti jaʼik xnichʼnabtak Aarone, te la spasik ta yeloval ajvalil David, ta yeloval Sadok, Aimelek xchiʼuk ta yeloval li joliletik ta jujuchop yutsʼ yalal paleetik xchiʼuk jlevietike. Li yutsʼ yalal bankilale jaʼ jech tsakbil ta mukʼ jech kʼuchaʼal li yutsʼ yalal itsʼinale.

25 Jech xtok, li David xchiʼuk li bankilaletike la stʼujik jayvoʼ xnichʼnabtak Asaf, xnichʼnabtak Eman xchiʼuk xnichʼnabtak Jedutun+ sventa stijik arpaetik, stijobiltak son ti oy yakʼiltake+ xchiʼuk simbaloetik*+ kʼalal chalik albil kʼopetik xchiʼuk kʼalal tskʼupil kʼoptaik Diose. Li viniketik ti laj yichʼik tʼujele jaʼik liʼe: 2 li ta xnichʼnab Asafe jaʼik Sakur, Jose, Netanias xchiʼuk Asarela, jaʼik xnichʼnab Asaf ti jaʼ chbeiltasatik yuʼun li Asaf ti jaʼ chal albil kʼope xchiʼuk ti jaʼ tspasat ta mantal yuʼun li ajvalile. 3 Xnichʼnab Jedutun:+ li ta xnichʼnab Jedutune jaʼik Guedalias, Seri, Jesaya, Simei, Asabias xchiʼuk Matitias,+ vakvoʼik. Jaʼ chbeiltasatik yuʼun li Jedutun ti jaʼ stotik ti chal albil kʼop kʼalal tstij arpae, jaʼ tstojbe ta vokol xchiʼuk jaʼ tskʼupil kʼopta li Jeovae.+ 4 Xnichʼnab Eman:+ li ta xnichʼnab Emane jaʼik Bukias, Matanias, Usiel, Sebuel, Jerimot, Ananias, Anani, Eliata, Guidalti, Romamti-Eser, Josbekasa, Maloti, Otir xchiʼuk Maasiot. 5 Taje jaʼ xnichʼnabtak li Eman ti jaʼ jun vinik ti oy kʼusi ch-akʼbat yil ti nopem xaʼi chalbe ajvalil ti jaʼ chal li kʼusi ch-albat yuʼun melel Diose sventa skʼupil kʼopta* li Diose; jaʼ yuʼun, li melel Diose laj yakʼbe 14 ta voʼ skeremtak xchiʼuk oxvoʼ stsebetak li Emane. 6 Skotolik taje jaʼ beiltasbilik yuʼun li stotik ti kʼalal chkʼejinik ta sna Jeovae, jaʼ tstijik li simbaloetike,* li stijobiltak son ti oy yakʼiltake xchiʼuk li arpaetike,+ skotolik jaʼ jech yabtelik li ta sna melel Diose.

Li Asaf, Jedutun xchiʼuk Emane jaʼ tspasatik ta mantal yuʼun li ajvalile.

7 Ti kʼu yepalik xchiʼuk xchiʼiltakik ti lek xchanojik kʼejimol sventa skʼejintaik li Jeovae jaʼik 288 ta voʼ. Lek xtojob skotolik. 8 Ta bikʼit ta mukʼ laj yakʼik suerte+ sventa snaʼik li kʼusi tsbainik jujune. Laj yakʼik suerte ek li buchʼutik lek xa chanemike xchiʼuk li buchʼutik jaʼ to chchanike.

9 Li baʼyel suertee jaʼ kʼot ta stojolal Jose+ ti jaʼ xnichʼon Asafe, li xchibale ta stojolal Guedalias+ (li Guedalias xchiʼuk xchiʼiltak xchiʼuk xnichʼnabtake jaʼik 12 ta voʼ); 10 li yoxibale ta stojolal Sakur,+ jaʼik 12 ta voʼ xchiʼuk xnichʼnabtak xchiʼuk xchiʼiltak; 11 li xchanibale ta stojolal Isri, jaʼik 12 ta voʼ xchiʼuk xnichʼnabtak xchiʼuk xchiʼiltak; 12 li svoʼobale ta stojolal Netanias,+ jaʼik 12 ta voʼ xchiʼuk xnichʼnabtak xchiʼuk xchiʼiltak; 13 li svakibale ta stojolal Bukias, jaʼik 12 ta voʼ xchiʼuk xnichʼnabtak xchiʼuk xchiʼiltak; 14 li svukubale ta stojolal Jesarela, jaʼik 12 ta voʼ xchiʼuk xnichʼnabtak xchiʼuk xchiʼiltak; 15 li xvaxakibale ta stojolal Jesaya, jaʼik 12 ta voʼ xchiʼuk xnichʼnabtak xchiʼuk xchiʼiltak; 16 li sbalunebale ta stojolal Matanias, jaʼik 12 ta voʼ xchiʼuk xnichʼnabtak xchiʼuk xchiʼiltak; 17 li slajunebale ta stojolal Simei, jaʼik 12 ta voʼ xchiʼuk xnichʼnabtak xchiʼuk xchiʼiltak; 18 li 11 ta stojolal Asarel, jaʼik 12 ta voʼ xchiʼuk xnichʼnabtak xchiʼuk xchiʼiltak; 19 li 12 ta stojolal Asabias, jaʼik 12 ta voʼ xchiʼuk xnichʼnabtak xchiʼuk xchiʼiltak; 20 li 13 ta stojolal Subael,+ jaʼik 12 ta voʼ xchiʼuk xnichʼnabtak xchiʼuk xchiʼiltak; 21 li 14 ta stojolal Matitias, jaʼik 12 ta voʼ xchiʼuk xnichʼnabtak xchiʼuk xchiʼiltak; 22 li 15 ta stojolal Jeremot, jaʼik 12 ta voʼ xchiʼuk xnichʼnabtak xchiʼuk xchiʼiltak; 23 li 16 ta stojolal Ananias, jaʼik 12 ta voʼ xchiʼuk xnichʼnabtak xchiʼuk xchiʼiltak; 24 li 17 ta stojolal Josbekasa, jaʼik 12 ta voʼ xchiʼuk xnichʼnabtak xchiʼuk xchiʼiltak; 25 li 18 ta stojolal Anani, jaʼik 12 ta voʼ xchiʼuk xnichʼnabtak xchiʼuk xchiʼiltak; 26 li 19 ta stojolal Maloti, jaʼik 12 ta voʼ xchiʼuk xnichʼnabtak xchiʼuk xchiʼiltak; 27 li 20 ta stojolal Eliata, jaʼik 12 ta voʼ xchiʼuk xnichʼnabtak xchiʼuk xchiʼiltak; 28 li 21 ta stojolal Otir, jaʼik 12 ta voʼ xchiʼuk xnichʼnabtak xchiʼuk xchiʼiltak; 29 li 22 ta stojolal Guidalti,+ jaʼik 12 ta voʼ xchiʼuk xnichʼnabtak xchiʼuk xchiʼiltak; 30 li 23 ta stojolal Maasiot,+ jaʼik 12 ta voʼ xchiʼuk xnichʼnabtak xchiʼuk xchiʼiltak; 31 li 24 ta stojolal Romamti-Eser,+ jaʼik 12 ta voʼ xchiʼuk xnichʼnabtak xchiʼuk xchiʼiltak.

