¿Mi likem talel ta Estados Unidos li arelijionike?

Li smeʼ nail abtelal kuʼunkutike te oy ta Estados Unidos. Pe akʼo mi jech maʼuk jtsop krixchanounkutik ti jchʼakoj jbakutik lokʼel ta yan relijion ti lik tal ta Estados Unidose, liʼ oy li srasonaltake:

• Li stestigotak Jeovae muʼyuk xchʼakoj sbaik lokʼel ta junuk relijion. Jaʼ noʼox kakʼojkutik persa sventa teuk-o li kʼusi laj yichʼ likesel ta baʼyel sigloe.

• Oy stestigotak Jeovae ti lek baxbolik ta spasbel yabtel Jeova ta mas ta 230 lumetik. Mu ventauk bu nakalunkutik, tukʼ chkakʼ jbakutik ta stojolal Jeova xchiʼuk Jesucristo, maʼuk ta stojolal li ajvalil ta Estados Unidose o yan ajvaliletik (Juan 15:19; 17:15, 16).

• Jchʼunojkutik xtok ti ta Vivlia lokʼem skotol li chanubtaseletik kuʼunkutike, maʼuk ti jaʼ stsʼibaoj junuk jnitvanej ti likem ta Estados Unidose (1 Tesalonicenses 2:13).

• Jaʼ ta jtsʼaklikutik li Cristoe, maʼuk junuk vinik (Mateo 23:8-10).