Saʼel kʼulejal
¿Mi chal Vivlia ti muʼyuk lek mi oy jtakʼintik o ti oy kʼusitik x-ayan kuʼuntike?
Loʼiletik ta Vivlia ti tskoltautike:
1Re 3:11-14. Li ajvalil Salomone bikʼit laj yakʼ sba, jaʼ yuʼun akʼbat skʼulejal yuʼun li Jeovae.
Job 1:1-3, 8-10. Akʼo mi jkʼulej tajek li Jobe, tukʼ yakʼoj sba ta stojolal Jeova.
¿Kʼu yuʼun muʼyuk chakʼ jmuyubajeltik ta melel li takʼin xchiʼuk li kʼusitik x-ayan kuʼuntike?
¿Kʼusitik mu xman yuʼun li kʼulejale?
¿Kʼusi chkʼot ta pasel mi jaʼ bat ta koʼontontik li takʼin xchiʼuk li kʼusitik x-ayan ta balumile?
¿Kʼu yuʼun chal Vivlia ti xuʼ sloʼlautik li kʼulejale?
Pr 11:4, 18, 28; 18:11; Mt 13:22
Loʼiletik ta Vivlia ti tskoltautike:
Ech 8:18-24. Li Simone muʼyuk laj yakʼ ta ilel spʼijil kʼalal tsman ox yaʼi ta takʼin li kʼusi tskʼan tsta ta mantale.
¿Kʼu yuʼun xuʼ xkil-o jvokoltik mi jaʼ bat ta koʼontontik saʼel li takʼine?
Loʼiletik ta Vivlia ti tskoltautike:
Mr 10:17-23. Oy jun kerem ti jaʼ bat ta yoʼonton li kʼusitik x-ayan yuʼune, jaʼ yuʼun muʼyuk la stsʼakli batel li Jesuse.
1Ti 6:17-19. Li jtakbol Pabloe laj yalanbe li yajtsʼaklomtak Kristo ti mu tsotsuk skʼoplal xaʼi sbaik ta skoj ti oy stakʼinike, yuʼun mi jech tspasike, muʼyuk xa lek ch-ilatik yuʼun Dios.
Mi jaʼ bat ta koʼontontik saʼel li kʼusitik x-ayan ta balumile, ¿kʼuxi xuʼ xijkʼunib yuʼun ta mantal xchiʼuk ti muʼyuk xa lek chilutik li Diose?
Dt 8:10-14; Pr 28:20; 1Jn 2:15-17
Kʼelo xtok Sl 52:6, 7; Am 3:12, 15; 6:4-8.
Loʼiletik ta Vivlia ti tskoltautike:
Job 31:24, 25, 28. Li Jobe snaʼoj lek ti mu stakʼ spat yoʼonton ta stojolal li kʼulejale, yuʼun mi jech la spase, chakʼ ta ilel ti muʼyuk spatoj yoʼonton ta stojolal Diose.
Lu 12:15-21. Li Jesuse laj yal ti toj xibal sba mi jaʼ bat ta koʼontontik saʼel li kʼulejale. Jaʼ yuʼun, laj yalbe skʼoplal jun jkʼulej vinik ti muʼyuk lek x-ilat yuʼun li Diose.
¿Kʼuxi xuʼ junuk noʼox koʼontontik yuʼun li kʼusi x-ayan kuʼuntike?
¿Kʼusi kʼulejalil ti mas tsots skʼoplale, xchiʼuk kʼu yuʼun?
Pr 3:11, 13-18; 10:22; Mt 6:19-21
Loʼiletik ta Vivlia ti tskoltautike:
Aj 1:3-11. Li Jeovae la stunes li j-alkʼop Ajeo sventa xalbe steklumal ti muʼyuk xa ch-akʼbatik bendisione, yuʼun jaʼ xa noʼox batem ta yoʼontonik xchabiel li snaike xchiʼuk ti lekuk noʼox oyike, maʼuk ti xchaʼvaʼanik li temploe.
Ap 3:14-19. Li Jesuse tsots laj yakʼanbe mantal li tsobobbail ta Laodisea ta skoj ti jaʼ mas bat ta yoʼontonik saʼel li skʼulejalike, maʼuk ti chtunik ta stojolal Diose.