26 Ti kʼutik yelan laj yichʼik chʼakel ta jujuvokʼ li jchabitiʼnaetike+ jaʼ jech kʼuchaʼal liʼe: li ta snitilulal jkoreetike jaʼ Meselemias+ xnichʼon Kore ti te likem tal ta snitilulal Asafe. 2 Li Meselemiase vokʼ xnichʼnabtak. Li sba xnichʼone jaʼ Sakarias, li xchaʼvoʼale jaʼ Jediael, li yoxvoʼale jaʼ Sebadias, li xchanvoʼale jaʼ Jatniel, 3 li svoʼobale jaʼ Elam, li svakvoʼale jaʼ Jeoanan, li svukvoʼale jaʼ Elieo-Enai. 4 Li Obed-Edome vokʼ xnichʼnabtak. Li sba xnichʼone jaʼ Semaya, li xchaʼvoʼale jaʼ Jeosabad, li yoxvoʼale jaʼ Joa, li xchanvoʼale jaʼ Sakar, li svoʼobale jaʼ Netanel, 5 li svakvoʼale jaʼ Amiel, li svukvoʼale jaʼ Isakar, li xvaxakvoʼale jaʼ Peuletai; yuʼun li Diose laj yakʼbe bendision li Obed-Edome.

6 Li Semaya ti jaʼ xnichʼone vokʼ xnichʼnabtak, lek xuʼ yuʼunik xchiʼuk lek xtojobik, jaʼ yuʼun jaʼ la sventainik li jujuchop yutsʼ yalalike. 7 Li xnichʼnabtak Semayae jaʼik Otni, Refael, Obed xchiʼuk Elsabad; li Eliu xchiʼuk Semakias ti jaʼ yutsʼ yalalike lek xtojobik ek. 8 Skotol taje te likemik talel ta xnichʼnabtak Obed-Edom; li viniketik taje xchiʼuk li xnichʼnabik xchiʼuk yutsʼ yalalike lek xtojobik xchiʼuk spas yuʼunik lek li abtelale, ta skotolike jaʼik 62 ta voʼ ti te likemik talel ta yutsʼ yalal Obed-Edome. 9 Li Meselemiase+ oy xnichʼnabtak xchiʼuk yutsʼ yalaltak, jaʼik 18 ta voʼ viniketik ti lek xtojobike. 10 Li Osa ti te likem tal ta xnichʼnabtak Merarie vokʼ xnichʼnabtak. Li june jaʼ Simri. Manchuk mi maʼuk sba nichʼonil li Simrie, jaʼ vaʼanat ta jolil yuʼun li stote, 11 li xchaʼvoʼale jaʼ Ilkias, li yoxvoʼale jaʼ Tebalias, li xchanvoʼale jaʼ Sakarias. Ta skotol li xnichʼnab xchiʼuk yutsʼ yalal Osae jaʼik 13 ta voʼ.

