¿Mi tsbeiltasutik skotol kʼakʼal li Skʼop Diose?

Kʼalal ta jchantik skotol kʼakʼal li Vivliae, tskoltautik sventa lekuk oy xchiʼuk tsotsuk li xchʼunel koʼontontike (Kol. 2:6, 7). Pe mi ta jkʼantik ti akʼo skoltautik li Skʼop Diose, skʼan jnopbetik smelolal li kʼusi chale xchiʼuk xkakʼ ta jkuxlejaltik (Evr. 4:12; Sant. 1:22-25). Sventa spas kuʼuntike, li ta Josué 1:8 ta Traducción del Nuevo Mundo chalbutik oxtos kʼuxi xuʼ jchantik: 1) chano li Vivlia «ta kʼakʼal [akʼobale]»; 2) «skʼan me kʼun xakʼel», jaʼ xkaltik, jchʼakbetik yorail sventa jnopbetik smelolal xchiʼuk ti xkiltik xa yileluk li kʼusi yakal ta jkʼeltike xchiʼuk 3) akʼo avipal «sventa jaʼ jech xapas batel ti kʼu yelan tsʼibabil» ta Vivliae. Mi ta jpastik yoxtosal taje, lek chbat li jkuxlejaltike xchiʼuk chkakʼ iluk jpʼijiltik ta skotol kʼakʼal.