¿Mi ta xchaʼlajes chopol krixchanoetik ti Diose?

22 Li krixchanoetik tanae, toj chopolik ek. ¿Kʼusitik chopol ta spasik liʼe?

23 Yantike chmilvanik. Dios ta xal ti mu stakʼ xa pas liʼe (Éxodo 20:13; 1 Juan 3:11, 12).

24 Yantike ch-elkʼajik. Dios ta xal ti mu stakʼ xa elkʼaje (Éxodo 20:15; Efesios 4:28).

25 Yantike chnupunik xchiʼuk epal antsetik. Yantike nakalik xchiʼuk chaʼvoʼ o ep antsetik ta juju pʼej snaik. Yantike, jmoj nakalik akʼo mi muʼyuk nupunemik. Skotol liʼe skontrainoj li kʼusi chal li Vivliae (Mateo 19:4-6; 1 Corintios 7:1-4; 1 Timoteo 3:1, 2).

26 ¿Mi xa naʼ to ti Dios kʼajomal noʼox jun yajnil la jyakʼbe ti Adane? (Génesis 2:22, 24.)

27 Oy buchʼutik ta smuyubtaik li santoetike. Dios ta xal ti mu stakʼ jtunestik santoetik xchiʼuk lokʼoletik sventa muyubtaelal (Éxodo 20:4, 5; Isaías 44:9-17; 1 Juan 5:21).

28 Jeova ta slajes li buchʼu chopolik ti mu sjel stalelike (Salmo 37:9, 10; Lucas 13:5; 1 Corintios 6:9, 10).