12 Li joliletik ta jujuvokʼ jchabitiʼnaetike koʼol jech yabtelik kʼuchaʼal li yutsʼ yalalik ti te chtunik ta sna Jeovae. 13 Jaʼ yuʼun, ta bikʼit ta mukʼ laj yakʼik suerte+ ta jujuchop yutsʼ yalalik sventa snaʼik bu jotukal tiʼ na chchabiik. 14 Li suertee jaʼ kʼot ta stojolal Selemias sventa xchabi li tiʼ na ta slokʼeb kʼakʼale. Laj yakʼik suerte xtok, jaʼ kʼot ta stojolal Sakarias ti jaʼ xnichʼon Selemias sventa xchabi li tiʼ na ta nortee. Li Sakariase jaʼ pʼijil jtojobtasvanej. 15 Li Obed-Edome jaʼ la sta li ta sure. Yan li xnichʼnabtake+ jaʼ akʼbat sbainik li skʼejobil* kʼusitike. 16 Li Supim xchiʼuk Osae+ jaʼ la staik li ta smaleb kʼakʼal ti te xkom ta stsʼel li tiʼ na Saleket yoʼ bu chmuy batel jun bee. Lek xcholoj sbaik kʼot li jujuvokʼ jchabitiʼnaetike. 17 Li ta slokʼeb kʼakʼale, oy vakvoʼ jlevietik; li ta nortee, chanvoʼ jujun kʼakʼal, li ta sure, chanvoʼ jujun kʼakʼal; sventa xchabiik li skʼejobil* kʼusitike,+ ta chaʼchaʼvoʼ yakʼoj sbaik; 18 li ta ochebal ta smaleb kʼakʼale, chanvoʼ te yakʼoj sbaik ti bu ch-echʼ li bee,+ jaʼ chaʼvoʼ te yakʼoj sbaik ti bu oy li ochebale. 19 Taje jaʼ jech laj yichʼik chʼakel ta jujuvokʼ li jkoreetik xchiʼuk jmerarietik sventa xchabiik li tiʼ nae.

20 Li ta snitilulal jlevietike, li Aiyae jaʼ sbainoj xchabiel li yavil kʼulejal ta sna melel Diose xchiʼuk li yavil kʼusitik chʼultajesbile.*+ 21 Xnichʼnabtak Ladan: li ta snitilulal jguersonetik ti jaʼ xnichʼnabtak Ladan, ti jaʼik joliletik li ta jujuchop yutsʼ yalal Ladan ti jaʼ jguerson vinike jaʼ te lik talel li Jeielie.+ 22 Li Jeieli xchiʼuk li chaʼvoʼ xnichʼnab ti jaʼ li Setam xchiʼuk li Joel ti jaʼ xchiʼil ta vokʼel Setame jaʼ sbainojik li yavil kʼulejal ta sna Jeovae.+ 23 Li ta j-amrametik, j-isaretik, j-ebronetik xchiʼuk j-usieletike,+ 24 li Sebuel ti jaʼ xnichʼon Guersom xchiʼuk ti jaʼ smom Moisese jaʼ sbainoj li skʼejobil* kʼusitike. 25 Li yutsʼ yalal ti te lik talel ta snitilulal Eliesere+ jaʼik Reabias,+ Jesaya, Joram, Sikri xchiʼuk Selomot. 26 Li Selomot xchiʼuk xchiʼiltake jaʼ sbainojik skotol li yavil kʼusitik chʼultajesbile,+ jaʼ xchʼultajesojik li ajvalil David,+ li joliletik ta jujuchop utsʼ alalile,+ li bankilaletik ti sbainojik jmil ta voʼe, li bankilaletik ti sbainojik sien ta voʼe xchiʼuk li bankilal soltaroetike. 27 Li kʼusitik staojik ta paskʼop+ xchiʼuk li kʼusitik spojojik tale+ xchʼultajesojik sventa stunesik kʼalal oy kʼusi chchaʼmeltsanik ta sna Jeovae. 28 Jaʼ sbainojik xtok skotol li kʼusitik xchʼultajesoj Samuel ti jaʼ li vinik ti oy kʼusi ch-akʼbat yile,+ li kʼusi xchʼultajesoj li Saul ti jaʼ xnichʼon Kise, li Abner+ ti jaʼ xnichʼon Nere xchiʼuk li kʼusi xchʼultajesoj li Joab+ ti jaʼ yol Seruyae.+ Buchʼuuk noʼox ti oy kʼusi chchʼultajese jaʼ chakʼbeik sbain li Selomit xchiʼuk xchiʼiltake.

29 Li ta snitilulal j-isaretike,+ li Kenanias xchiʼuk xnichʼnabtake jaʼ sbainojik li kʼusitik skʼan pasel ta spat sna li Diose, kʼotik ta j-abteletik xchiʼuk ta jchapanvanejetik+ yuʼun li Israele.

30 Li ta snitilulal j-ebronetike,+ li Asabias xchiʼuk xchiʼiltak ti jaʼik 1,700 ta voʼ viniketik ti lek xtojobike jaʼ sventainojik li j-israeletik ti te oyik ta yosilal Jordan ta smaleb kʼakʼale, jaʼ tspasik skotol li kʼusitik skʼan pasel ta yabtel Jeovae xchiʼuk li kʼusi skʼan pasel ta yabtel ajvalile. 31 Li ta snitilulal yutsʼ yalal Ebrone jaʼ jolil li Jeriyae.+ Kʼalal 40 jabil xa ox yochel ta ajvalil li Davide,+ li sviniktake bat saʼik viniketik ti lek tsots yoʼontonik xchiʼuk ti lek xuʼ yuʼunik li ta yutsʼ yalal j-ebronetike, vaʼun te la staik ta Jaser+ ta Galaad. 32 Li yutsʼ yalal ti lek xuʼ yuʼunike jaʼik 2,700 ta voʼ viniketik xchiʼuk jaʼik joliletik ta jujuchop yutsʼ yalalik. Jaʼ vaʼanatik yuʼun ajvalil David sventa sbainik li jrubenetik, li jgadetik xchiʼuk li j-oʼlol snitilulal Manasese, jaʼ tspasik skotol li kʼusi skʼan pasel ta yabtel melel Diose xchiʼuk li kʼusitik chtun yuʼun ajvalile.

