Kʼuyelan chichʼ akʼel li revistaetike

Li Jkʼel osil ta toyole Oktuvre-disiembre

«Jkotoltik oy buchʼu chamem kuʼuntik ti jkʼanojtike, ¿mi xuʼ van spat koʼontontik xa naʼ li Vivliae? [Akʼo stakʼ.] Kʼelo avil kʼuyelan la spatbe yoʼonton jun ants li Jesuse [kʼelo Juan 11:25]. Li mantal liʼe chal ti Jeovae snaʼoj kʼuyelan chkaʼi jbatik kʼalal oy buchʼu chcham kuʼuntike xchiʼuk chalbot kʼusitik tspas li ta achʼ balumile.» Akʼo iluk li mantal ta pajina 25.

¡Despertad! Disiembre

«Ep krixchanoetike xi ta sjakʼbe sbaike: “Mi oy li Diose, ¿kʼu yuʼun muʼyuk tslajes li pukuje?”, xiik. ¿Mi oy jech xa jakʼbe aba ek? [Akʼo stakʼ.] Li ta pajina 10 xchiʼuk 11 li ta revista liʼe te tstakʼ ta Vivlia li sjakʼobil taje. Xchiʼuk te chal kʼuyelan chkom li balumil mi laj li Diabloe.» Kʼelo Apocalipsis 21:3, 4.

Li Jkʼel osil ta toyole Enero-marso

«Ta smiyonal noʼox krixchanoetik ta skotol li relijionetike, skotol kʼakʼal tskʼoponik Dios. ¿Mi chaʼi van Dios xa naʼ li orasionetik taje? [Akʼo stakʼ.] Li Vivliae chal ti oy ta yoʼonton Dios ti jkʼopontike [kʼelo Filipenses 4:6, 7]. Li revista liʼe chalbe skʼoplal kʼuyelan skʼan jpastik orasion sventa xaʼibutik li Diose.»

¡Despertad! Enero

Xuʼ xavakʼbe skʼel li baʼyel pajinae, vaʼun xi xa jakʼbee: «¿Kʼuxi van cha takʼ li sjakʼobil liʼe? [Akʼo stakʼ.] Li sKʼop Diose tstij koʼontontik ti akʼo mu jsaʼtik kʼope [kʼelo Santiago 3:17]. Vaʼun, ¿kʼu yuʼun van mu stsob sba yuʼun krixchanoetik li relijione? ¿Mi chkʼot van yorail ti chakʼ lekilale? Li revista liʼe tstakʼ li kʼusitik taje».