Jeova chakʼbutik jun Jpojvanej

29Li baʼyel kuxlej ti mu xvinaj ta kʼelel pasbil yuʼun Diose jaʼ kʼot ta sbaʼyel nichʼon.

Dios ep skʼanoj xchiʼuk ta stunes sventa akʼo slajes li chopol krixchanoetike xchiʼuk ta spoj li jchʼunej mantaletike (Juan 3:16, 36).

30 Jeova la stak tal xNichʼon sventa liʼ ch-ayan ta Balumile. La sbiin Jesus. Li smeʼe la sbiin Maria (Lucas 1:30-35).

31 Kʼalal chʼi ti Jesuse, ep kʼusitik lek la xchanubtas. Chanubtasvan ti jaʼ noʼox jaʼ melel Dios ti Jeovae (Marcos 12:29, 30).

Jesus la jyal ti kʼajomal noʼox Jeova skʼan ta jmuyubtatik (Mateo 4:10; Juan 4:23, 24).

Jech xtok, la xchanubtas li krixchanoetik ta sventa sreino Jeova (Lucas 17:20, 21).

32 Jesus la xpoxtaan li j-ipajeletike, xchiʼuk ep kʼusitik lek la spas. Muʼyuk kʼusitik chopol la spas (Hechos 10:38; 1 Pedro 2:21, 22).

Pe, ¿kʼuxi van xuʼ toʼox ta spojutik ta mulil xchiʼuk ta lajelal?

33 La jyakʼ xkuxlejal ta stojolal Dios sventa tspoj li lekil krixchanoetike. Ta voʼnee, Dios la jyalbe krixchanoetik ti akʼo yakʼik xkuxlejal chonetik sventa li smulike (Hebreos 7:25, 27).

34 Jesus muʼyuk la jyakʼ xkuxlejal chonetik. La jyakʼ xkuxlejal stuk ta jtojolaltik (Mateo 20:28; Hebreos 10:12).

¿Mi xa naʼ kʼu yuʼun?