27 Liʼe jaʼ ti kʼu yepal laj yichʼik chʼakel ta jujuvokʼ li j-israeletik ti jaʼik joliletik ta jujuchop yutsʼ yalalike, li bankilaletik ti sbainojik jmil ta voʼe, li bankilaletik ti sbainojik sien ta voʼe+ xchiʼuk li j-abteletik ti chtunik ta stojolal ajvalil+ ti jaʼ akʼbil sbainik li jujuvokʼ ti tsjelulan sbaik ta jujun u ta sjunul jabile; oyik 24 mil ta jujuvokʼ.

2 Li jvokʼ ti jaʼ ch-abtejik ta sba ue jaʼ sbainoj li Jasobeam+ ti jaʼ xnichʼon Sabdiele. Ti kʼu yepal sventainoje jaʼ 24 mil. 3 Li ta xnichʼnabtak Perese,+ li Jasobeame jaʼ jolil yuʼunik li bankilaletik ta jujuvokʼ ti jaʼ staoj chtunik ta stojolal ajvalil li ta sba ue. 4 Li jvokʼ ti jaʼ ch-abtejik ta xchibal ue jaʼ sbainoj li Dodai+ ti jaʼ j-aoita vinike,+ jaʼ jkoltavanej yuʼun li Miklote. Ti kʼu yepal sventainoje jaʼ 24 mil. 5 Li jvokʼ ti jaʼ ch-abtejik ta yoxibal ue jaʼ sbainoj Benaya+ ti jaʼ xnichʼon li bankilal pale Jeoiadae.+ Ti kʼu yepal sventainoje jaʼ 24 mil. 6 Li Benayae lek xuʼ yuʼun paskʼop, oyik 30 ta voʼ, pe jaʼ jolil yuʼunik li Benayae, li jvokʼ sbainoje jaʼ sventainoj li skerem ti jaʼ li Amisabade. 7 Li jvokʼ ti jaʼ ch-abtejik ta xchanibal ue jaʼ sbainoj Asael+ ti jaʼ xchiʼil ta vokʼel Joabe,+ laje jaʼ kom ta xkʼexol li Sebadias ti jaʼ xnichʼone. Ti kʼu yepal sventainoje jaʼ 24 mil. 8 Li jvokʼ ti jaʼ ch-abtejik ta svoʼobal ue jaʼ sbainoj Samut ti jaʼ j-israita vinike. Ti kʼu yepal sventainoje jaʼ 24 mil. 9 Li jvokʼ ti jaʼ ch-abtejik ta svakibal ue jaʼ sbainoj Ira+ ti jaʼ xnichʼon Ikes ti likem ta Tekoae.+ Ti kʼu yepal sventainoje jaʼ 24 mil. 10 Li jvokʼ ti jaʼ ch-abtejik ta svukubal ue jaʼ sbainoj Eles+ ti jaʼ jpelonita vinik, ti jaʼ snitilulal Efraine. Ti kʼu yepal sventainoje jaʼ 24 mil. 11 Li jvokʼ ti jaʼ ch-abtejik ta xvaxakibal ue jaʼ sbainoj Sibekai+ ti jaʼ j-usa vinik, ti jaʼ snitilulal Serae.+ Ti kʼu yepal sventainoje jaʼ 24 mil. 12 Li jvokʼ ti jaʼ ch-abtejik ta sbalunebal ue jaʼ sbainoj Abi-Eser+ ti jaʼ j-anatot vinik,+ ti jaʼ snitilulal Benjamine. Ti kʼu yepal sventainoje jaʼ 24 mil. 13 Li jvokʼ ti jaʼ ch-abtejik ta slajunebal ue jaʼ sbainoj Maarai+ ti jaʼ jnetofa vinik, ti jaʼ snitilulal Serae.+ Ti kʼu yepal sventainoje jaʼ 24 mil. 14 Li jvokʼ ti jaʼ ch-abtejik li ta yuilal 11 jaʼ sbainoj Benaya+ ti jaʼ jpiraton vinik, ti jaʼ snitilulal Efraine. Ti kʼu yepal sventainoje jaʼ 24 mil. 15 Li jvokʼ ti jaʼ ch-abtejik li ta yuilal 12 jaʼ sbainoj Eldai ti jaʼ jnetofa vinik, ti jaʼ snitilulal Otniele. Ti kʼu yepal sventainoje jaʼ 24 mil.

16 Liʼe jaʼ jnitvanejetik li ta jujuchop snitilulal Israele: li ta snitilulal Rubene jaʼ jnitvanej li Elieser ti jaʼ xnichʼon Sikrie; li ta snitilulal Simeone jaʼ Sefatias xnichʼon Maaka; 17 li ta snitilulal Levie jaʼ Asabias xnichʼon Kemuel; li ta snitilulal Aarone jaʼ Sadok; 18 li ta snitilulal Judae jaʼ Eliu+ ti jaʼ jun xchiʼil ta vokʼel Davide; li ta snitilulal Isakare jaʼ Omri xnichʼon Miguel; 19 li ta snitilulal Sabulone jaʼ Ismaya xnichʼon Abdias; li ta snitilulal Neftalie jaʼ Jerimot xnichʼon Asriel; 20 li ta snitilulal Efraine jaʼ Osea xnichʼon Asasias; li ta j-oʼlol snitilulal Manasese jaʼ Joel xnichʼon Pedaya; 21 li ta j-oʼlol snitilulal Manases ta Galaade jaʼ Ido xnichʼon Sakarias; li ta snitilulal Benjamine jaʼ Jaasiel xnichʼon Abner;+ 22 li ta snitilulal Dane jaʼ Asarel xnichʼon Jeroam. Taje jaʼ li jnitvanejetik ta jujuchop snitilulal Israele.

23 Li Davide muʼyuk la xchap li buchʼutik mu to sta 20 sjabilalike, yuʼun yaloj onoʼox ta jamal Jeova ti chakʼ epajuk li j-israeletik jech kʼuchaʼal li kʼanaletik ta vinajele.+ 24 Li Joab ti jaʼ yol Seruyae lik xchap li Israele, pe muʼyuk tsuts yuʼun xchapel; li Diose tsan skʼakʼal yoʼonton ta stojolal Israel ta skoj ti laj yichʼik chapele.+ Ti kʼu yepal laj yichʼ chapele muʼyuk te laj yichʼ tsʼibael li ta svunal kʼusitik kʼot ta pasel kʼalal kuxul toʼox li ajvalil Davide.

25 Li Asmavet ti jaʼ xnichʼon Adiele jaʼ sbainoj li yavil skʼulejal ajvalile.+ Li Jonatan ti jaʼ xnichʼon Usiase jaʼ sbainoj li kʼusitik chichʼ kʼejel* ta osiltik,* ta jteklumetik, ta bikʼit jteklumetik xchiʼuk li ta jujun tayal kʼelob osile. 26 Li Esri ti jaʼ xnichʼon Kelube jaʼ sbainoj li buchʼutik ch-abtejik ta osiltike. 27 Li Simei ti jaʼ jrama vinike jaʼ sbainoj ti butik tsʼunbil uvae; li Sabdi ti jaʼ jsifmita vinike jaʼ sbainoj ti bu chichʼ kʼejel* li vino ti yichʼoj pasel ta uvae. 28 Li Baal-Anan ti jaʼ jgueder vinike jaʼ sbainoj ti butik tsʼunbil olivae xchiʼuk li sikomoro teʼetik+ ta Sefelae;+ li Joase jaʼ sbainoj ti bu chichʼ kʼejel* aseitee. 29 Li Sitrai ti jaʼ jsaron vinike jaʼ sbainoj li vakaxetik ti te chveʼik ta Sarone;+ li Safat ti jaʼ xnichʼon Adlaie jaʼ sbainoj li vakaxetik ti te oy ta stenlejaltike. 30 Li Obil ti jaʼ j-ismael vinike jaʼ sbainoj li kameyoetike; li Jedeya ti jaʼ jmeronot vinike jaʼ sbainoj li vuroetike.* 31 Li Jasis ti jaʼ j-agar vinike jaʼ sbainoj li chijetike. Skotol taje jaʼik li bankilaletik ti chtunik ta stojolal li ajvalil Davide.

32 Li Jonatan+ ti jaʼ xjunichʼon Davide, jaʼ jtojobtasvanej, lek xaʼibe smelolal li kʼusitike xchiʼuk jaʼ sekretario, li Jeiel ti jaʼ xnichʼon Akmonie jaʼ chchabibe li xnichʼnabtak ajvalile.+ 33 Li Aitofele+ jaʼ yajtojobtasvanej li ajvalile, li Usai+ ti jaʼ j-arkita vinike jaʼ yamigo* li ajvalile. 34 Li Jeoiada ti jaʼ xnichʼon Benaya+ xchiʼuk li Abiatare+ jaʼ komik ta xkʼexol li Aitofele; li Joabe+ jaʼ bankilal yuʼunik li yajsoltarotak ajvalile.

28 Li Davide la stsob ta Jerusalen skotol li bankilaletik ta Israele: jaʼ li bankilaletik ta jujuchop nitilulale, li bankilaletik ti jaʼ oy ta sbaik li jujuvokʼ+ ti chtunik ta stojolal li ajvalile, li bankilaletik ti sbainojik jmil ta voʼe, li bankilaletik ti sbainojik sien ta voʼe,+ li bankilaletik ti sventainojik li kʼusitik oy yuʼun xchiʼuk xnichʼnab li ajvalile xchiʼuk li xvakaxtak ajvalil+ xchiʼuk xvakaxtak xnichʼnabe.+ La stsob xtok li j-abteletik ta spasob mantale xchiʼuk skotol li viniketik ti lek xuʼ yuʼunik xchiʼuk ti lek xtojobike.+ 2 Vaʼi li ajvalil Davide, xi laj yale:

«Kermanotak xchiʼuk jteklumal, chikintabeikun li kʼusi chkale. Oy tajek ta koʼonton svaʼanel jpʼej na ti bu xuʼ xichʼ akʼel li xkaxail strato Jeovae xchiʼuk ti bu xuʼ skajan yakan li Jdiostike,+ laj xa jchapan li kʼusitik chtune.+ 3 Pe xi laj yalbun stuk li melel Diose: ‹Mu voʼotuk chavaʼan li na sventa jbie,+ yuʼun toj ep apasoj kʼop xchiʼuk toj ep amaloj chʼichʼ›.+ 4 Akʼo mi jech, ta skotol li yutsʼ yalal jtote, voʼon la stʼujun li Jeova ti jaʼ Dios yuʼun Israele yoʼ xikʼot ta ajvalil ta Israel sbatel osil,+ yuʼun jaʼ la stʼuj ta jnitvanej li Judae,+ vaʼun li ta snitilulal Judae jaʼ la stʼujbe li yutsʼ yalal jtote,+ ta skotol li xnichʼnabtak jtot une, voʼon lek laj yilun sventa stikʼun ta ajvalil ta sjunul li Israele.+ 5 Ta skotol li jnichʼnabe —yuʼun li Jeovae yakʼojbun ep jnichʼnab—,+ jaʼ la stʼuj li jnichʼon Salomon+ sventa xchoti li ta chotlebal ti bu tspas mantal Jeovae yoʼ sventain li Israele.+

6 »Xi laj yalbune: ‹Li anichʼon Salomone jaʼ tsvaʼanbun li jnae xchiʼuk jaʼ tspasbun li kamakʼtake,* yuʼun voʼon la jtʼuj sventa xkʼot ta jnichʼon xchiʼuk voʼon chikʼot ta stot.+ 7 Mi jpʼel-o ta yoʼonton chchʼun li jmantaltake xchiʼuk mi jech-o tstsak ta venta li kʼusitik chapanbil kuʼun+ jech kʼuchaʼal yakal tspase, te oy-o sbatel osil kuʼun li ajvalilal* tspase›.+ 8 Jaʼ yuʼun, xi jamal chkal ta sat skotol li Israele, li stsobobbail Jeovae xchiʼuk xi jamal chkal ta xchikin li Jdiostike: chʼunbeik me li smantaltake xchiʼuk akʼo ta avoʼontonik skotol li smantaltak Jeova Dios avuʼunike sventa xavichʼik-o li osile+ xchiʼuk sventa xavakʼbeik komel ta xrexto* sbatel osil li anichʼnabike.

9 »Li voʼot ek une, kuni nichʼon Salomon, ojtikinbo li Sdios atote, ta sjunuluk avoʼonton+ xchiʼuk kuxetuk avoʼonton xatun ta stojolal, yuʼun li Jeovae jaʼ chchaj ta kʼelel li koʼontontike+ xchiʼuk xil xojtikin li kʼusi ta jnoptike.+ Mi chasaʼe, chakʼ sba ta saʼel;+ pe mi chaviktae, tspʼajot-o sbatel osil.+ 10 Yuʼun voʼot la stʼujot Jeova sventa xavaʼanbe jpʼej sna ti chkʼot ta chʼulnae. Tsotsuk avoʼonton xchiʼuk abtejan me».

11 Li Davide laj yakʼbe Salomon li splanoal+ ochebale,+ li splanoal snailtake, li splanoal kuartoetik sventa skʼejobil* kʼusitike, li kuartoetik ta jol nae, li kuartoetik ta yute xchiʼuk li kuarto ti bu chakʼ perton Diose. 12 Laj yakʼbe li splanoal yamakʼil*+ sna Jeova jech kʼuchaʼal akʼbat yil ta s-espiritu Diose, li splanoal skotol li veʼebaletik ti oy ta sjoyobale, li snail kʼulejal ta sna melel Diose xchiʼuk li yavil kʼusitik chʼultajesbile;*+ 13 laj yalbe xtok ti kʼu yelan chichʼik chʼakel li paleetik+ xchiʼuk li jlevietike, ti kʼu yelan li abtelal chichʼ pasel ta sna Jeovae xchiʼuk skotol li kʼusitik chtun ta sna Jeovae; 14 laj yal xtok kʼu yalal li oro ti jaʼ chichʼ-o pasel skotol li kʼusitik chtun sventa li jeltos abtelale, ti kʼu yalal li plata sventa xichʼ pasel skotol li kʼusitik ta platae xchiʼuk li yan kʼusitik chichʼ tunesel sventa li jeltos abtelale; 15 laj yal xtok kʼu yalal li oro ti jaʼ chichʼ-o pasel li kandeleroetik+ xchiʼuk li skantilaltake, jaʼ ti kʼu yalal skʼan sventa li jujun kandelero xchiʼuk li skantilaltake; jech xtok, laj yal kʼu yalal li plata ti jaʼ chichʼ-o pasel li kandeleroetike, jaʼ ti kʼu yalal sventa li jujun kandelero xchiʼuk li skantilaltak chichʼ tunesele; 16 laj yal xtok kʼu yalal li oro ti jaʼ chichʼ-o pasel li mexaetik ti jaʼ te tslatsik li pane,*+ jaʼ ti kʼu yalal skʼan sventa li jujukot mexae, jech xtok, laj yal kʼu yalal li plata ti jaʼ chichʼ-o pasel li mexaetike, 17 laj yal kʼu yalal skʼan sventa xichʼ-o pasel li natil chavchav takʼinetike, li mukʼta bochetike, li jarraetik ta batsʼi oroe,+ ti kʼu yalal skʼan sventa xichʼ-o pasel li jujun bikʼtal bochetik ta oroe, ti kʼu yalal skʼan sventa li jujun bikʼtal bochetik ta platae. 18 Laj yal kʼu yalal li lekil oro sventa xichʼ-o pasel li skajleb xchikʼobil pome,+ li oro sventa xichʼ-o pasel li skareta Diose,+ jaʼ xkaltik, li keruvinetik+ ta oro ti xlichʼanoj xikʼik sventa xakʼbeik yaxinal* ta xikʼik li xkaxail strato Jeovae. 19 Xi laj yal li Davide: «Jaʼ la sbeiltasun li Jeovae xchiʼuk jaʼ laj yakʼbun jpʼijil sventa jpasbe lek+ splanoal skotol+ li kʼusitik chichʼ pasele».

20 Vaʼun, li Davide xi laj yalbe li Salomon ti jaʼ xnichʼone: «Tsotsuk me avoʼonton, mu xachibaj xchiʼuk abtejan me. Mu xaxiʼ xchiʼuk mu xnik avoʼonton, yuʼun liʼ xchiʼinojot li Jeova Diose, jaʼ li Jdiose.+ Muʼyuk chiktaot xchiʼuk muʼyuk tstenot komel,+ te chchiʼinot-o Jeova jaʼ to mi tsuts avuʼun svaʼanbel li snae. 21 Liʼ xa chapal ti kʼutik yelan chichʼ chʼakel li paleetik+ xchiʼuk li jlevietik+ sventa x-abtejik li ta sna melel Diose. Liʼ achiʼuk li j-abteletik ti ta sjunul yoʼonton ch-abtejike xchiʼuk lek xtojobik ta spasel kʼusiuk abtelal,+ liʼ achiʼuk li bankilaletike+ xchiʼuk sjunul li jteklum ti chchʼunik skotol li kʼusi chavale».

29 Li ajvalil Davide xi laj yalbe sjunul li tsobobbaile: «Li jnichʼon Salomon ti jaʼ stʼujoj Diose+ toj kerem to xchiʼuk muʼyuk to kʼusi ep xchanoj spasel,+ pe toj mukʼ li abtelal chichʼ pasele, yuʼun maʼuk yuʼun jun krixchano li temploe,* jaʼ yuʼun li Jeova Diose.+ 2 Tsots tajek li-abtej ti bu kʼalal xuʼ kuʼun sventa jchapan li kʼusitik chtun li ta sna Jdiose: laj kakʼ komel oro, plata, kovre, tsatsal takʼin,+ teʼetik,+ onise tonetik, yan tonetik ti chichʼ pakʼel ta mesklae, kʼupil sba tonetik sventa mosaiko, yan jeltos kʼupil sba tonetik xchiʼuk epal alabastro tonetik. 3 Ta skoj ti oy tajek ta koʼonton li sna Jdiose,+ maʼuk noʼox la jchapan li kʼusitik chtun sventa li chʼulnae,+ yuʼun laj kakʼ xtok li oro xchiʼuk li plata ti jaʼ kuʼun jtuke sventa xichʼ tunesel li ta sna Jdiose. 4 Laj kakʼ xtok oxmil talento* oro ti talem ta Ofire+ xchiʼuk vukmil talento lekil plata sventa xichʼ-o pixel li spakʼbaltak nae,* 5 laj kakʼ komel oro, plata xchiʼuk yan kʼusitik ti chtun yuʼunik mi likik ta abtel li buchʼutik oy kʼusitik lek xtojobik spasele. Pe ¿mi oy to buchʼu chlokʼ ta yoʼonton avuʼunik ti chakʼbe matanal Jeova li avie?».+

6 Jaʼ yuʼun, li bankilaletik ta jujuchop utsʼ alaliletike, li bankilaletik ta jujuchop snitilulal Israele, li bankilaletik ti sbainojik jmil ta voʼe, li bankilaletik ti sbainojik sien ta voʼe+ xchiʼuk li bankilaletik ti sbainojbeik li kʼusitik oy yuʼun li ajvalile+ lokʼ ta yoʼontonik yakʼel li matanale. 7 Ta sventa li kʼusitik chtun ta sna melel Diose laj yakʼik voʼmil talento oro, lajunmil dariko,* lajunmil talento plata, 18 mil talento kovre xchiʼuk 100 mil talento tsatsal takʼin. 8 Li buchʼutik oy yuʼunik kʼupil sba tonetike te laj yakʼik ta yavil skʼulejal Jeova, jaʼ la sventain li Jeiel+ ti jaʼ jguerson vinike.+ 9 Li krixchanoetike xmuyubajik ta skoj ti lokʼ ta yoʼontonik yakʼel li matanale, yuʼun ta sjunul yoʼontonik laj yakʼbeik Jeova li matanale,+ li ajvalil David eke xkuxet tajek yoʼonton.

10 Vaʼun, li Davide lik skʼupil kʼopta Jeova ta sat sjunul li tsobobbaile, xi laj yale: «Kajval Jeova ti voʼot Sdiosot li jmoltotkutik Israele, kʼupil kʼoptabilukot ta sbatel osil. 11 Kajval Jeova, oy amukʼulal,+ oy ajuʼel,+ jun avutsil, xaxojobinaj noʼox+ xchiʼuk voʼot aventainoj skotol,* yuʼun jaʼ avuʼun skotol li kʼusitik oy ta vinajel xchiʼuk ta balumile.+ Voʼot ajvalilot, Kajval Jeova.+ Voʼot noʼox atuk ti toj mukʼ akʼoplale. 12 Li kʼulejal xchiʼuk li mukʼulale jaʼ avuʼun+ xchiʼuk voʼot chapas ta mantal skotol,+ toj echʼem ajuʼel+ xchiʼuk voʼot oy ta akʼob chatoybe skʼoplal+ xchiʼuk chavakʼbe sjuʼel li krixchanoetike.+ 13 Li avie, Kajval Dios kuʼunkutik, ta jtojbotkutik ta vokol xchiʼuk ta jkʼupil kʼoptakutik abi ti jun yutsile.

14 »Muʼyuk tsots jkʼoplal xchiʼuk muʼyuk tsots skʼoplal jteklumal ti jech chkakʼkutik li matanal ti chlokʼ ta koʼontonkutike, yuʼun jaʼ avuʼun skotol xchiʼuk jaʼ noʼox laj kakʼbotkutik li kʼusi avakʼojbunkutike. 15 Jyanlumunkutik noʼox ta asat xchiʼuk jchʼom-osilunkutik noʼox jech kʼuchaʼal echʼ li jmoltotakutike.+ Li jkuxlejalkutik liʼ ta sba balumile jaʼ noʼox jech kʼuchaʼal nakʼobal+ ti muʼyuk chijalijkutike. 16 Jeova Dios kuʼunkutik, te likem talel ta atojolal skotol li kʼulejal ti jchapanojkutik xa sventa jvaʼankutik jpʼej ana sventa li achʼul bie, jaʼ avuʼun skotol. 17 Jnaʼoj lek, Dios kuʼun, ti chachaj ta kʼelel li koʼontonkutike+ xchiʼuk ti jaʼ xkuxet-o avoʼonton ti tukʼ koʼontonkutike.+ Ta sjunul koʼonton laj kakʼbot li matanale, jech xtok, ximuyubaj ti ta sjunul yoʼonton tal yakʼik matanal li ateklumal ti liʼ tsobolike. 18 Kajval Jeova ti voʼot Sdiosot Abraan, Isaak xchiʼuk Israel ti jaʼ jmoltotakutike, koltao li jteklum liʼe sventa lekuk li kʼusi oy ta yoʼontonike xchiʼuk ti ta sjunuluk yoʼontonik xtunik ta atojolal sbatel osile.+ 19 Koltao li jnichʼon Salomon sventa ta sjunuluk yoʼonton+ xchʼun li amantaltake+ xchiʼuk li tojobtaseletik avuʼune sventa spas yuʼun skotol xchiʼuk sventa svaʼan li templo* ti jchapanojbe xa li kʼusitik chtune».+

20 Jaʼ yuʼun, li Davide xi laj yalbe sjunul li tsobobbaile: «Kʼupil kʼoptaik li Jeova Dios avuʼunike». Vaʼun, sjunul li tsobobbaile la skʼupil kʼoptaik li Jeova ti jaʼ Sdios smoltotakike, la snijan sbaik xchiʼuk la skejan spatan sbaik ta stojolal Jeova xchiʼuk ta stojolal li ajvalile. 21 Li vaʼ kʼakʼale, jech-o laj yakʼbeik milbil matanal li Jeovae xchiʼuk laj yakʼbeik chikʼbil matanal+ Jeova li ta yokʼomale. Laj yakʼik jmil ta kot chʼiom tot vakax, jmil ta kot tot chij xchiʼuk jmil ta kot chʼiom tot chij ti jmoj laj yakʼik xchiʼuk li matanal vinoe;+ laj yakʼik epal matanal ta sbi Israel.+ 22 Xkuxet-o yoʼontonik veʼik+ xchiʼuk uchʼbolajik ta stojolal Jeova li vaʼ kʼakʼale. La stikʼik ta ajvalil yan velta li Salomon xnichʼon Davide xchiʼuk la svaʼanik ta jnitvanej ta stojolal Jeova,+ jaʼ la svaʼanik ta paleal ek li Sadoke.+ 23 Li Salomone choti ta xchotleb Jeova+ sventa x-och ta ajvalil ta xkʼexol li David ti jaʼ stote. Lek bat yuʼun skotol xchiʼuk chʼunbil smantal yuʼun skotol li j-israeletike. 24 Skotol li bankilaletike,+ li buchʼutik lek xuʼ yuʼunik paskʼope+ xchiʼuk skotol li xnichʼnabtak ajvalil Davide+ laj yakʼ sbaik ta ventainel ta stojolal li ajvalil Salomone. 25 Li Jeovae la stoybe tajek skʼoplal Salomon ta sat skotol li Israele xchiʼuk stuk noʼox laj yakʼbe sventain skotol ti muʼyuk bu jech kʼotem ta stojolal junuk ajvalil ta Israele.+

26 Jaʼ jech lik sventain sjunul Israel li David xnichʼon Jesee. 27 Ti kʼu sjalil* la sventain li Israele jaʼ 40 jabil. Li ta Ebrone vukub jabil ajvalilaj,+ jaʼ 33 jabil ajvalilaj li ta Jerusalene.+ 28 Li Davide mol xa cham+ xchiʼuk jal kuxi, ep skʼulejal xchiʼuk ichʼbil ta mukʼ echʼ; laje jaʼ och ta xkʼexol ta ajvalil li Salomon ti jaʼ xnichʼone.+ 29 Li kʼusitik la spas ta slikebal kʼalal to ta slajeb li ajvalil Davide te tsʼibabil kom ti bu laj yichʼ tsʼibael li kʼusi laj yal Samuel ti oy kʼusitik ch-akʼbat yile, li j-alkʼop Natane+ xchiʼuk li Gad+ ti oy kʼusi ch-akʼbat yile. 30 Te tsʼibabil kom xtok ti kʼu yelan ajvalilaje, li kʼusitik mukʼtik la spase xchiʼuk li kʼusitik kʼotanuk ta pasel ti te kapal skʼoplal li Davide, li Israele xchiʼuk li yan ajvaliletik ti oy ta spat xokone.